Kolki siłavikoŭ, jakija ŭdzielničali ŭ represijach, źjechali ŭ Jeŭropu?
Svajoj infarmacyjaj padzialiŭsia «Biełpoł».
Jak raskazaŭ pradstaŭnik «Biełpoła» Uładzimir Žyhar telehram-kanału «Biełaruś hałaŭnoha mozha», jany apracavali prykładna 20 kiejsaŭ pa infarmacyi, atrymanaj ad dyjaspary. Častku hetaj infarmacyi apubličyli, častku nielha razhałošvać.
«Miechanizmaŭ zatrymańnia niama. Dakładniej, jany ŭmoŭna jość, ale ŭsio vielmi składana. Pakolki krainy ES — heta pravavyja dziaržavy i adnaho žadańnia mała. My robim usio mahčymaje, kab krainy ES vykarystoŭvali miechanizmy, jakija ŭ nas majucca dla błakiroŭki ŭjezdu karnikaŭ u krainy ES u pryncypie. Kab im navat vizy nie vydavali.
Niešta atrymlivajecca, niešta nie. Tut važna praca z dyjasparami».
Ź niadaŭnich vypadkaŭ — kiejs byłoha milicyjanta ź Lidy Alaksandra Macijeviča. Jon kala 1,5 hoda žyŭ u Litvie i zajmaŭsia ŭstanoŭkaj voknaŭ. Pra siłavika «Biełpoł» daviedaŭsia ad biełaruskaj dyjaspary. Kali infarmacyja pra jaho ŭdzieł u represijach paćvierdziłasia, to nakiravali list u adpaviednuju strukturu litoŭskaj ułady. U vyniku Macijevič z žonkaj pakinuli Litvu. Byłomu siłaviku skasavali dazvoł na žycharstva i pryznali jaho pahrozaj nacbiaśpiecy.
Čytajcie taksama:
Siłavik, jaki ŭdzielničaŭ u represijach, akazaŭsia ŭ Jeŭropie. Ci mahli jaho tam zatrymać?
Departamient dziaržaŭnaj biaśpieki Litvy patłumačyŭ, jakich biełarusaŭ ličyć pahrozaj dla krainy
