Znajści
Ałharytmičny łacinski varyjant
18.02.2024 / 17:2115RusŁacBieł

Prarasijskija aktyvisty sprabavali nakrucić hałasy suprać imionaŭ vybitnych biełarusaŭ

Za paru hadzin biełarusy abnulili vyniki ichniaj pracy za apošnija piać dzion.

Arkadź Smolič, biełaruski hieohraf i adzin sa stvaralnikaŭ BNR

14 lutaha ŭ telehram-kanale «Biełoruska «topit» źjaviŭsia dopis z pra toje, što administracyja Leninskaha rajona Minska vyniesła na abmierkavańnie pytańnie najmieńnia prypynkaŭ hramadskaha transpartu. Prarasijskuju aktyvistku nie zadavoliła toje, što byli prapanavanyja imiony kampazitara Stanisłava Maniuški i hieohrafa Arkadzia Smoliča, u honar jakich nazvanyja susiednija vulicy.

«I kali pieršy prosta biełaruska-polski kampazitar, choć i biełaruskaha ŭ im [tolki toje], što naradziŭsia [tut], to druhi adzin z kiraŭnikoŭ BNR», — aburyłasia prarasijskaja aktyvistka.

Suprać treciaj prapanavanaj asoby, kinarežysiora Viktara Turava, aktyvistka ničoha suprać nie mieła.

Telehram-kanał zaklikaŭ svaich prychilnikaŭ hałasavać suprać Maniuški i Smoliča. Jaje zaklik pierapościła i Volha Bondarava.

Za hetyja dni im udałosia sabrać bolš za tysiaču hałasoŭ suprać, što składała kala 81% ad ahulnaj kolkaści hałasoŭ.

Siońnia na dziŭnaje hałasavańnie źviarnuli ŭvahu ŭ sacyjalnych sietkach, paličyŭšy, što hałasy śviadoma nakručvalisia dziela patrebnaha vyniku.

Padazronymi vyhladali adnolkavyja pracenty hałasoŭ suprać, čaho zvyčajna nie byvaje ni ŭ jakich hałasavańniach pa luboj temie, a taksama nadzvyčajnaja cikaŭnaść da hałasavańnia, dzie ŭsiaho tolki pytalisia mierkavańnia nakont nazvy prypynkaŭ na prajektavanych vulicach, raźmiaščeńnie jakich nikomu nie viadomaje. Zvyčajna apytanki pa bolš vostrych temach na dziaržaŭnych sajtach nie nabirajuć i pary socień hałasoŭ.

Hałasavańnie stanam na viečar 18 lutaha

Aburanyja biełarusy zaklikali hałasavać za imiony Maniuški i Smoliča, kab nie dać padniać biełarusafobam hałavy ŭ krainie.

Za niekalki hadzin pieravaha na sajcie źmianiłasia — ciapier bolš za 50% hałasoŭ padtrymlivajuć nazvy prypynkaŭ u honar słavutych biełarusaŭ. Hałasavańnie praciahvajecca.

«Naša Niva» — bastyjon biełaruščyny

PADTRYMAĆ

Čytajcie taksama:

Zakryŭsia adzin z ananimnych telehram-kanałaŭ umieranych łukašenkaŭcaŭ

Bondarava sprabuje dabicca, kab prypynki ŭ transparcie ahučvali pa-rusku. Jaje paŭsiul adfutbolili

Kodła Bondaravaj nakinułasia na słova «vakacyi». I znoŭ sieła ŭ łužynu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
69
Панылы сорам
2
Ха-ха
2
Ого
1
Сумна
1
Абуральна
6
0
Jen/adkazać/
19.02.2024
81 jak u łuki 83 elehantnyja. Ruki kramliny hnidy
0
Prosta žychar/adkazać/
20.02.2024
Anton, Arkadź Smolič - vybitny biełaruski navukoviec, hieohraf. Napisaŭ pieršy padručnik pa hieahrafii Biełarusi, stvaryŭ pieršuju mapu Biełarusi ź lehiendaj i nazvami nasielenych punktaŭ na biełaruskaj movie.
1
Anton/adkazać/
20.02.2024
Siaržuk Sucharaŭski, a kak u tiebia s movoj? Užie učiš, ili poka obdumyvaješ tolko?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031