Vieniesuelskija ŭłady damovilisia z ZŠA i vypuścili palitźniavolenych
Vieniesueła i ZŠA damovilisia pamiž saboj i vyzvalili sa svaich turmaŭ raniej źniavolenych asob.
Prezident Vieniesueły Nikałas Madura. Fota: Carlos Becerra/Getty Images
Jak paviedamili ŭ Biełym domie, vieniesuelskija ŭłady adpuścili dziesiać hramadzian ZŠA, jakija viernucca dadomu. Taksama amierykanskamu boku vydadzieny amierykaniec, jaki ŭciok ad pravasudździa na radzimie — Leanard Frensis. Akramia taho, vyzvalenyja 20 vieniesuelskich palitviaźniaŭ.
«My zabiaśpiečvajem vykanańnie vieniesuelskim režymam svaich abaviazacielstvaŭ. Jany abviaścili ab darožnaj karcie vybaraŭ, uzhodnienaj apazicyjnymi partyjami, dla kankurentnych prezidenckich vybaraŭ u 2024 hodzie. Heta pazityŭny i važny krok napierad. A siońnia vyzvalajuć dvaccać palitviaźniaŭ, akramia piaciarych, vyzvalenych raniej. My praciahniem uvažliva sačyć za hetym i pry nieabchodnaści prymiem adpaviednyja miery. My padtrymlivajem demakratyju ŭ Vieniesuele i spadziavańni vieniesuelskaha naroda», — zajaviŭ prezident ZŠA Džo Bajden.
U adkaz ZŠA vyzvalili biznesoŭca Aleksa Saaba, jaki vioŭ biznes z uradam Vieniesueły. Jon abvinavačvaŭsia ŭ admyvańni hrošaj. U 2020 hodzie jaho zatrymali ŭ Kaba-Verde i ekstradavali ŭ ZŠA. Urad Venesueły śćviardžaŭ, što ŭ hetaha čałavieka jość dypłamatyčny status, i vystupaŭ za jaho vyzvaleńnie.
Raniej ZŠA častkova asłabili nakładzienyja na Vieniesuełu sankcyi paśla taho, jak Nikałas Madura i apazicyja damovilisia ab praviadzieńni kankurentnych vybaraŭ.
Čytajcie taksama:
Vajny nie budzie. Vieniesueła i Hajana damovilisia nie źviartacca da siłavoha vyrašeńnia kanfliktu
«Łukašenka moža pačać rasstrelvać». Analityk acaniŭ, što budzie, kali źniać sankcyi
Kab izalavać Pucina na suśvietnaj arenie, ZŠA pajšli na pieramovy navat ź Vieniesuełaj
