Dziaciej pryncesy Kiejt nie puskajuć u balnicu da maci
Dzieviać dzion tamu 42-hadovaja pryncesa Uelskaja Ketryn (Kiejt Midłtan) pieraniesła apieracyju na brušnaj paražninie. Z taho času jana nie pakazvajecca na ludziach i zastajecca ŭ balnicy.
Pryncesa Kiejt i Uiljam i ich dzieci: Džordž, Łui i Šarłota. Fota: Kin Cheung / AP
Jak źviarnuli ŭvahu žurnalisty, naviedvaje Kiejt u pryvatnaj klinicy tolki muž — spadkajemca brytanskaha trona prync Uiljam, piša Bild.
Ich traich dziaciej — Džordža, Šarłotu i Łui — nie puskajuć da maci, jany majuć znosiny tolki anłajn. Apošni raz maci i dzieci źjaŭlalisia razam na publicy na kaladnaj słužbie 25 śniežnia.
Pa ŭsioj bačnaści, zabarona bačycca z maci źviazana z rekamiendacyjami daktaroŭ. Dzieci mohuć zanieści ŭ pałatu infiekcyju, što stanie vialikaj ryzykaj dla asłablenaha zdaroŭja pryncesy.
Jana i tak užo admianiła ŭsie sustrečy i mierapryjemstvy da samaha Vialikadnia. Akramia taho, u balnicy The London Clinic u pryncypie vielmi strohija praviły, da pacyjentaŭ zabaroniena pravodzić dziaciej.
Čytajcie taksama:
Brytanskamu pryncu Łui ŭpieršyniu dazvolili nadzieć štany
Pryncesa Kiejt zhulała ŭ tenis z Rodžeram Fiedereram
«My nie rasisty»: prync Uiljam adkazaŭ na abvinavačvańni Hary i Miehan Markł
