Znajści
Ałharytmičny łacinski varyjant
10.02.2024 / 14:219RusŁacBieł

Pavieł Łatuška raskazaŭ, jak Piatkievič zabaraniła jamu iści na jubilej Baradulina

Eks-ministr kultury raskazaŭ u svaim instahramie, jak śviatkavaŭsia ŭ 2010 hodzie 75-hadovy jubilej słynnaha paeta, i apisaŭ kalizii, jakija jamu spadarožničali.

«Ja nie viedaŭ asabista Ryhora Baradulina, nikoli ź im nie sustrakaŭsia, ale adnojčy, budučy ministram kultury, atrymaŭ ad jaho adzin z samych darahich padarunkaŭ: knihu vieršaŭ Baradulina z ułasnaručnym dopisam aŭtara. Hety ŭłasnaručny dopis, jaki ja nie chacieŭ by ahučvać publična, źjaŭlajecca adnym z samych darahich dla mianie jak čałavieka, jak dla asoby, jak dla biełarusa. Heta byli vielmi važnyja i kranalnyja słovy. Da hetaj pary jany šmat u čym mianie matyvujuć», — padzialiŭsia Pavieł Łatuška

Historyja jaho zavočnych uzajemaadnosinaŭ z Ryhoram Baradulinym pačałasia z taho, što da jaho jak da ministra kultury, pryjšoŭ ksiondz Uładzisłaŭ Zavalniuk — probašč kaścioła śviatych Symona i Aleny ŭ Minsku — z prapanovaj adśviatkavać 75-hadovy jubilej biełaruskaha paeta.

«Heta nie była inicyjatyva samoha spadara Baradulina, ale heta była inicyjatyva biełaruskaj hramadskaści. Pamiataju, što praź niekatory čas u mianie była sustreča z Łukašenkam. Siarod inšych ja padniaŭ i pytańnie jubileju Ryhora Baradulina — adnaho z apošnich narodnych paetaŭ Biełarusi», — zaŭvažyŭ eks-kiraŭnik Kupałaŭskaha teatra.

Była prapanova z boku hramadskaści, kab hetaja padzieja adbyłasia ŭ Pałacy Respubliki. Nie mahu skazać, što hety abjekt mnie ščyra padabajecca, ale ideja była ŭ tym, kab vykarystać placoŭku, u jakoj možna źmiaścić jak maha bolšuju kolkaść ludziej. Łukašenka na heta adreahavaŭ admoŭna, ale nie vykazaŭ piarečańniaŭ na karekciroŭku prapanovy, bo byli i zapasnyja varyjanty — Biełdziaržfiłarmonija i Nacyjanalny akademičny teatr imia Janki Kupały. Łukašenka machnuŭ hałavoj na Fiłarmoniju».

Palityk kaža, što daŭ piśmovaje daručeńnie Biełdziaržfiłarmonii, płanavaŭ i sam pajści na jubilej, kab asabista pavinšavać narodnaha paeta Biełarusi.

«Ale litaralna za dzień da hetaha razdaŭsia zvanok. Telefanavała Natalla Piatkievič, na toj čas pieršaja namieśnica kiraŭnika administracyi Łukašenki.

I skazała, što kateharyčna zabaraniaje mnie prysutničać na hetym śviacie, bo ličyć, što heta budzie pravakacyja, što ja faktyčna mahu akazacca asobaj, ministram, členam urada, jaki takim čynam padtrymaje biełaruskuju apazicyju», — raskazaŭ Pavieł Łatuška.

Adnak vyjście tady znajści ŭdałosia: jon nakiravaŭ na hetaje śviata adnaho sa svaich namieśnikaŭ. «Dla mianie było važna, što heta adbyłosia, što my tady ŭšanavali honar samaha vybitnaha biełarusa Ryhora Baradulina», — eks-ministr.

Čytajcie taksama:

Kaho ź biełaruskich piśmieńnikaŭ najbolš vydavali za savieckim časam? Nie ŭsich vy viedajecie

Aleś Žuk: Biełaruskich piśmieńnikaŭ i ŭsiu našu litaraturu buduć trymać u čornym ciele

U Maryj Eł pierakłali «Kurhan» Kupały

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
29
Панылы сорам
3
Ха-ха
3
Ого
1
Сумна
2
Абуральна
12
0
Bienia/adkazać/
10.02.2024
U dievuški davno pasport i apartamienty vo Fłoridie. We are People, biedałahi...
0
Woodoo Cult/adkazać/
11.02.2024
Łatuška kak łukašyst-kaŕjerist kojenčno žie, nie pošioł. Pobojałsia, čto uvolat.
1
Anatol Starkou/adkazać/
12.02.2024
SYN ZIAMLI
Z zorkaj bosymi jšli naciańki,
Bo spaźnicca bajalisia duža:
Ŭ dzień paeta narodnaha,
Druža,
Dzie stupali - ćvili vasilki.
Ich źbirali ŭ žyvyja radki
Vieršaŭ i epihram ledź kalučych...
Tolki jak zhavarycca,
Kali
Pieradać vieku pach ich hajučy,
Pieraśpieły słaniečnik, skažy!
“Ŭśled za soncam bryści vam šče doŭha...”
Cyn Ziamli
biełaruskaj darohaj
zorkaj viečnaju jšoŭ naciańki…

P.S. © Anatol Starkou.
February 23, 2012 at 10:41pm
Vierš byŭ napisany da 77-hodzia narodnaha paeta Ryhora Baradulina. Ŭ vieršy vykarastany matyvy niekatorych jaho tvoraŭ i jaho vykaz.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera