Znajści
Ałharytmičny łacinski varyjant
07.02.2024 / 13:011RusŁacBieł

Avijakampanija Finnair budzie ŭzvažvać pasažyraŭ

Uzvažvańnie budzie adbyvacca ŭ aeraporcie Chielsinki-Vantaa ź lutaha pa maj.

Finnair.com

Nacyjanalnaja avijakampanija Finnair maje namier uzvažvać pasažyraŭ pierad pasadkaj na bort. Havorka idzie pra dobraachvotnaje ŭzvažvańnie, z dapamohaj jakoha budzie vyznačacca siaredniaja vaha pasažyraŭ i bahažu, piša Yle.fi.

Vahi pastaviać u aeraporcie Chielsinki-Vantaa la niekalkich vychadaŭ na pasadku. Uzvažvańnia buduć prachodzić u lutym, krasaviku i mai.

— My budziem zapisvać ahulnuju vahu pasažyra i bahažu i niekatoruju inšuju infarmacyju, adnak imia i pasadačny numar my nie fiksujem. Ličbu na vahach budzie bačyć tolki rabotnik aeraporta, tak što ŭdzielničać u dobraachvotnym uzvažvańni možna nie bajučysia cikaŭnych raziavak, — zapeŭnivaje Satu Munukka z Finnair.

Avijakampanija ŭžo pravodziła ŭzvažvańni ŭ 2017-2018 hh. Atrymanyja ŭ chodzie pracesu dadzienyja vykarystoŭvalisia dla ŭnutranych raźlikaŭ. Pavodle ahulnajeŭrapiejskaha zakanadaŭstva, raźliki nieabchodna abnaŭlać kožnyja piać hadoŭ.

Jak paviedamlaje Finnair, u kožnaha samalota jość maksimalnaja hruzapadymalnaść, jakuju nielha pieravyšać. Avijakampanija vałodaje daskanałaj infarmacyjaj ab tym, jakija faktary ŭpłyvajuć na maksimalnuju ŭźlotnuju vahu samalota, za vyklučeńniem vahi pasažyraŭ i bahažu — u ich dačynieńni vykarystoŭvajecca prybliznaja acenka.

Čytajcie taksama:

Ranišni rejs «Biełavija» viarnuŭsia ŭ Minsk adrazu paśla ŭźlotu

U Antalli ekstranna sieŭ turecki łajnier z-za krykaŭ ab dapamozie ŭ bahažnym adsieku

«Biełavija» budzie składać čorny śpis pasažyraŭ. Kaho tudy mohuć unieści?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
1
Ха-ха
1
Ого
1
Сумна
0
Абуральна
0
0
Kiek/adkazać/
07.02.2024
i što u hetym cikavaha?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera