Znajści
Ałharytmičny łacinski varyjant
14.02.2024 / 11:225RusŁacBieł

HUR MA Ukrainy apublikavała videa ataki na vialiki desantny karabiel «Cezar Kunikaŭ»

Ukrainskaja raźviedka i Hienštab USU paćvierdzili zatapleńnie rasijskaha karabla «Cezar Kunikaŭ». Na jaho borcie mahli być da 87 členaŭ ekipaža. Što ź imi, pakul nieviadoma. Pa infarmacyi HUR, «pošukava-vyratavalnaja apieracyja pośpiechu nie mieła».

Hienštab USU apublikavaŭ zajavu, u jakoj havorycca, što USU sumiesna z padraździaleńniami HUR MA źniščyli vialiki desantny karabiel «Cezar Kunikaŭ», jaki ŭ momant paražeńnia znachodziŭsia pobač z Ałupkaj.

Ukrainskaja vajskovaja vyviedka apublikavała videa ŭdaru. U paviedamleńni skazana, što karabiel atakavali ŭdarnymi marskimi dronami Magura, u vyniku čaho karabiel «atrymaŭ krytyčnyja praboiny pa levym borcie i pačaŭ tanuć».

Pa infarmacyi HUR, «pošukava-vyratavalnaja apieracyja pośpiechu nie mieła».

Pa danych kanała «Krymski viecier», ciapier viadziecca pošukava-vyratavalnaja apieracyja, nad miescam ataki na karabiel lotaje ŭdarny viertalot Mi-24.

VDK «Cezar Kunikaŭ» mieścić da 87 členaŭ ekipaža na borcie, havorycca na sajcie Čarnamorskaha fłotu RF. Jon składaje bolš za 112 mietraŭ u daŭžyniu, 15 mietraŭ — u šyryniu. Tam udakładniajecca, što «Cezar Kunikaŭ» «uvachodzić u skład 197-j bryhady desantnych karabloŭ ČF i aktyŭna vykarystoŭvajecca ŭ vučeńniach, bajavoj padrychtoŭcy fłotu, a taksama ŭ ažyćciaŭleńni śpiecyjalnych pieravozak».

Karabiel udzielničaŭ u bajavych apieracyjach RF suprać Hruzii i Ukrainy, a taksama ŭ Siryi, pišuć «Važnyje istorii». 

Čytajcie taksama:

«My nie možam sabie dazvolić «miasnych šturmaŭ» — Alaksandr Syrski

U Siryi rychtujuć apierataraŭ dronaŭ dla vajny suprać Ukrainy — HUR

Ukrainskaja SPA pratrymajecca biez zachodnich pastavak snaradaŭ tolki da sakavika — The New York Times

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
32
Панылы сорам
0
Ха-ха
0
Ого
1
Сумна
0
Абуральна
2
0
Byčok/adkazać/
14.02.2024
U byčkoŭ pačaŭsia čarhovy pir.
6
Josik/adkazać/
14.02.2024
Niejkuju nazvu ŭziali niezrazumiełuju. Cezar, dyk u rasiei ich nie było. A voś kunikaŭ, heta słenhavy vyraz. Amatar pacałunkaŭ dziavočych vusnaŭ, što nižej pupa, pajšoŭ uśled za karablom na...
3
Tak/adkazać/
14.02.2024
Josik, heta habrej rasiejski. Uradženiec Rastova na Donie. Zahinuŭ ŭ hety ž dzień na apieracyi suprać krain Vosi 81 hod tamu.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera