Znajści
Ałharytmičny łacinski varyjant
12.02.2024 / 02:163RusŁacBieł

Praviła «2-2-2» — prostaja kancepcyja ščaślivych adnosin

Kali vašy adnosiny pieratvarylisia ŭ rucinu, kali, znachodziačysia pobač, kožny z vas zajmajecca svajoj spravaj a na vychodnyja maje asobnyja płany, to tady pasprabujcie praviła «2-2-2». Jano dapamoža ŭmacavać adnosiny i nadaść im byłuju ciepłyniu.

Kali vy daŭno adčuvajecie, što zhubili suviaź adno z adnym, žyviacie razam chutčej jak susiedzi, u vas usio mienš sumiesnych zaniatkaŭ pa-za chatnimi abaviazkami i dohladam za dziećmi, to psichołahi rekamiendujuć vykarystać praviła «2-2-2».

Hetaje praviła na płatformie Reddit u 2015 hodzie prapanavaŭ adzin z karystalnikaŭ. Pa jaho słovach, jano dapamahaje jamu zastavacca na adnoj chvali sa svajoj druhoj pałavinkaj doŭhija hady. Z taho času dziejańnie hetaha praviła pravieryła na sabie šmat ludziej i jano nabyło šyrokuju viadomaść i papularnaść. Raskazvajem jaho sutnaść.

Krok 1: spatkańnie kožnyja dva tydni

Pieršaja dvojka praduhledžvaje sumiesnaje praviadzieńnie času ŭ niejkim miescy pa-za domam. Heta moža być abied ci viačera ŭ kaviarni, pachod u kino, teatr, na vystavu, naviedańnie kancertu lubimaha vykanaŭcy ci piknik za horadam.

Na takoj sustrečy nie pavinna być pabočnych asobaŭ, a taksama dziaciej. Adniasiciesia da jaje jak da sapraŭdnaha spatkańnia, zhadajcie, jakija pačućci vas napaŭniali napiaredadni takoj padziei ŭ toj čas, kali vy tolki paznajomilisia.

Takaja sustreča pavinna być dobra pradumana i spłanavana. Zabranirujcie zahadzia stolik u restaranie ci nabudźcie bilety. I niachaj heta budzie pryjemnym siurpryzam dla adnaho z vas.

Krok 2: pajezdka na vychodnyja kožnyja dva miesiacy

Druhaja dvojka aznačaje sumiesny vyjezd na vychodnyja kožnyja dva miesiacy. Užo abmierkavańnie miesca pajezdki i jaje detalaŭ dadaść novych farbaŭ u vašyja adnosiny. Padčas abmierkavańnia prysłuchoŭvajciesia adzin da adnaho, idzicie na kampramis, uličvajcie pieravahi adzin adnaho.

Takija vychodnyja dazvolać zabycca pra štodzionnuju rucinu. Pasprabujcie vyklučyć telefony i atrymać asałodu ad znachodžańnia pobač adno z adnym. Hulajučy pa nieznajomych vulicach novaha horada ci daŭno viadomymi ściežkami ŭ vakolicach rodnaj vioski, dzialiciesia z partnioram svaimi dumkami, pohladami i pačućciami.

Vy možacie ŭklučyć u svaju prahramu naviedańnie łaźni ci zabaŭlalnaha centru, pachod u les pa hryby, ramantyčnuju viačeru ŭ ahrasiadzibie. Mahčymaści biaskoncyja. Hałoŭnaje, kab vam heta padychodziła abaim. Nie bojciesia sprabavać niešta novaje — novyja vidy aktyŭnaści, novyja miescy. Mahčyma, heta prydaść novy stymuł vašym adnosinam.

Krok 3: sumiesny adpačynak kožnyja dva hady

Treciaja dvojka aznačaje tydniovy sumiesny adpačynak kožnyja dva hady. I heta ni ŭ jakim razie nie aznačaje pajezdku da baćkoŭ ci rodzičaŭ adnaho z partnioraŭ! U takoj pajezdcy vy pavinny być tolki ŭdvuch.

Za dva hady možna nakapić hrošaj, kab zrabić taki adpačynak asablivym. A płanavańnie jaho stanie adnoj z važnych temaŭ dla vašych razmovaŭ.

Jak i ŭ vypadku z vychodnymi, taki adpačynak zaležyć tolki ad vašych pieravah. Vy možacie pravieści jaho ŭ Biełarusi ci za miažoj, źniać domik na aziorach ci adpravicca pakarać hory. Heta moža być piacizorkavy hatel na kurorcie ci maleńkaja kvaterka ŭ staražytnym horadzie. Hałoŭnaje, kab vaš tydniovy adpačynak prynios vam bolš stanoŭčych emocyj, a pa viartańni dachaty vy adčuvali siabie bolš blizkimi, čym da pajezdki.

Spadziajemsia, što vykarystańnie praviła «2-2-2» dapamoža vam rehularna ŭdzialać adno adnamu čas, «pierazahruzić» adnosiny, nadaść im navizny i ramantyzmu. Navat kali vašyja adnosiny niaprostyja, vykanańnie nieskładanych rekamiendacyj hetaha praviła zhładzić niaroŭnaści i zrobić adnosiny bolš harmaničnymi.

Čytajcie jašče:

Piać moŭ kachańnia. Jakaja vašaja?

Dzieviać idej dla zachaplalnych ci karysnych vychadnych. Jak pravieści adpačynak, nie hublajučy šmat hrošaj

Kab vandroŭka nie pieratvaryłasia ŭ svarki: jak pavodzić siabie, kali padarožničaješ u kampanii

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
56
Панылы сорам
5
Ха-ха
6
Ого
1
Сумна
3
Абуральна
5
3
1863/adkazać/
12.02.2024
Osobiennoje kohda u vas dieti i vam prišłoś ujechať iz rb ))
0
Serge/adkazać/
12.02.2024
Priekrasnyje soviety, vielikolepnyje.
No ni słova o tom, kuda dieť dietiej.
0
Avstrijak/adkazać/
13.02.2024
Eto soviet ot tiech u koho vmiesto dietiej sobački i kotiki? :)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera