Znajści
Ałharytmičny łacinski varyjant
05.01.2024 / 14:475RusŁacBieł

U Kryžanoŭskaha zhubiłasia kotka. Navahodniuju noč jana praviała na vulicy

Znakamity biełaruski humaryst Jaŭhien Kryžanoŭski raskazaŭ pra sumnuju historyju, što zdaryłasia ź im pad Novy hod. 31 śniežnia ź jaho kvatery źbiehła lubimaja kotka Busia, zorka jaho rolikaŭ u tyktoku.

Skryn videa ŭ tyktoku

Ciapier Kryžanoŭski pracuje ŭ Maskvie — jon artyst tamtejšaha teatra «Pietrasian-šou». Hetaja navahodniaja noč, raskazvaje ŭ tyktoku Kryžanoŭski, była dla jaho adnoj z samych ciažkich u žyćci: «31 śniežnia niedzie paśla abieda źnikła naša ŭlubionka, kotka Busia. Nie prosta ŭlubionka — heta, možna skazać, naša małodšaja dačka».

Kvatera Kryžanoŭskich znachodzicca na vośmym paviersie, ale kotka niejkim čynam źbiehła na pieršy, dzie jaje i pabačyli susiedzi kala paštovych skryniaŭ. Kotka sama b nie zdoleła adkryć dźviery padjezda, tamu, miarkuje Jaŭhien, znajšłasia «dobraja duša», jakaja vykinuła Busiu na vulicu. Dy i, upeŭnieny mužčyna, kotka nie vybiehła b sama na vulicu, Busia pakidaje kvateru tolki dziela pajezdak na daču artysta.

«Kali my chapilisia jaje, prajšło ŭžo niekalki hadzin. Dumali, śpić niedzie, zabiłasia niedzie pad łožak, u łožak, u šafu. Ale kali da nas dajšło, što kotki niama, my abšukali ŭsio, pačali šukać jaje ŭ padjeździe, pa ŭsich pavierchach — kotki nie było», — zhadvaje ŭschvalavany Kryžanoŭski.

Navahodniuju noč humaryst sa svajakami pravioŭ u pošukach — jany abyšli ŭvieś rajon, ale vynikaŭ heta nie dało.

Na ščaście, ciapier usio dobra: z dapamohaj sacsietak, dobrych ludziej i abjaŭ, jakija raźviesili pa ŭsim rajonie, atrymałasia viarnuć Busiu dachaty. Kotka była pierapužanaja i brudnaja, ale nie atrymała traŭmaŭ. Ciapier, raskazvaje Kryžanoŭski, žyvioła pieražyvaje nastupstvy navahodnich žachaŭ — amal uvieś čas śpić, ničoha nie jeść i baicca padychodzić da dźviarej.

Tak kotka vyhladała, kali jaje znajšli.

Takija strašnyja nočy, kaža Jaŭhien, jość u šmat jakich žyvioł: «U kožnym horadzie jość miesca, kudy pryvoziać biazdomnych žyviołaŭ. Hetyja niekalki strašnych načej, ich zusim niašmat, potym skančvajucca samaj strašnaj nočču, jakaja doŭžycca biaskonca — ich usyplajuć. Ujaŭlaju, što adbyvałasia z Busiaj i što adbyvajecca ź inšymi žyviołami, i źviartajusia da maich padpisčykaŭ — vas šmat, dziasiatki tysiač. 

Kali jość mahčymaść, uratujcie dušu maleńkaha kacianiatki ci ščaniaci, vialikaha kata ci sabaki. Jany buduć vam udziačnyja, moža, navat bolš, čym my, ludzi».

«Naša Niva» — bastyjon biełaruščyny

PADTRYMAĆ

Čytajcie taksama:

«Ja dumaŭ, jon u Polščy z usimi». Jaŭhien Kryžanoŭski asvojvaje tyktok — zdymaje roliki pra lecišča i «błohiera» Piačonkina

Prank na minskim vakzale parvaŭ tyktok — chłopiec pryjšoŭ na ciahnik z hihanckim kvitkom

Jak nadziejna pačyścić akaŭnt u TikTok — padrabiazny hajd

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
1
Ха-ха
3
Ого
3
Сумна
12
Абуральна
9
2
Kot/adkazać/
05.01.2024
Taja situacyja kali kotka lepšaja za haspadara
1
daviedka /adkazać/
05.01.2024
HUBOPiK nie ta li «dobraja duša», čto otkryła dvieŕ kvartiry v otsutstvije jejo biehłoho choziaina Kryžanovskoho?!
0
Wery/adkazać/
05.01.2024
Kotka ničym nie vinavaty.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera