Znajści
Ałharytmičny łacinski varyjant
09.02.2024 / 07:3721RusŁacBieł

Pucin u intervju Karłsanu abvinavaciŭ Kijeŭ i Zachad u pačatku ciapierašniaj vajny va Ukrainie

«Rasija čakała, što jaje voźmuć u brackuju siamju «cyvilizavanych narodaŭ», ničoha padobnaha nie adbyłosia. Vy nas padmanuli», — skazaŭ rasijski kiraŭnik.

Fota: Gavriil Grigorov / Sputnik, Kremlin, Pool Photo via AP

Uładzimir Pucin u intervju Takieru Karłsanu abvinavaciŭ Ukrainu i Zachad u pačatku ciapierašniaha vajskovaha kanfliktu, zaklikaŭ Vašynhton pierahledzieć svaju pazicyju i paćvierdziŭ, što Rasija «hatovaja da dyjałohu», piša Bi-bi-si.

Prezident Rasii zajaviŭ viadomamu amierykanskamu žurnalistu Takieru Karłsanu, što jašče ŭ pačatku 2000-ch, staŭšy prezidentam, jon sprabavaŭ naładzić adnosiny z Zachadam i navat spytaŭ u svoj čas prezidenta Klintana, ci mahčyma dla Rasii dałučycca da NATO.

Sa słoŭ Pucina ŭ vyniku jon atrymaŭ admovu. «Kali b jon skazaŭ «Tak», pačaŭsia b praces zbližeńnia, i ŭ kančatkovym vyniku heta mahło b adbycca, kali b my ŭbačyli ščyraje žadańnie partnioraŭ zrabić heta. Ale hetym nie skončyłasia», — skazaŭ Pucin.

«Rasija čakała, što jaje voźmuć u brackuju siamju «cyvilizavanych narodaŭ», ničoha padobnaha nie adbyłosia. Vy ž nas padmanuli — ja kali kažu «vy», nie vas asabista maju na ŭvazie, viadoma, a Złučanyja Štaty, — abiacali, što nie budzie pašyreńnia NATO na ŭschod, ale heta adbyłosia piać razoŭ, piać chvalaŭ pašyreńnia», — skazaŭ Pucin Takieru Karłsanu.

Pucin znoŭ paŭtaryŭ svaje staryja śćviardžeńni, što da ciapierašnich varožych stasunkaŭ Rasii z Zachadam pryviało pašyreńnie NATO na ŭschod i pierśpiektyva ŭstupleńnia ŭ aljans Ukrainy.

Ź jahonych słoŭ, tryhieram, jaki pryvioŭ da vajskovaha kanfliktu, staŭ «dziaržaŭny pieravarot u Kijevie» ŭ 2014 hodzie i paśla — admova Kijeva vykonvać Minskija pahadnieńni.

Pucin taksama zajaviŭ, što Rasija była hatovaja da viartańnia Danbasa ŭ skład Ukrainy.

«Ja ščyra ličyŭ, što kali ŭsio ž taki ŭdasca ŭhavaryć tych ludziej, jakija na Danbasie žyvuć, — ich treba było jašče ŭhavaryć viarnucca ŭ ramki ŭkrainskaj dziaržaŭnaści, — to pastupova, pastupova rany zažyvuć», — skazaŭ Pucin.

Ale, pa jaho słovach, U Kijevie chacieli vyrašyć pytańnie z dapamohaj vajennaj siły. Sa słoŭ rasijskaha prezidenta, ciapierašniuju vajnu pačała Ukraina «vosiem hadoŭ bambiŭšy Danbas», a nie Rasija.

Pucin taksama zajaviŭ, što, kali b nie Vašynhton i brytanski premjer Barys Džonsan, na jaho dumku, jakija pieraškodzili zaklučyć Stambulskaje pahadnieńnie, vajna ŭžo daŭno skončyłasia b.

Jon skazaŭ, što Vašynhton pavinien pierahledzieć svaju pazicyju. «Varyjanty jość, było b žadańnie», — skazaŭ Pucin, dadaŭšy, što Maskva hatovaja da dyjałohu, ale nie ŭdakładniŭšy, na jakich umovach.

Uładzimir Pucin abvinavaciŭ Złučanyja Štaty ŭ padryvie «Paŭnočnaha patoku», zajaviŭšy, što «ŭ CRU niama alibi».

«Usio heta było b śmiešna, kali b nie było tak sumna», — vymaviŭ Pucin, kažučy pra stasunki Rasii, Ukrainy i Zachadu.

«Hetaja biaskoncaja mabilizacyja na Ukrainie, isteryka, unutranyja prablemy, usio heta… rana ci pozna ŭsio roŭna my damovimsia».

Adkazvajučy na pytańnie Karłsana pra toje, ci napadzie Rasija na Polšču, Pucin zajaviŭ, što heta adbudziecca, tolki kali Polšča napadzie na Rasiju. «U nas niama nijakich intaresaŭ ni ŭ Polščy, ni ŭ Łatvii — nidzie. Navošta nam heta? U nas prosta niama nijakich intaresaŭ», — skazaŭ rasijski prezident.

Takier Karłsan spytaŭ Pucina pra žurnalista Wall Street Journal Evana Hierškoviča, jaki znachodzicca ŭ rasijskaj turmie.

«Ja nie vyklučaju, što čałaviek, pra jakoha vy kažacie, mister Hierškovič, zmoža viarnucca na radzimu. U kančatkovym rachunku, nie maje nijakaha sensu trymać jaho ŭ turmie ŭ Rasii», — adkazaŭ rasijski prezident, daŭšy zrazumieć, što mahčymy abmien Hierškoviča, kali budzie sustrečny ruch z boku ZŠA.

«Nu tolki treba damaŭlacca», — dadaŭ Pucin.

Čytajcie taksama:

U razmovie z Karłsanam Pucin pakazaŭ siabie śpiecyjalistam u historyi Vialikaha Kniastva Litoŭskaha i Rečy Paspalitaj

«Supracoŭniki kanała vydatna viedali, što nichto vybary nie falsifikavaŭ, ale vyrašyli kazać advarotnaje». Čamu amierykanski «pakutnik» mała čym adroźnivajecca ad zorak BT

Zvolnili z pracy amierykanskaha televiadučaha, jaki tranślavaŭ naratyvy rasijskaj prapahandy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
8
Ха-ха
7
Ого
4
Сумна
4
Абуральна
38
1
Małyš i karłsan/adkazać/
09.02.2024
Maksim Dizajnier, Karłsan łoch i łuzier. Na Foks Ńjuz vydavaŭ u eter stolki chłuśni, što atrymaŭ isk, pa jakomu ŭ Foksa adsudzili 800 miljonaŭ dalaraŭ. Za takuju padstavu jaho i zvolnili. Jaki pracadaŭca budzie trymać na pracy afełka, jaki zdolny zrujnavać biznes całkam?
0
maskavity štučna stvorany narodziec/adkazać/
09.02.2024
vidavočnyja rečy, Biełarusi, Ukrainie, Polščy i krainam Bałtyi dy j bolšaści astatniaha śvietu niepatrebna nijakaja maskovija. Čas vypravić pamyłku naščadkaŭ kijeŭskich kniazioŭ i dać volu narodam, kałanizavanym maskavitami. Niama maskovii niama prablem.
0
ruzzki vajenny karabl idzi n… /adkazać/
09.02.2024
Ruskaja Praŭda, svaju nachabnuju prapahandysckuju chłuśniu pakiń adurmanienym rašymtam. Nacysty takim ža čynam apraŭdvali svaje złačynstvy, jak heta zaraz robiš ty i ŭsie rašysty. Akupacyja inšych krainaŭ tolki ŭ nacystaŭ i rašystaŭ moža ličycca zakonnaj. Usio pa Oruełu: vajna - heta mir, svaboda - heta rabstva, nievuctva - heta siła, akupacyja - heta zakonnyja dziejańni. Voś tak rašyzm uvasobiŭ u sabie ŭsie prykmiety nacyzmu. Jaki “etnacyd”, što ty viarzieš kab apraŭdać złačynstvy rašystaŭ, jakija i jość sapraŭdnymi terarystami, jakija zabivajuć dy źniščajuć roznyja narody, ich kultury, movy. Voś i eść etnacyd, jaki čynić rasija suprać inšych narodaŭ! 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031