Znajści
Ałharytmičny łacinski varyjant
08.02.2024 / 10:4813RusŁacBieł

Bondarava niepierakanaŭča apraŭdvajecca za toje, čamu 17 hadoŭ nie pracavała

Danosčycy Volzie Bondaravaj, jakaja sabrałasia na vybary, daviałosia tłumačyć, čamu za svajo žyćcio jana aficyjna pracavała tolki dva hady.

Volha Bondarava. Fota: sacyjalnyja sietki

Jana piša ŭ svaim kanale, što pabačyła heta pytańnie ad kamientatara ŭ adnym z čataŭ.

«Mianie spytali, čym ja zajmałasia z 2000 pa 2017 hady, to-bok z momantu zakančeńnia siaredniaj škoły da pastupleńnia ŭ industryjalna-piedahahičny kaledž pry RIPA.

Adkaz: zajmałasia dziciem i siamjoj.

Tamu što ja ŭ pieršuju čarhu žančyna, žonka i maci, zachavalnica chatniaha ačaha. Liču, što heta pieršačarhovaja zadača luboj žančyny — i chaj mianie praklanuć za hetyja słovy fieministki i inšyja kałupałki».

Bondarava piša, što zaŭsiody była pobač z dačkoj.

«I, dziakuj Bohu, vyhadavała jaje razumnicaj, dobraj, spahadlivaj dziaŭčynkaj, jakaja ciapier užo pieratvaryłasia ŭ dziaŭčynu, sapraŭdnuju pamočnicu i siabroŭku».

Raskazała i pra muža.

«Što tyčycca šlubu, to tut usio hetak ža adnaznačna, jak z maciarynstvam: muž — heta los. Ja paznajomiłasia sa svaim budučym mužam zusim junaj i ščaśliva pražyła ŭ šlubie voś užo 20 hadoŭ».

Danosčyca dadaje, što jana za viaršenstva mužčyny ŭ siamji.

Nahadajem, Volha Bondarava zarehistravałasia kandydatkaj u deputaty Minskaha haradskoha savieta. Heta vymusiła jaje apublikavać svaju bijahrafiju. Miarkujučy pa joj, u druhoj pałovie 2010-ch kamunistka ŭpieršyniu znajšła lehalnuju pracu. U 2017-2018 jana pracavała ŭ Hrodnie ŭ śfiery handlu. U 2023-m danosčyca ŭładkavałasia adkaznaj sakratarkaj u hazietu Kamunistyčnaj partyi Biełarusi. Pry hetym u aficyjnych dakumientach vybarčaj kamisii Bondarava paznačanaja tolki jak studentka pieduniviersiteta.

Čytajcie taksama:

«Zamach na maju siamju!» Ideołah z «Biełaj Rusi» prosić abaranić jaje ad Bondaravaj

41-hadovaja danosčyca Bondarava raskazała pra svoj lehalny vopyt pracy — ahułam dva hady za žyćcio

«Bajusia, što jany hatovyja na ŭsio». Bondarava raskazała, jak joj ciažka žyviecca na biełym śviecie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
13
Ха-ха
69
Ого
2
Сумна
3
Абуральна
9
0
Historyk/adkazać/
08.02.2024
Siaržuk Sucharaŭski, jość šerah pryncypovych adroźnieńniaŭ historyj z Samojłavym i Bondaravaj:

1.Zabojstva Samojłava supała pa časie z raskołam u rasiejskim RNIE. Tamu naŭradci heta byŭ vynik dziejnaści KDB, chaj jano zaŭsiody pilna i sačyła za aktyvistami "ruskaha śvietu".
2.Priessavańnie aktyvistaŭ ruskaha śvietu zaŭsiody supadała pa časie z abvastreńniem adnosinaŭ z Kramlom. Naprykład aryšt bieraściejskich kałumnistaŭ Rehnuma supał pa časie z hazavaj vajnoj i pretenzijami kiraŭnictva Raspatrebnadzora na čale sa spadarom Dankviertam da Biełarusi ŭ kantrabandzie padsankcyjnych charčoŭ.
3.Ale tady łukašenka nia byŭ takim zaležnym ad Kramlu, a čarhovaja ŭnutranaja adliha i dystancavańnie ad rasiejskaj avantury va Ŭkrainie dazvalała łukašenku raźličvać na peŭnuju padtrymku zachadu. Zaraz ničoha z hetaha niama. łukašenka całkam zaležny ad kramlu - jak finansava, tak i łahistyčna. Pakul jašče mahčyma nie dazvalać prakramleŭskim aktyvistam instytucyalizavacca pa-za miežami rasiejskich dziaržaŭnych ustanoŭ upłyvu. Taksama jašče mahčyma pisać Bondaravaj ŭ peŭnych vypadkach vielmi vietlivyja adpiski na jaje zvaroty (jakich vielmi šmat). Ale represavać jaje va ŭmovach, kali ŭ centry Miensku rasiejski siuzeren stavić pomnik Nieŭskamu jak simvał kałanijalnaha ŭpłyvu - užo nielha. Bo nie zrazumiejuć Kreml dy Z-supolnaść hetkaha "samałojstva".
2
Jažymać!/adkazać/
08.02.2024
Historyk, U Biełarusi patrebna źjaŭlacca bolš maskoŭskich patryjotaŭ, takich jak Hleb Samojłaŭ. Našmat bolš.
3
Maksim Dizajnier/adkazać/
09.02.2024
Vsie pravilno sdała. Sami chaj za eti hrošI rabotajut.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031