Znajści
Ałharytmičny łacinski varyjant
13.02.2024 / 14:503RusŁacBieł

Varšava vybačyłasia pierad Ukrainaj za vysypanaje zbožža na miažy

Fiermiery pačali čarhovyja akcyi pratestu na polska-ŭkrainskaj miažy na minułym tydni.

Ministr sielskaj haspadarki Polščy vybačyŭsia za incydent na ŭkrainskaj miažy, padčas jakoha polskija fiermiery vysypali zbožža z ukrainskich hruzavikoŭ na darohu, što ŭzmacniła napružanaść u adnosinach pamiž sajuźnikami, piša Bi-bi-si.

Fiermiery pačali čarhovyja akcyi pratestu na polska-ŭkrainskaj miažy na minułym tydni.

Jany zabłakavali try kantrolna-prapusknyja punkty, vykazvajučy niezadavolenaść niespraviadlivaj, na ich dumku, kankurencyjaj z boku ŭkrainskaha impartu zbožža ŭ ES.

U niadzielu jany vyjavili ŭkrainskija hruzaviki, jakija pierasiakajuć miažu z Polščaj, i rassypali na darohu tony zbožža.

U svajoj zajavie ministr sielskaj haspadarki Polščy Česłaŭ Sikierski asudziŭ incydent, ale padkreśliŭ ciažkaje stanovišča fiermieraŭ.

«Ad imia polskich fiermieraŭ ja prynošu prabačeńni za taki akt rospačy i prašu zrazumieć ich vielmi ciažkaje stanovišča», — skazaŭ Sikierski.

Incydent vyklikaŭ rezkuju krytyku z boku Kijeva, jaki zaklikaŭ Polšču pakarać vinavatych.

U paniadziełak Polšča pačała rasśledavańnie ŭ suviazi z zajavami fiermieraŭ ab parušeńni praviłaŭ mytnaj biaśpieki i źniščeńni majomaści — pravaparušeńni, za jakija praduhledžana maksimalnaje pakarańnie ŭ vyhladzie piaci hadoŭ pazbaŭleńnia voli.

«Heta nie zusim dakładnaja forma pratestu, ale jana časta vykarystoŭvajecca fiermierami ŭ roznych krainach», — adznačyŭ Česłaŭ Sikierski.

U aŭtorak ukrainskija pamiežniki zajavili, što apošniaja chvala pratestaŭ parušyła hruzavy ruch na piaci pamiežnych pierachodach.

Pa stanie na siońniašniuju ranicu ŭ čerhach na ŭsich hetych punktach propusku stajać kala 1250 hruzavikoŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
6
Ха-ха
1
Ого
0
Сумна
0
Абуральна
5
6
ImBeer/adkazać/
13.02.2024
Dič. Tak vyhladit civilizovannaja Polša na bytovom urovnie, za fasadom...
1
Pšieki/adkazać/
13.02.2024
ImBeer, Počiemu civilizovannaja? Obynyje varvary, kak vpročiem vsie słavianie, dikari.
2
Muškietier Tusk/adkazać/
13.02.2024
Tiepieŕ prosto zierno vysypali, a potom načnuť biť. I vied́ za dieło načnut.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera