Znajści
Ałharytmičny łacinski varyjant
09.02.2024 / 09:4120RusŁacBieł

Naŭsieda pra zakryćcio KPP na miažy ź Biełaruśsiu: Žaleznaja zasłona pamiž Zachadam i Uschodam užo apuściłasia

«I vierahodna, nadoŭha», — kaža litoŭski prezident ab płanach zakryć jašče dva kantrolna-prapusknyja punkty (KPP) na miažy ź Biełaruśsiu.

«Jana ŭžo apuściłasia, jana apuściłasia ŭsim svaim ciažaram 24 lutaha 2022 hoda», — skazaŭ Naŭsieda žurnalistam u čaćvier, adkazvajučy na pytańnie, ci źjaŭlajecca skaračeńnie prapusknoj zdolnaści miažy ź Biełaruśsiu prykmietaj taho, što apuskajecca novaja žaleznaja zasłona, piša LRT.

Pa słovach prezidenta Litvy, navat paśla pačatku vajny niekatoryja zachodnija lidary «jašče niekatory čas mieli iluzii» adnosna mahčymaści dyjałohu pamiž Zachadam i Uschodam, ale jany raźviejalisia paśla raźni ŭ Bučy.

«Navat paśla pačatku vajny niekatoryja maje kalehi ŭ jeŭrapiejskaj Radzie ŭsio jašče mieli iluzii, ale niekatoryja ź ich tut ža admovilisia ad ich, daviedaŭšysia pra źvierstvy, jakija Rasija prademanstravała ŭ Bučy. Tak što «žaleznaja zasłona» ŭžo jość, jana, imavierna, apuściłasia nadoŭha, ja nie biarusia mierkavać, na dziesiacihodździ ci na hady, heta šmat u čym budzie zaležać ad budučaha rasijskaha režymu», — skazaŭ Naŭsieda.

Jon taksama adznačyŭ, što «isnavańnie hetaj žaleznaj zasłony stvaraje prablemy jak dla NATO ahułam, tak i dla Litvy, jakoj treba budzie zrabić» šmat pracy i zrabić jaje chutka».

«Pavolnaja praca siońnia niemahčymaja, asabliva ŭ śfiery abarony nam treba dziejničać chutka, kab padrychtavacca da lubych vyklikaŭ, jakija mohuć uźniknuć», — adznačyŭ kiraŭnik Litoŭskaj dziaržavy.

Kamisija nacyjanalnaj biaśpieki ŭ aŭtorak prapanavała prypynić ruch tavaraŭ, transpartu i ludziej praz KPP «Łavaryški» («Katłoŭka» ź biełaruskaha boku) i «Rajharad» («Pryvałka» ź biełaruskaha boku), a taksama pastupova skaracić kolkaść rehularnych pasažyrskich aŭtobusnych rejsaŭ u Biełaruś. Rašeńnie ab hetym pavinien pryniać urad.

Jašče adna prapanova — abmiežavać pasadku i vysadku pasažyraŭ u čyhunačnym punkcie propusku «Kiana» («Kibartaj»). Heta prapanova nakiravana na vyrašeńnie prablemy vysadki ŭ Litvie asob, jakija iduć tranzitnymi ciahnikami ŭ Kalininhrad, z dakumientami, vydadzienymi luboj krainaj-členam Jeŭrapiejskaha Sajuza dla pajezdak u krainy supolnaści. Kala 13 tys.čałaviek u hod vysadžvajucca abo sadziacca ŭ Kianie.

Litoŭskija ŭłady śćviardžajuć, što hetyja inicyjatyvy nakiravanyja na raźviazańnie prablem nacyjanalnaj biaśpieki, kantrabandy i parušeńnia mižnarodnych sankcyj.

U žniŭni minułaha hoda Litva zakryła dva z šaści punktaŭ propusku na miažy ź Biełaruśsiu — «Šumsk» («Łoša») i «Ćvierač» («Vidzy»). Z zakryćciom «Łavaryšak» i «Rajharda» na miažy ź Biełaruśsiu zastaniecca jašče dva KPP — «Miadzininkaj» («Kamienny Łoh») i «Šalčyninkaj» («Bieniakoni»).

Čytajcie taksama:

Kiraŭnik MUS Litvy padtrymała zakryćcio dvuch punktaŭ na miažy ź Biełaruśsiu: Nacyjanalnaja biaśpieka — pryjarytet №1

U Litvie znoŭ prapanavali zakryć jašče dva pamiežnyja punkty na miažy ź Biełaruśsiu

«My za toje, kab da nas pryjazdžali». Kiraŭniki Druskienik i Vilenskaha rajona suprać zakryćcia novych prapusknych punktaŭ na miažy ź Biełaruśsiu

Ci stała składaniej prachodzić biełaruska-litoŭskuju miažu paśla taho, jak pastrožyli pravierku biełarusaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
7
Ха-ха
1
Ого
0
Сумна
9
Абуральна
18
0
Kazik i Juzik/adkazać/
09.02.2024
[Red. vydalena]
1
Litvin/adkazać/
09.02.2024
Ź biełarusau zdiekajucca bo jany biezabaronnyja dy niekatoryja ciškom ličać siabie litvinami. Ruskich bajacca - tranzit u Kienihśbierh nie pierakryvajuć i nikoli nie pierakryjuć - bo strašna.
1
babrujčanin /adkazać/
09.02.2024
Maksim Dizajnier, Zajdraść Hriech ni cyvilizavana.Zachavańnie siarednia śpiec adukacyi maje karyść i tutaka. Ptu hieta ni pvt z riealnaściu isnujučaj pracujuć chłopcy
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera