Znajści
Ałharytmičny łacinski varyjant
18.02.2024 / 16:246RusŁacBieł

Botaks: kali i ŭ jakich vypadkach jaho prymianiać?

Siońnia «ŭkoły pryhažości» stali vielmi papularnymi. Dziaržaŭnyja i pryvatnyja miedycynskija ŭstanovy prapanoŭvajuć svaje pasłuhi pa karekcyi marščyn. Kamu lepš padydzie hetaja pracedura i ŭ jakich vypadkach?

Fota: Getty Images

Zaŭvažym adrazu, što słova «botaks» nie karektna ŭžyvać u dačynieńni da «injekcyj pryhažości». Botaks — zarehistravanaja nazva lekavaha srodku, jaki vyrablajecca ŭ ZŠA. U Biełarusi vy jaho nie znojdziecie. Zamiest jaho vam mohuć prapanavać dysport ci niejranoks. Jany, jak i botaks, majuć adzin i toj ža dziejny srodak — botułataksin.

Trochi historyi

Admietna, što heta adno z samych atrutnych rečyvaŭ. Jaho papadańnie ŭ sistemu stravavańnia vyklikaje batulizm. U hady Druhoj suśvietnaj vajny navat było praviedziena ŭsiebakovaje vyvučeńnie botułataksinu na pradmiet jaho vykarystańnia ŭ jakaści bijałahičnaj zbroi.

Pieršym u miedycynskaj praktycy botułataksin prymianiŭ amierykanski aftalmołah Ałan Skot u kancy 1970-ch hadoŭ. Jon uvodziŭ mikradozy preparatu ŭ arbitalnuju ciahlicu voka dla lačeńnia mižvolnych sutarhavych skaračeńniaŭ ciahlic paviek (blefaspazmu). Ciapier preparaty na asnovie botułataksinu vykarystoŭvajuć u kaśmietałohii, a taksama ŭ nieŭrałohii.

Ź jakoha ŭzrostu prymianiać

Zvyčajna ličycca, što «ŭkoły pryhažości» možna prymianiać paśla 30 hadoŭ. Ale ŭ asobnych vypadkach heta moža być i raniej. Pieršyja prykmiety stareńnia skury zaŭvažnyja z 25 hadoŭ. A ŭ niekatorych vielmi emacyjnych ludziej mimičnyja marščyny mohuć zjavicca i raniej. Nie treba zabyvacca i na hienietyku i asablivaści budovy tvaru.

Z metaj prafiłaktyki ŭtvareńnia «husinych łapak» vakoł vačej hety mietad rekamiendujuć pacyjentam va ŭzroście ad 20 hadoŭ. Akramia hetaha, prymianieńnie botułataksinu ŭ asobnych zonach va ŭzroście da 30 hadoŭ moža spryjać zhasańniu niapravilnaj mimiki i farmiravańniu novaha mimičnaha paterna. Naprykład, uviadzieńnie preparatu ŭ vobłaść mižbroŭja moža «advučyć» pacyjenta chmurycca.

Fota: Peter Dazeley / Getty Images

Śpiecyjalisty źviartajuć uvahu, što z uzrostam marščyny stanoviacca ŭsio hłybiejšymi i jaskrava vyražanymi. Tamu ŭ bolš stałym uzroście dla atrymańnia nieabchodnaha efiektu pacyjentu treba rabić injekcyi da troch razoŭ na hod.

Maksimalny efiekt ad prymianieńnia «injekcyj pryhažości» nazirajecca ŭ pacyjentaŭ va ŭzroście ad 30 da 40 hadoŭ. Paśla 50 hadoŭ z-za nizkaha myšačnaha tonusu i abmiežavanaha miesca ŭździejańnia efiekt budzie horšy. A kali vam bolš za 60 hadoŭ, to «ŭkoły pryhažości» nieabchodna prymianiać z aściarožnaściu i tolki ŭ vypadku, kali ich parekamiendavaŭ śpiecyjalist.

Jakija prablemy dapamoža vyrašyć

Preparaty botułataksinu dapamohuć nie tolki zhładzić marščyny, ale i vyrašyć niekatoryja inšyja prablemy. Naprykład ludziam z tak zvanaj lipkaj uśmieškaj uviadzieńnie botułataksinu ŭ ciahlicy, adkaznyja za padniaćcie vierchniaj huby, moža dapamahčy pamienšyć kolkaść tkanki dziasny, jakaja ahalajecca padčas uśmieški. Praŭda, hety varyjant časovy i patrabuje nastupnych injekcyj dla padtrymańnia vynikaŭ.

Uviadzieńnie botułataksinu ŭ peŭnyja miescy na iłbie moža spracavać jak nievialikaja padciažka brovaŭ. Jany robiacca bolš vyhnutymi. Ale heta pracuje tolki ŭ vypadku žančyn.

