Znajści
Ałharytmičny łacinski varyjant
15.02.2024 / 17:327RusŁacBieł

«Pavodziny rasijskich partnioraŭ vyklikajuć ździŭleńnie». Baskaŭ usio nie moža zabycca pra svaju hańbu na «Čyžoŭka-arenie» 

Ciapierašni «sienatar», a raniej kiraŭnik chakiejnaj fiederacyi Dźmitryj Baskaŭ, sustrakajučysia ŭ Maładziečnie z kalektyvami miascovaha ladovaha pałaca i chakiejnaha kłuba «Dynama-Maładziečna», uspomniŭ pra niadaŭni incydent, kali niezadavolenyja vynikami finalnaha matču chakieisty rasijskaj junijorskaj zbornaj pakidali na lod uručanyja im pryzy. Vidać, što Baskavu heta dahetul balić, choć chakieistaŭ užo prymusili paprasić prabačeńnia.

Dźmitryj Baskaŭ i rasijski chakieist padčas skandalnaha ŭznaharodžańnia

Prabačeńnia chakieistaŭ Baskavu mała, jamu chočacca, kab ich jamu pryniesła i rasijskaja chakiejnaja fiederacyja, a taksama kab jana pakarała inicyjataraŭ i ŭdzielnikaŭ demaršu. Ale taja čamuści hetaha rabić nie śpiašajecca. 

«Heta ŭžo nie pieršy vypadak, kali pavodziny našych rasijskich partnioraŭ vyklikajuć, miakka kažučy, ździŭleńnie i ŭ našych spartsmienaŭ, i ŭ našaj chakiejnaj hramadskaści. Asabliva adsutnaść publičnych vybačeńniaŭ i kankretnych zachadaŭ z boku rasiejcaŭ. Usie my byli śviedkami taho, što adbyvałasia sudziejskaje samavolstva na Kubku Pieršaha kanała. Ale tady my byli ŭ haściach i pavodzili siabie hodna», — skazaŭ Baskaŭ.

A voś rasijanie toj ža manietaj svaim ledź nie adzinym ciapier mižnarodnym chakiejnym partnioram nie płaciać.

«Paŭtarusia, prajšoŭ užo praktyčna tydzień, ale da hetaha času biełaruskija zaŭziatary tak i nie pačuli nijakich zrazumiełych tłumačeńniaŭ pra toje, jakija dyscyplinarnyja miery buduć užytyja da treniera kamandy, jaki dazvoliŭ sabie pastavić svaje emocyi vyšej za ŭsio i faktyčna spravakavać chakieistaŭ», — narakaje abražany čynoŭnik.

I heta prytym, što dahetul baki panapadpisvali pamiž saboj roznych sumiesnych pahadnieńniaŭ i prajektaŭ, ad jakich, maŭlaŭ, nijakaha tołku:

«Naša fiederacyja ciapier pavinna nie siadzieć, skłaŭšy ruki, a damahacca kankretnaha rašeńnia… Jakija miery buduć pryniatyja da treniera rasijskaj junijorki i asobnych jaje hulcoŭ? My ŭsie čakajem adkaz».

Čytajcie taksama:

Rasijskich chakieistaŭ, jakija kinuli na lod uručanyja Baskavym pryzy, prymusili prabačacca

Baskaŭ prakamientavaŭ skandał na chakiejnym «Kubku budučyni» ŭ Minsku

Na moładzievym chakiejnym turniry ŭ Minsku rasiejcy abrazilisia parazie ad biełarusaŭ i ŭčynili demarš

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
4
Ха-ха
36
Ого
2
Сумна
2
Абуральна
3
15.02.2024
[Red. vydalena]
0
Žabahadziukinh/adkazać/
15.02.2024
Baskaŭ, davaj, ciśni na haz, nie spyniajsia! Bo vielmi patrebnaja advarotnaja reakcyja z boku rasiejskich šavinistaŭ.

0
Nieadvarotnaść pakarańnia/adkazać/
15.02.2024
Vyzyvaje ździŭleńnie čamu baskoŭ dahetul nie ŭ turmie za zabojstva Ramana Bandarenki.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031