Znajści
Ałharytmičny łacinski varyjant
14.02.2024 / 07:0016RusŁacBieł

Zatrymanych niekalki socień, niekatorym paśla dopytaŭ nie viartajuć pašparty. Padrabiaznaści abłavy na salidarnych z palitviaźniami

Pa našych źviestkach, abłava zakranuła našmat bolej ludziej, čym mierkavałasia raniej. Pad chapun patrapili navat tyja, chto prosta pisaŭ listy palitviaźniam.

Kałaž «Našaj Nivy»

Zatrymańniam papiaredničali sproby ŭzłomu telehram-akaŭntaŭ svajakoŭ palitviaźniaŭ i tych, chto dapamahaŭ palitviaźniam. Adbyvałasia heta za try dni da taho, jak stała viadoma pra chapun.

Pa infarmacyi ad našych krynicaŭ, zatrymańni pačalisia jašče da 23 studzienia. Zatrymanyja 23 studzienia raspaviadajuć, što na hety dzień śledčyja byli ŭžo stomlenyja i miž saboj kazali, što «nie spali čatyry dni».

Taksama hučała i ličba zatrymanych, jakich treba «adpracavać» — 700 čałaviek. Niezrazumieła, praŭda, havorka išła pra ŭsiu Biełaruś abo pra niejki rehijon.

Infarmacyja pra vielizarnuju kolkaść zatrymanych paćviardžajecca i ŭskosna: pradstaŭnica fonda «Kraina dla žyćcia» Volha Zazulinskaja kazała, što, pa ich źviestkach, pa spravie pracujuć 174 śledčyja.

Viadoma taksama, što bolšaść ludziej adpuskali paśla adnosna niepraciahłych dopytaŭ. Najpierš kedebistaŭ cikaviła toje, praź jakija krynicy palitviaźni i ich siemji atrymlivajuć dapamohu, a taksama chto sistemna dapamahaje viaźniam unutry Biełarusi.

Prynamsi adnaho z zatrymanych abvinavacili ŭ tym, što jon atrymlivaŭ hrošy na kartku i paśla pieradavaŭ ich siemjam palitviaźniaŭ, a taksama słaŭ im pasyłki. Admietna, što heta byli hrošy nie z fondaŭ, a ad siabroŭ i znajomych, ale heta ni na što nie paŭpłyvała. Nakolki viadoma, ciapier hety čałaviek u SIZA.

Bolšaja častka zatrymanych padčas abłavy — heta niepubličnyja pažyłyja žančyny. Jany nie svajaki palitviaźniaŭ i nie aktyvisty, prosta dapamahali tym ci inšym čynam palitviaźniam. Naprykład, u SIZA źmiaścili 61-hadovuju hamialčanku Alenu Tockuju, jakaja niekali była sudovaj vałanciorkaj i chadziła na palityčnyja sudy ŭ Homieli.

Adzin z surazmoŭcaŭ raskazaŭ, što ź im u KDB była babula, jakaja niekamu pieraličyła paru razoŭ pa piać rubloŭ. Toje samaje kazali i pravaabaroncy:

samaj pažyłoj ź viadomych zatrymanych 82 hady.

Niekatorych zatrymlivali i za napisańnie listoŭ. Stała viadoma, što zakaznyja listy ŭ SIZA i kałonii adsočvajucca, a adpraŭniki zapisvajucca. Toje samaje ciapier robiać i z pasyłkami. Prynamsi, tak robiać ź viadomymi palitviaźniami. Hetyja śpisy SIZA i kałonii pieradali kedebistam.

Jašče adnoj charakternaj rysaj stała toje, što mnohim zatrymanym nie viarnuli pašparty. Imavierna, heta robicca, kab ludzi nie mahli vyjechać z krainy i bajalisia razmaŭlać z pravaabaroncami dy miedyja.

Nahadvajem, pra zatrymańni biełarusaŭ stała viadoma 23 studzienia, kali KDB pačaŭ zatrymlivać byłych palitviaźniaŭ dy ich svajakoŭ. Pravaabaroncam viadomyja imiony 229 zatrymanych i 24 čałaviek, jakija stali padazravanymi abo abvinavačanymi pa kryminalnych spravach.

@nashaniva Ajcišnicu, jakaja viarnułasia ŭ Biełaruś, zatrymali, i chočuć dać 10 hadoŭ kałonii #milicijabiełarusi#biełaruś#novostibiełaruś#biełaruśnovosti#prohrammistka#ajti#briest#iepam#našaniva♬ Conspiracy - Kieran Rogers

«Naša Niva» — bastyjon biełaruščyny

PADTRYMAĆ

Čytajcie taksama:

«Na abłavach byli zadziejničanyja 174 śledčyja». Pravaabaroncy raskazali padrabiaznaści pra studzieński chapun

Mamu byłoj palitźniavolenaj Volhi Takarčuk zatrymali pa kryminalnaj spravie, sama Takarčuk z tatam vyjechali

Dźviuch žančyn ź Lidy aštrafavali za atrymańnie dapamohi ad INeedHelpBY. Dziaržava zabiraje sabie i sumu dapamohi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
12
Панылы сорам
15
Ха-ха
5
Ого
6
Сумна
11
Абуральна
137
1
Budučynia pobač/adkazać/
14.02.2024
Kožny śledčy i supracoŭnik SIZA budzie pavinien prajści praź lustracyju. I daloka nia kožny jaje projdzie. Łukašystaŭ čakajuć viasiełyja časy.
1
Frukt/adkazać/
14.02.2024
Čytač,začiem ja eto čitał? 
0
Maksim Dizajnier/adkazać/
17.02.2024
Čytač

Etałonnyj pamiarkouny v vakuumie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera