Znajści
Ałharytmičny łacinski varyjant
08.02.2024 / 21:312RusŁacBieł

Na luby biudžet: 10 niebanalnych padarunkaŭ da Dnia zakachanych 

Kali zamović padarunki na Dzień usich zakachanych zaraz, jany jakraz paśpiejuć svoječasova dajści da vas. Pahladzieli, jakija cikavyja prezienty možna padabrać u dastupnych u Biełarusi anłajn-mahazinach.

Fota: AP Photo / Efrem Lukatsky

Kavu ŭ dryp-pakietach možna chutka pryhatavać — prosta zalicie źmieściva pakieta vadoj. Pry hetym vytvorcy abiacajuć nasyčany smak byccam ad kavy, zavaranaj u varoncy V60. Upakoŭka aformlenaja ŭ piaščotnym ružovym kolery, a nadpisy na joj zrobleny pa-biełarusku — tak jašče pryjemniej!

Fota: oz.by

Za nabor z 10 pakietaŭ treba budzie addać 31,42 rubla.

Fota: Fresh Juice Blender / Facebook

Biazdrotavy blender dla smuzi — modny ciapier hadžet. Hetaja maleńkaja pryłada zrobić da 14 porcyj napoju za adnu zaradku, i heta moža być nie tolki smuzi, ale i kaktejl, śviežavycisnuty sok i sup-piure.

Taki blender vielmi zručna myć: prosta dadajcie tudy vady i kroplu vadkaści dla myćcia posudu, a dalej uklučycie blender — i jon ačyścicca. Cana devajsa — 157,5 rubla.

Fota: wildberries.ru

Kali chočacie zładzić blizkamu čałavieku cikavy viečar, nabudźcie dla jaho ci jaje hety bukiet z matylkoŭ (viadoma, niežyvych). Reč u tym, što bukiet pradajecca ŭ vyhladzie nabora, tamu jaho jašče treba sabrać — i miarkujučy pa kamientarach, zabava moža zaciahnucca na niekalki hadzin.

Nabory jość u roznych kolerach: ramantyčny čyrvony, piaščotnyja ružovy i fijaletavy, jarki sini. U dadatak da dziasiatkaŭ matylkoŭ, drotu i ŭpakavalnaj plonki vy atrymajecie jašče i hirlandu na batarejkach — tak budzie jašče jarčej. Cana naboru zaležyć ad koleru i pačynajecca ad 25 rubloŭ.

Fota: ozon.by

Kubak z padahrevam — karysnaja reč u zmročnyja zimnija viečary. Tak kava ci harbata, jakuju pje blizki čałaviek, daŭžej zastaniecca ciopłaj i zachavaje svoj smak. 

Na rynku bahata varyjantaŭ takich kubkaŭ, ale nam padabajecca voś hety nabor hłybokaha zialonaha koleru. Košt — 29,2 rubla.

Fota: ozon.by

Čas karysnych padarunkaŭ, asabliva dla tych, chto lubić śpiavać u dušy. Ciapier heta možna rabić pad muzyku — dapamoža admysłovaja vodaniepranikalnaja kałonka, jakaja čaplajecca da lubych pavierchniaŭ.

Devajs pracuje biez drotu i padłučajecca da smartfona praz Bluetooth. Takich kałonak na rynku bahata, a taja, što na fota, kaštuje 39,27 rubla.

Fota: wildberries.ru

Prosty sposab źniać stres — uklučyć uviečary dyfuzar i zładzić sabie chatniuju vodaraterapiju. Hetaja pryłada moža nie tolki raspylać karysnyja efirnyja alei, a jašče i pracavać jak uvilhatnialnik pavietra. I heta karysnaja reč u chałodnyja miesiacy, kali z-za aciapleńnia pavietra ŭ damach bolš suchoje.

Možna padabrać roznyja dyfuzary ŭ zaležnaści ad taho, idzie havorka pra małoje ci vialikaje pamiaškańnie. Adzin z samych tannych varyjantaŭ — voś taki devajs koštam usiaho 19 rubloŭ, ale nie zabudźciesia nabyć da jaho efirnyja alei.

Fota: present-simple.by

Modnaja, choć i nie tannaja źjava — padpiska na padarunki. Kali jaje aformić i paznačyć adras blizkaha čałavieka, z peŭnaj pieryjadyčnaściu jamu buduć prynosić śviežyja bukiety ci niešta inšaje.

Znajści padpisku na kvietki praściej za ŭsio: zazirnicie siudy ci siudy, ale padpisku dazvalajuć rabić i inšyja mahaziny. Alternatyva — padpiska na smačnuju harbatu.

Fota: ozon.by

Kali vy hatovyja patracicca, možna prydbać u padarunak elektronnuju knižku. Heta kaštuje zusim nie simvalična — padrychtujcie ad 332 rubloŭ, stolki na siońnia kaštuje adzin z samych tannych varyjantaŭ.

Elektronnaja knižka nie vypramieńvaje škodnaha błakitnaha śviatła, tamu čytać ź jaje tekst nie škodzić zdaroŭju, kali vy nie złoŭžyvajecie takim zaniatkam. I, viadoma, adna elektronnaja knižka važyć mienš, čym jaje ekvivalent z papiery. 

Fota: oz.by

Chto skazaŭ, što ŭ kanstruktar hulajuć tolki dzieci? Aryhinalny nabor moža spadabacca i darosłamu, i ŭ LEGO takich bahata. 

Źviarnicie ŭvahu na taki varyjant bukieta z sotniaŭ detalaŭ — jon kaštuje 320,52 rubla. Možna padabrać i bolš biudžetnyja varyjanty, ale ad inšych kampanij.

Fota: ozon.by

Jašče adzin aryhinalny hadžet — fataaparat imhniennaha druku (da jaho treba dakupić fotapapieru). Voś taki devajs łavandavaha koleru kaštuje 486 rubloŭ, maje aŭtamatyčnuju ekspazicyju i režym sełfi, jaki možna lohka aktyvavać.

U vodhukach adznačajuć, što fataaparat maje zručny pamier i formu, ale jakaść zdymki zaležyć ad aśviatleńnia. Prymianiać jaho možna, da prykładu, na viečarynie, kab adrazu razdavać zdymki ŭsim haściam.

«Naša Niva» — bastyjon biełaruščyny

PADTRYMAĆ

Čytajcie taksama:

«Jon zdradziŭ i prynios mnie infiekcyju, jakaja nie lečycca. Ciapier da kanca žyćcia pić tabletki!» Biełarusy raskazali, jak pieražyli zdradu ŭ adnosinach i jak zdradžvali sami

«Nazyvaŭ moj rajon vioskaj. Takoje ja nie daruju». Biełarusy raskazali pra samyja krynžovyja rasstańni ŭ svaim žyćci

Psichołah nazvała rysy partniora, niebiaśpiečnyja dla adnosinaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
3
Ха-ха
0
Ого
3
Сумна
1
Абуральна
0
1
Abarmot/adkazać/
08.02.2024
Smotrieł na eti bukiety iz babočiek i dumał, kto takoje hovno kupiť možiet. Očień choču uvidieť žienŝinu, kotoraja obradujetsia etomu triešovomu pylesborniku
0
dočka Maksima Dizajniera/adkazać/
09.02.2024
dy ładna babački
a toje vo panaviešajuć zamkoŭ na masty, a kamunalnikam ich potym zrazaj, kab nie rušylisia masty...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031