Botułataksin taksama prymianiajecca dla lačeńnia hipierhidrozu. Injekcyi błakujuć receptary potavych załoz i tarmoziać vypracoŭku zališniaj kolkaści potu. Efiekt ad pracedury nadychodzić praź niekalki dzion i zachoŭvajecca 6-8 miesiacaŭ.

A ŭ pačatku 2000-ch hadoŭ preparat pačali vykarystoŭvać z metaj bolš chutkaha i akuratnaha rubcavańnia skury pry zažyŭleńni ranaŭ.

Jak časta nieabchodna rabić injekcyi

Termin dziejańnia adnoj pracedury zaležyć ad zon i kolkaści ŭviedzienaha preparatu, ad anatamičnych asablivaściaŭ i ładu žyćcia pacyjenta.

Kaśmietołahi nie rekamiendujuć pravodzić injekcyi pa ŭsim tvary. Heta moža značna parušyć jaho vyraz i budzie vyhladać niepryvabna. Tamu lepš abmiežavacca niekalkimi zonami. U hetym vypadku vynik budzie bolš naturalnym, adnak efiekt budzie zachoŭvacca mienšy čas — u siarednim kala troch-šaści miesiacaŭ. Pry paŭtornym vykarystańni, jak śćviardžajuć śpiecyjalisty, jon moža trymacca da 12 miesiacaŭ.

Kali vy chočacie, kab efiekt ad injekcyj zachoŭvaŭsia jak maha daŭžej, na praciahu 6 miesiacaŭ nieabchodna budzie źvieści da minimumu ŭsio, što stymuluje krovazvarot u apracavanych zonach (sauna, fizijaterapija).

Što z koštami?

U siarednim karekcyja marščyn pieranośsia patrabuje ad 30 adzinak. Kompleks — naprykład, zona mižbroŭja, iłba, «husinyja łapki» kala vačej — kala 100 adzinak preparatu. Košt adzinki — ad 4 rubloŭ.

Dadajcie da hetaha jašče košt papiaredniaj kansultacyi kaśmietołaha i pamiatajcie, što isnuje šerah supraćpakazańniaŭ dla prymianieńnia botułataksinu.

Čytajcie jašče:

«Nichto nie daje mnie bolš za 30 hadoŭ, ale na heta ja traču nie mienš za tysiaču rubloŭ na miesiac». Minčanka — pra płastyčnuju chirurhiju i reakcyju mužčyn

Jak Kryšcijanu Ranałdu ŭdaskanalvaje źniešnaść: kole botaks, źmienšyŭ nos i pierasadziŭ vałasy FOTY

Brytanka 40 hadoŭ nie ŭśmichałasia, kab nie źjavilisia marščyny

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
3
Ха-ха
0
Ого
3
Сумна
5
Абуральна
3
0
Josik/adkazać/
18.02.2024
Tolki kali marščyny pierajšli ŭ rytviny. Kali jość hrošy, čamu b nie rabić? Tolki nie pieraborščvać, bo być padobnym na miač dla boŭlinhu niejak brydka. Nie treba padmanvać, ni ŭ koha apaśla ŭžyvańnia boteksu nie vyjavili ankałohiju, plotki.
1
FF/adkazać/
18.02.2024
Kali ciabie zvać Uładzimir Uładzimiravič
0
JANKA/adkazać/
19.02.2024
• BOTAKSNY DZIED • ⚰️ Jakści ja vyrašyŭ schavacca ad doždyka ŭ naš ciomny-ciomny mikraaŭtobus... A tamaka — a-a — hrymiorka trupaŭ užo sama vykarapała z torby miortvaha-miortvaha dzieda, kab pryvieści taho ŭ paradak. Heta pierad tym, jak šlachietna pakłaści ŭ trunu... I tolki ŭ ciomnym-ciomnym mikraaŭtobusie pad cichim hrukatam niabiesnych ślozaŭ, dzied, ja j taja dziaŭčyna. 💉 Mazała jana, haliła «klijenta» i voś dastała strašny špryc i, nacadziŭšy ŭ jaho z butelki niejkaj vadkaści, pačała kała-łała-łoć tamu jaje ŭ tvar. A potym znoŭ čahości nacadziła i jak ŭdziaŭbnie špryc dziedu naprastki ŭ voka! I ŭ druhoje... 😱 Tady mnie padałosia, što dzieści pobač ad niečałaviečaj boli musić kryčać dziedava duša, i ja ledź nia ŭskryknuŭ razam ź jeju. Ale, zdranćvieŭšy j upiŭšysia ŭ kresła, cicha hladzieŭ hena «kino» žachaŭ. 🧓 A ŭ vyniku hetkaj pracy- dury — Božuchna! — pakavierčany j pažavany śmierciu dzied staŭ niby žyvy. Zdavałasia, padymiecca, padziačyć du... dušeŭna tej majstrysie j pakulhaje da svaich zvyčajnych ziamnych spravaŭ i ziamnych turbotaŭ. ☠️ Mo', hena byŭ taksama botaks ci jaki jaho analah? Śmierć draźnicca, a nam jakaja roźnica?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera