Znajści
Ałharytmičny łacinski varyjant
02.02.2024 / 00:036RusŁacBieł

Katalicki kaścioł u Biełarusi nie źbirajecca błasłaŭlać adnapołyja pary, choć heta dazvoliŭ Vatykan

18 śniežnia 2023 hoda Vatykan vydaŭ dekłaracyju, jakaja adkryvaje mahčymaść błasłaŭlać adnapołyja pary, ale «bieź jakoj-kolviek rytualizacyi abo stvareńnia ŭražańnia šlubu». Ale z paviedamleńnia Kanfierencyi katalickich biskupaŭ u Biełarusi adnosna hetaj dekłaracyi, vydadzienaha 1 lutaha, vynikaje, što dla Biełarusi heta nie budzie aktualna.

Biełaruskija katalickija biskupy. Fota: Catholic.by

Kanfierencyja katalickich biskupaŭ u Biełarusi adznačaje, što vydadzienaja 18 śniežnia 2023 hoda dekłaracyja Fiducia supplicans «jašče raz paćviardžaje adsutnaść źmien u tradycyjnym katalickim vieravučeńni ab suženstvie, jak sajuzie mužčyny i žančyny, i niama nijakaha «dazvołu» abo «błahasłaŭleńnia» na adnapołyja sajuzy abo luboje inšaje žyćcio ŭ hrachu», ale ŭ toj ža čas «daje mahčymaść pazaliturhičnaha błahasłaŭleńnia nierehularnych ci adnapołych par».

Niahledziačy na heta,

«Katalicki Kaścioł u Biełarusi nie maje namieru ŭvodzić u praktyku prapanavanuju Dekłaracyjaj mahčymaść błahasłaŭleńnia par, jakija žyvuć u nierehularnym sajuzie i adnapołych par».

Śviataram i dyjakanam, pavodle hetaha paviedamleńnia,

«zaŭsiody nieabchodna paźbiahać udzialeńnia błahasłaŭleńnia mienavita param, jakija žyvuć u tak zvanym «hramadzianskim šlubie», a taksama tym, chto žyvie ŭ kananična niadziejsnym suženstvie abo adnapołym param. Takoje błahasłaŭleńnie moža być uspryniata inšymi viernikami jak zhoda na hrech».

«U toj ža čas my ź blizkaściu i pavahaj supravadžajem našych bratoŭ i siaścior, jakija žyvuć u asablivych situacyjach, i hatovyja dapamahać im nabyć hłybiejšaje razumieńnie Božaj voli na ich žyćciovym šlachu da Chrysta i da śviataści», — adznačajecca naprykancy paviedamleńnia.

Čytajcie taksama:

«Raspalvajuć mižkanfiesijnuju varožaść». U Lachavičach uhledzieli voraha ŭ zvanach na kaściole 

«Da žyćcia ačnisia, biełarusie-bratka». Pieśniu arhanistki viaskovaha kaścioła zapisaŭ Akademičny chor

Ź dźviarej Čyrvonaha kaścioła źnik dakumient ab apiačatvańni. Restaŭracyja ŭžo pačałasia?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
4
Ха-ха
0
Ого
0
Сумна
0
Абуральна
1
0
Rečaisnaść /adkazać/
02.02.2024
Vyčvarency patrabujuć dabrasłavieńnia ich vyčvarenstva. Absurd
0
Hańba/adkazać/
02.02.2024
Aha, tolki VNS buduć błasłaŭlać jak, tak by mović, kalektyŭnaje saicije lepšych členaŭ biełaruskaha naroda.
0
Dorime/adkazać/
02.02.2024
Hamasieksualisty heta ýžo nia modna, zaraz u trendzie transhiendary i ý niekatorych zachodnich cerkvach ich šluby ýžo błasłaýlajuć. U amierakanskich luteran navat adzin z biskupaý transhiendar.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031