Bresckaha futbalista zatrymali za suteniorstva. A zaadno i za palityku
«Siabra paraiŭ sustrecca ź dziaŭčynaj, moža, jana pahodzicca na sustrečy za hrošy», — kaža Vadzim Fiadosik na videa HUBAZiKa.
Vadzim Fiadosik u składzie «Dynama-Minsk 2000». Skrynšot ź jutub-kanału Futbik TV
Zatrymanaha kličuć Vadzim Fiadosik. Jamu 24 hady. Jon zajmajecca futbołam ź dziacinstva. Spačatku hulaŭ u junijorskim minskim «Dynama», ale paśla pierajechaŭ u Brest i vystupaŭ za miascovaje «Dynama».
Na prafiesijnym uzroŭni ŭ Fiadosika tolki dva matčy za «Ivacevičy», dzie jon byŭ u 2017 hodzie ŭ arendzie.
2019 hod byŭ apošnim u futbolnaj karjery chłopca, jon hulaŭ za dublujučy skład bresckaha «Dynama», u asnovu tak i nie prabiŭsia.
A niadaŭna Fiadosika zatrymaŭ HUBAZiK — za arhanizacyju prastytucyi. Na videa chłopiec kaža, što siabra paraiŭ jamu sustrecca ź dziaŭčynaj, maŭlaŭ, moža, jana pahodzicca na sustrečy za hrošy. Takich sustreč adbyłosia niekalki, dziaŭčyna brała z klijentaŭ pa 200 rubloŭ za hadzinu, a pałovu addavała Vadzimu.
Zatrymali Fiadosika na minułym tydni. A ŭčora nad im prajšoŭ sud pa palityčnaj administracyjnaj spravie — za raspaŭsiud «ekstremisckich» materyjałaŭ.
U 2022 hodzie chłopca sudzili za toje, što apłačvaŭ staŭki z kartki siabra. Kryminalnaja sprava skončyłasia štrafam.
«Naša Niva» — bastyjon biełaruščyny
PADTRYMAĆČytajcie taksama:
Eks-kiraŭnika homielskaha Bielinviestbanka sudziać pa troch artykułach. Dva ź ich niečakanyja
Stała viadoma, jak zatrymlivali mahiloŭskaha žurnalista Jaŭhiena Hłuškova
"Siabar paraiŭ..." Dyk sutenior, pa vašamu ž NN-aŭskamu tekstu, siabar Vadzima, a nie sam Vadzim. A vaš NN-aŭski zahałovak
Bresckaha futbalista zatrymali za suteniorstva. A zaadno i za palityku
https://nashaniva.com/336173
Apublikavali fota junaka, dali zahałovak pra jaho pracu sutenioram.
Nu tady i prastytutku ŭ studyju miłaści prosim. Z fota i hučnym zahałoŭkam.
my vsie i jesť - narod Biełarusi, v otličije ot vas, hniłych hebešnych podstiłok...