Znajści
Ałharytmičny łacinski varyjant
21.12.2023 / 18:4915RusŁacBieł

Staruju minskuju Łošycu znosiać, da kanca zastajecca zusim troški FOTY

U Minsku praciahvajecca začystka terytoryj pad pierśpiektyŭnaje budaŭnictva. Užo hadoŭ ź piać pacichu «ščemiać» rajon Łošyca, ale apošnim časam jaho vysialeńnie pajšło asabliva aktyŭna. Cełych kvartałaŭ byłoj vioski ŭžo niama, ekskavatary pracujuć štodnia — i, mahčyma, usioj hetaj adnapaviarchovaj (i trošački dvuchpaviarchovaj) Łošycy zastałosia ad siły para miesiacaŭ, piša Blizko.by.

Byłaja vioska Łošyca ciapier (pakul jašče) składajecca z vulic Čyžeŭskich, Łošyckaj, Jubilejnaj, Ambułatornaj, a taksama adnajmiennych zavułkaŭ i prajezdaŭ. Niekalki hadoŭ tamu paŭdniovuju častku vioski ŭžo źnieśli, prakłaŭšy na jaje miescy novuju vulicu Stanisłava Maniuški.

Vulica Čyžeŭskich — heta ŭvohule niekali adzin z hałoŭnych ujezdaŭ u Minsk. Mienavita pa hetaj darozie praz Łošycu prachodziŭ šlach u horad Ihumien (roŭna 100 hadoŭ tamu pieranazvany ŭ Červień). Nazva susiedniaj vulicy, Ihumienski trakt, dadziena tak niezdarma.

Prykładna tyja ž hadoŭ ź piać tamu paŭdniovuju častku Čyžeŭskich źnieśli i abrezali (zastaŭsia adzin pryvatny dom), a na jaje miescy pabudavali dva vysokija damy pa vulicy Janki Łučyny; paru hadoŭ tamu źnieśli jašče prykładna pałovu vulicy — pakul na miescy tych damoŭ pustka.

 

 

 

Ciapier aktyŭna znosiać paŭnočna-zachodnija kvartały, bližej da Ihumienskaha traktu. Mnohija astatnija damy ŭžo taksama adsielenyja, ale pakul jašče nie źniesienyja. Dzieści i zusim žyćcio pakul praciahvajecca svaim chodam, ale pastupova ŭsio ŭžo rychtujecca da taho, kab pakinuć damy, u jakich vyrasła nie adno pakaleńnie minčukoŭ i łašyčan, i pierasialicca ŭ novyja šmatpaviarchoviki ŭdalečyni ad Łošycy, centra i naohuł zialonych nasadžeńniaŭ.

 

Tam ža, dzie ŭžo idzie znos, usio adno jašče niamała ludziej. Byłyja žychary imknucca za apošnija adpuščanyja damam dni vyvieźci reštu choć trochi kaštoŭnych rečaŭ. Chtości korpajecca ŭžo na źniesienych dzialankach — časam traplajucca rečy, jakija mohuć zacikavić baracholščykaŭ. A dzieści pakidajuć na ścienach navat fatahrafii, jakija potym apynajucca prosta na ziamli.

 

 

 

 

 

Čytajcie taksama:

«Byŭ vyjaŭleny jaho avaryjny stan». Homielskija ŭłady źnieśli histaryčny budynak na terytoryi parku

U centry Minska pradajecca zakinuty budynak. Kaštuje jak trochpakajovaja kvatera

U minskim Uruččy narešcie znosiać ničyjny katedž, jaki stajaŭ zakinuty 20 hadoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
0
Ха-ха
0
Ого
1
Сумна
28
Абуральна
6
0
Avochci/adkazać/
22.12.2023
Žvir, "prymityŭnymi" jość vašyja arhumienty, kali vy kažacie, što mienskija draŭlanyja damki niečym horšyja za tyja, što renavujucca (abo z nala pierabudoŭvajucca ŭ prystojnyja katedžy) ŭ Talinie ci Ryzie. 
0
Žvir/adkazać/
22.12.2023
Avochci, toje, što renavujuć ŭ Talinie ci Ryzie, ujaŭlaje saboju architekturnuju kaštoŭnaść, budavałasia adpaviedna vyznanaha stylu i adpaviedna prajektaŭ. U Łošycy stajać zvyčajnyja chałabudy, jakija nijakaja renavacyja nie pierarobić u niešta inšaje, čym chałabudy, akrom poŭnaj pierabudovy. Ale j hetaha nia budzie stavać, bo jany iznoŭ pieraŭtvoracca ŭ chałabudy, samimi ž haspadarami, bo ich (haspadaroŭ) nie "renavuješ" i nie "pierarobiš". Im ža ništo nie zaminała dahladać svaje chaty dy padtrymlivać ich u vartym stanie ? Dyk što ich prymusić rabić heta paśla renavacyi ? Nu, dla prykłada, naviedajciesia na Dubravinski jaki zavułak, ci paralelnyja jamu vulicy, što złučajuć Čyhunačnuju i Hrušaŭku, padziviciesia tamtejšym "Ryzie" i "Talinu". :)
0
Avochci/adkazać/
28.12.2023
Žvir, łuchta. Hruškaŭka budavałasia pavodle prajekta. A talinskija damki - ja ciapier maju na ŭvazie nie tyja, što fasadami na vulicu, a tyja, što na ŭłasnych padvorkach za płotami, napr, u Kałamiae - pryvatnyja, jaki tam prajekt? Adnak ciapier pryjemna prajścisia dy zazirnuć tudy. Vy viarziecie aby što, aby spračacca. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera