Miniust i Viarchoŭny sud zadumali zakryć abjadnańnie, jakim kiruje Čeračań
Arhanizacyja isnuje 30 hadoŭ.
Minski haradski sud 13 lutaha razhledzić pazoŭ Ministerstva justycyi ab likvidacyi respublikanskaha hramadskaha abjadnańnia «Dypłamatyja», vynikaje z raskładu na partale elektronnaha sudavodstva. Sudździa Volha Pałanievič pačnie praces u 14:00, paviedamlaje «Pozirk».
Pavodle źviestak z Adzinaha dziaržaŭnaha rehistra, abjadnańnie «Dypłamatyja» zarehistravana 22 lutaha 1993 hoda.
Na sajcie arhanizacyi paznačana, što jana «ŭmacoŭvaje demakratyčnyja instytuty i padtrymlivaje hramadzianskuju supolnaść», imkniecca «ŭmacoŭvać pravavuju bazu i kiraŭničuju praktyku dla padvyšeńnia efiektyŭnaści mier urada ŭ adkaz», padvyšać «upłyŭ hramadskich intaresaŭ u pryniaćci važnych dla krainy rašeńniaŭ» dy inš. U liku svaich kaštoŭnaściaŭ «Dypłamatyja» nazyvaje «svabodu, pavahu pravoŭ čałavieka i praviadzieńnie sumlennych vybaraŭ».
Z 2017 hoda abjadnańnie ŭznačalvaje eks-kandydat u prezidenty na vybarach 2020 hoda, staršynia de-jure likvidavanaj partyi «Biełaruskaja sacyjał-demakratyčnaja Hramada» Siarhiej Čeračań. Hanarovym členam «Dypłamatyi» źjaŭlajecca eks-kandydat u prezidenty na vybarach 2010 hoda Viktar Ciareščanka.
