Znajści
Ałharytmičny łacinski varyjant
09.02.2024 / 19:365RusŁacBieł

Mamu byłoj palitźniavolenaj Volhi Takarčuk zatrymali pa kryminalnaj spravie, sama Takarčuk z tatam vyjechali

Byłaja palitźniavolenaja Volha Takarčuk raskazała «Viaśnie» pra toje, jak zatrymlivali jaje maci, 63-hadovuju piensijanierku Irynu Hienadźjeŭnu Takarčuk, padčas masavaha rejdu siłavikoŭ na svajakoŭ palitviaźniaŭ 23 studzienia.

Iryna Takarčuk

«U 7.30 ranicy da mianie ŭ kvateru pryjšli dva kehebešniki ŭ hramadzianskaj formie adzieńnia,— kaža Volha Takarčuk. — Byŭ paviarchoŭny pieratrus, sami jany byli kulturnymi i vietlivymi, navat razulisia. Zabrali moj telefon, paklikali paniatych, skłali pratakoł. Dzieci (dačce — 6 hadoŭ, synu —10) napałochalisia».

Volhu Takarčuk zabrali na dopyt u KDB, dzie pytalisia pra je-dastaŭku.

«Na pytańnie: «Vy niešta viedajecie?» ja skazała: «Nie ŭ kursie, ja błohier, u mianie jość padpisčyca, jana vyrašyła dapamahčy — voś dapamahała. Ničoha bolš ja nie viedaju». Pahladzieli telefon, vypisali dastaŭki, jakija byli ŭ mianie. Bližej da abiedu skazali: «My zaraz pajedziem da mamy».

Dazvolili joj patelefanavać pa hučnaj suviazi, skazać, što da jaje jeduć. I jany pryjechali da jaje ŭžo całkam padrychtavanyja. Zadavali kankretnyja pytańni, paprasili napisać jaŭku z pavinnaj. Mamu zabrali ŭ KDB, ja taksama jašče była tam. Mianie papiaredzili, što pryvieźli mamu.

Mnie taksama prapanavali napisać jaŭku z pavinnaj, ja kažu: «U čym mnie vinavacicca? Što mnie padpisčyk dapamahaŭ kaŭbasoj?» Jany: «Napišy čystasardečnaje pryznańnie, što ty raskajvaješsia i bolš nie budzieš brać kaŭbasu ŭ padpisčyka».

U mianie zabrali telefon ź sim-kartaj i dzieści a pałovie dziaviataj viečara adpuścili. Mama zastałasia tam. Potym užo skazali, što mama zatrymanaja. Mamu katali z Akreścina ŭ SIZA naležnyja try dni. Nam udałosia pieradać joj niejkija rečy».

Na nastupny dzień śledčy patelefanavaŭ tatu Volhi Takarčuk i skazaŭ pryjechać u jakaści śviedki pa spravie jaho žonki Iryny Takarčuk. Baćka Volhi admoviŭsia ad dačy ŭsich pakazańniaŭ. U jaho zabrali telefon.

«Na treci dzień maminaha aryštu i mianie vyklikali śviedkam pa mamie. Ja taksama admoviłasia ad dačy pakazańniaŭ. Spytałasia: «Dzie moj telefon?» Skazali, što jašče ŭ śledčaha», — raskazvaje Volha.

U hety ž dzień my daviedalisia, što na mamu raspačali kryminalnuju spravu. Niama harantyi, što i na mianie z baćkam nie zaviaduć kryminalnych spraŭ».

Iryna i Volha Takarčuk

Za sutki było pryniata rašeńnie adnosna vyjezdu: Volha Takarčuk ź dziećmi i baćkam ciapier u biaśpiecy.

«U mianie ŭ Biełarusi zastałasia adna siastra, a na joj — babula ź invalidnaściu (tatava mama) i mama, jakaja na dadzieny momant u turmie Žodzina.

Kali ja jašče paśla svajho vyzvaleńnia ŭsio ž taki maralna rychtavałasia da taho, što, moža być, treba budzie biehčy (i toje, u vyniku, ja akazałasia maralna nie hatovaja), to dla taty śviet pavaliŭsia raptoŭna. Jon pakinuŭ usio: kvateru, mašynu, sabaku, svaju mamu, siabroŭ i, hałoŭnaje, svaju žonku, jakaja ŭ turmie «za kaŭbasu i makarony». Ciapier jon u takim stanie, što składana pieradać».

Na siońniašni dzień Irynie Takarčuk vystavili abvinavačvańnie pa častcy 2 artykuła 361-4 Kryminalnaha kodeksa («Sadziejničańnie ekstremisckaj dziejnaści»).

«Mama zaŭsiody rabiła tak, kab ja nie źnikała z paradku dnia i była na słychu ŭ ludziej [padčas majho źniavoleńnia], i mnie vielmi važna, kab ludzi viedali i pra jaje. Jana — naš hieroj!!! Čałaviek, jaki ŭsio žyćcio žyŭ i rabiŭ pa sumleńni! My joj vielmi hanarymsia i biaskonca jaje lubim!», — kaža Volha Takarčuk.

Čytajcie taksama:

«U mianie hiematoma ŭ mozhu zastałasia z taho času». Achviara siłavikoŭ raskazała, što ŭ jaje ciapier z žyćciom i zdaroŭjem

Dźviuch žančyn ź Lidy aštrafavali za atrymańnie dapamohi ad INeedHelpBY. Dziaržava zabiraje sabie i sumu dapamohi

Byłomu palitviaźniu Alaksieju Ramanavu, jaki adbyŭ 15 sutak, sud daŭ čarhovyja

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
5
Ха-ха
3
Ого
1
Сумна
18
Абуральна
58
2
mnienije/adkazać/
09.02.2024
Udivlajemsia biełorusam, eto koniečno vašie pravo, no počiemu tak słožno poniať .... vsiech kto dažie skazał paru słov ili podumał nie tak kak riešili eti tvari, budut sidieť, budut pokalečieny, unižieny i ubity. Možietie s etim nie sohłašaťsia, kak eto stało praviłoi na chartierie s sootvietstvujuŝimi vyvodami, no na siehodnia v etom hosudarstvie eto FAKT. Priznajutsia tolko tichije, nie zamietnyje, primitivnyje, členy vsievozmožnych biełruskołchoz
0
Skora pačniom/adkazać/
09.02.2024
Idyjoty zaviślivyja, vam u svoj čas nichto pieriedačku nie pryšle. Pahladzim, kudy vašy svajaki buduć uciakać
0
chtości/adkazać/
10.02.2024
mnienije, sam siadieš, pomohatyj chunty, čjo osnovnoje oružije nie rieprieśsii, a imienno strach.
Nas milliony, a vaša sažałka nie potianiet i sotniu tysiač
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera