Znajści
Ałharytmičny łacinski varyjant
19.02.2024 / 07:009RusŁacBieł

«Zachoŭvajcie jak zrenku voka, heta dla «Pieršaha». Źlivy razmoŭ čynoŭnikaŭ pra vakcynu dla Łukašenki i statystyku pa karanavirusie

Kibierpartyzany źlili razmovy, jakija pakazvajuć, jak čynoŭniki padmanvali ludziej padčas kavidu, a dla Łukašenki i jaho siamji byli adpraŭleny pryščepki ad hetaha virusu. Rasśledavańnie apublikavaŭ «Biełsat».

Skryn videa belsat_news / YouTube

U ruki Kibierpartyzanaŭ trapili zapisy telefonnych razmovaŭ z krasavika pa červień 2021 hoda. Heta kaniec druhoj chvali zachvorvańniaŭ, kali panavaŭ štam «amikron».

Vakcyna dla Łukašenki

Adna sa źlitych razmoŭ — pamiž načalnicaj hałoŭnaha ŭpraŭleńnia achovy zdaroŭja Minharvykankama Natallaj Bajarskaj i hałoŭnym doktaram Minskaj abłasnoj dziciačaj balnicy Dźmitryjem Zajcavym.

U razmovie Bajarskaja kaža, što znajšła piać doz pieršaha i druhoha kampanientaŭ pryščepki z terminam prydatnaści da vieraśnia 2021 hoda.

«U čaćvier Matronkina z rajona pryviazie jaje vam. Zachoŭvajcie jaje jak zrenku voka. Heta budzie dla «Pieršaha» i achvotnych, moža być, siamji. Ale ŭ paniadziełak da vas pryjdzie Rumas».

Takim čynam, Łukašenka, jaki kazaŭ, što pryščepicca tolki biełaruskaj vakcynaj, atrymaŭ rasijskuju jašče ŭ červieni 2021 hoda, jak tolki jana źjaviłasia, kažuć u rasśledavańni «Biełsat».

Skryn videa belsat_news / YouTube

Padman z najaŭnaściu vakcyn

U rasśledavańni pryvodzicca frahmient razmovy, dzie čynoŭniki damaŭlajucca padmanvać ludziej. 8 maja 2021 hoda na «Ekspabiele» byŭ arhanizavany punkt vakcynacyi. Z-za pierapynku ŭ pastaŭkach vakcyny było šmat achvotnych pryščapicca.

U adnoj z razmovaŭ Natalla Bajarskaja apisvaje situacyju, jakaja była ŭ hetym punkcie vakcynacyi 10 maja 2021-ha:

«Ludzi i z Bresta, i z Hrodzienskaj vobłaści, i ź Minskaj, ź inšych haradoŭ. Uvohule stajali ścianoju. Nie vypuskali miedykaŭ u 7 hadzin viečara 10 maja z punktu. Patrabavali pryščapić da apošniaha. Byŭ ža pierapynak. Ni ŭ Minsku, nidzie nie było vakcyny. Tolki ŭ nas».

U vyniku daviałosia vyklikać milicyju, kab supakoić ludziej.

Zatym načalstva časova zakryła punkt na «Ekspabiele». A kab nasielnictva nie aburałasia, pastavili tam rabotnika. Jon chłusiŭ ludziam pra realny stan rečaŭ z vakcynacyjaj.

Tak, u razmovie z Bajarskaj hałoŭny doktar Minskaj centralnaj rajonnaj kliničnaj balnicy Haryk Barsamian śćviardžaŭ:

«My tam pastavim čałavieka, jaki budzie raskazvać kazki, što minskija palikliniki atrymali vakcynu, u paliklinikach čerhaŭ niama. Idzicie tudy. Pra toje, što partyja vakcyny skončyłasia, nie havorym? Tak?»

«Ni ŭ jakim vypadku!» — adkazała Bajarskaja.

Jak padavać infarmacyju

U 2021 hodzie pieraboi z vakcynami byli ŭ troch kvartałach. Čynoŭniki pra heta maŭčali, i rabili ŭsio, kab schavać realnyja ličby pamierłych.

U inšym frahmiencie čuvać, jak Natalla Bajarskaja ŭdakładniaje ŭ namieśnicy ministra achovy zdaroŭja Aleny Bohdan: «Voś čytaju infarmacyju pa Dziaržynsku. Alena Leanidaŭna, a ličby tyja, pra jakija my nie vielmi havorym, tak i zachoŭvać?»

«Lepš nie pakazvać», — raić Bohdan.

«Uvohule ŭ pryncypie, tak?» — udakładniaje Bajarskaja.

«Nie pakazvać. Nie pakazvać. Ahulnymi frazami, što karanavirusnaja infiekcyja ŭniesła svaje karektyvy. Usio», — patrabuje Bohdan.

Jak rychtavalisia da vizitaŭ vysokich čynoŭnikaŭ

U frahmiencie razmovy Natalli Bajarskaj z hałoŭnaj doktarkaj Krupskaj centralnaj rajonnaj balnicy Alenaj Kleščanok pieršaja cikavicca: «U aŭtorak u vas budzie mierapryjemstva z udziełam vysokich słužbovych asobaŭ. Skažy mnie, kali łaska, pałatu ty zmožaš arhanizavać reanimacyjnuju?»

Na što Kleščanok adkazvaje: «Na bazie čystaj apieracyjnaj, tamu što ŭ reanimacyi ŭ nas dadatkovyja dva łožki».

«Ale ty całkam zmožaš jaje arhanizavać?» — udakładniaje Bajarskaja.

«Nu, my rabili ŭžo tak, jak dla prezidenta ŭ adpaviednaści z… heta samaje».

«Tak. Dobra. I tam asobny, biez kavidu ŭvachod i ŭsio astatniaje, tak?»

«Usio budzie. I asobny čysty ŭvachod», — zapeŭnivaje Kleščanok.

Čytajcie jašče:

U čarzie na pryščepku ad kavidu ŭ «Ekspabiele» staić sto čałaviek FOTA

Punkt vakcynacyi ad kavidu ŭ «Ekspabiele» — usio. Pryščepki bolš rabić nie buduć

Łukašenka zajaviŭ, što pierachvareŭ na amikron. Što jon rabiŭ apošnija dva tydni i što pavinien byŭ rabić

Namieśnica ministra achovy zdaroŭja admoviłasia adkazvać na pytańni žurnalistaŭ na bryfinhu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
9
Ха-ха
4
Ого
2
Сумна
9
Абуральна
89
0
Złobnyj vožyk/adkazać/
19.02.2024
I eto my jeŝie znajem otryvkami, kusočkami. Priedstavlajetie, skolko my jeŝie nie znajem o tom, čto tvoriłoś i tvoritsia vsie eti hody. V tiuŕmu by prisieło stolko śpiecialistov iz raznych obłastiej, čto prišłoś by zavoziť iz-za hranicy — rabotať było by niekomu.
0
unuk /adkazać/
19.02.2024
Patołohičieskij łžiec načinał svoju kaŕjeru so łži, a zatiem postroił łživyj riežim, v kotorom on kak profieśsionalnyj łžiec čuvstvujet siebia kak ryba v vodie.
0
Boba /adkazać/
19.02.2024
Ja by jemu jeŝie piať doz vysłał liš by on ukołosia, takaja nadiežda čto tomboz ot etoho łajna by podchvatił. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930