Znajści
Ałharytmičny łacinski varyjant
13.02.2024 / 08:08RusŁacBieł

U Minsku źjavicca adziny internet-partał sacyjalnych pasłuh

Zaraz idzie praca pa jaho napaŭnieńni, padklučeńni čat-botaŭ. Takim čynam haradžanie zmohuć adpraŭlać zapyty roznymi sposabami suviazi.

— U infarmacyjna-daviedačnaj słužbie «Kantakt — centr dziaržaŭnych sacyjalnych pasłuh — 139» žychary Minska dystancyjna atrymlivajuć infarmacyju, što da dziejnaści strukturnych padraździaleńniaŭ kamiteta pracy, — raspaviała «Minsk-navinam» namieśnica staršyni kamiteta pracy, zaniataści i sacyjalnaj abarony Minharvykankama Volha Vasileŭskaja.

Jana kaža, što ŭ pierśpiektyvie płanujecca stvaryć adziny internet-partał, jaki budzie akumulavać infarmacyju ab pracy ŭsich ustanoŭ sacyjalnaj abarony Minska. Zaraz nad im viadziecca praca.

Vasileŭskaja adznačyła, što za čas pracy słužby minčanie čaściej za ŭsio telefanavali pa pytańniach pryznačeńnia i vypłaty piensij, dapamoh, dziaržaŭnaj adrasnaj i materyjalnaj dapamohi (604 telefanavańni). Źviartalisia nakont pasłuh sacyjalnaha rabotnika, niani, piersanalnaha asistenta (400). Cikavilisia, chto maje prava skarystacca pasłuhami śpiecyjalnaha aŭtatranspartu «sacyjalnaja słužba» (216). Pytalisia, kamu treba techničnyja srodki sacyjalnaj reabilitacyi i dzie ich možna atrymać (58).

U liku lidaraŭ taksama zvaroty pa ŭładkavańni ŭ horadzie dastupnaha asiarodździa, raźmiaščeńni ŭ damy-internaty, pryznačeńni siamiejnaha kapitału.

— U kantakt-centr dziaržaŭnych sacyjalnych pasłuh niaredka źviartajucca i pa pytańniach, jakija nie ŭvachodziać u kampietencyju sacyjalnaj abarony, — kaža jana. — Naprykład, pytajucca, u jakich kramach pradastaŭlajucca źnižki dla piensijanieraŭ, dzie znachodziacca sacyjalnyja cyrulni, jak pracujuć adździeły ZAHS, MNS, raźlikova-daviedačnyja centry i inšyja viedamstvy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
3
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera