Znajści
Ałharytmičny łacinski varyjant
25.12.2023 / 22:26RusŁacBieł

Kruz, Vonka i dzicia Biełarusi: top-10 filmaŭ hoda

«Barbi» i «Apienhiejmier» — nie adzinaje, čym u 2023-m nas radavaŭ kiniematohraf. Zhadvajem najlepšyja stužki hoda.

Kadr z trejlera filma «Misija nievykanalnaja: Śmiarotnaja adpłata. Častka pieršaja» / Youtube

Misija nievykanalnaja: Śmiarotnaja adpłata. Častka pieršaja (Mission: Impossible — Dead Reckoning Part One)

Voś jon — favaryt hoda ŭ žanry ekšn! Tom Kruz nie pierastaje radavać vyklučnymi trukami, jakija nie pryjduć u hałavu inšym režysioram i ŭ strašnym śnie: naprykład, čamu b nie skinuć ciahnik z abryva i nie prymusić hierojaŭ doŭhija chviliny šukać vyratavańnia? A ŭ dadatak — adbornyja pahoni, bojki, charyzmatyčnyja akciory, najlepšyja hadžety i žyćcio haute couture. Kruz, nikoli nie starej!

Rejtynh na IMDb: 7,8/10

Biełaje płastykavaje nieba (Müanyag égbolt)

Hetaj słavacka-vienhierskaj animacyi dla darosłych moža nie chapać prapracoŭki siužeta, ale mała inšych filmaŭ mohuć pachvalicca takim pryhožym vizuałam, nibyta ź inšaj płaniety, ad jaho nie adstaje i sama historyja. Na dvary 2123-ci, i maładaja para žyvie ŭ pastapakaliptyčnym Budapiešcie. Im nakanavana dažyć da 50-ci i potym stać ježaj dla nastupnych pakaleńniaŭ, ale žančyna choča syści raniej — i muž nie adpuskaje kachanuju. Paviercie, heta nasamreč vielmi pryhoža.

Rejtynh na IMDb: 6,8/10

Rusałačka (The Little Mermaid)

Vy, napeŭna, pamiatajecie hetuju historyju. Maładaja rusałačka zaklučaje pahadnieńnie z marskoj viadźmarkaj i abmieńvaje svoj pryhožy hołas na čałaviečyja nohi. Meta — adkryć dla siabie śviet nad vadoj i ŭrazić prynca. U stužcy kłasny padbor akcioraŭ, u tym liku cudoŭna siabie pakazvaje ciomnaskuraja «rusałačka» Choli Bejli, chacia vybar jaje na hetuju rolu i byŭ skandalny. A jašče tut fajny vizuał, šmat dabryni, pazityvu i znajomaha dysnejeŭskaha vajbu.

Rejtynh na IMDb: 7,2/10

Apienhiejmier (Oppenheimer)

Trochhadzinnaja mahija ad Krystafiera Nołana pra bijahrafiju Robierta Apienhiejmiera — stvaralnika atamnaj bomby. Vašaj uvazie tonkaja akciorskaja hulnia ad Kilijana Miorfi i Robierta Daŭni-małodšaha (i nie tolki), bliskučyja va ŭsich sensach śpiecefiekty i hienijalnaja nołanaŭskaja režysura, dziela jakoj nie škada prasiadzieć i try hadziny. Na bližejšym «Oskary» Miorfi i Nołan majuć šansy na ŭradžaj statuetak.

Rejtynh na IMDb: 8,4/10

Zabojcy kvietkavaha Miesiaca (Killers of the Flower Moon)

Dumajecie, daŭžej za «Apienhiejmiera» stužku nie źniać? Marcin Skarseze pieraŭpenivaje sa svajoj historyjaj pra indziejcaŭ i naftu, jakaja vyjšła amal na try z pałovaj hadziny. Dy Kaprya tut uvasobiŭ muža indyjanki, siamja jakoj uzbahaciłasia, bo na jaje ziemlach znajšli naftu. Ale voś niezadača — svajaki žančyny pačynajuć pamirać adzin za adnym. Niahledziačy na paproki ŭ zaciahnutaści, film atrymaŭsia adbornaj stravaj dla kinahurmanaŭ — tolki padrychtujcie da jaho zvyčajnyja zakuski, bo hladzieć daviadziecca sapraŭdy šmat. Asobny dziakuj Skarseze za toje, što daŭ prastoru Lili Hłedstoŭn, jakaja hraje tuju samuju indyjanku, bo jana dastojnaja našaj uvahi.

Rejtynh na IMDb: 7,8/10

Barbi (Barbie)

Hetaja stužka — hałoŭny kinamarkietynhavy pośpiech nie tolki 2023-ha, ale, mahčyma, i ŭsich apošnich hadoŭ. Letam śviet trymcieŭ u čakańni «Barbienhiejmiera» — tak nazyvali adnačasovuju premjeru «Barbi» i «Apienhiejmiera». Zhadać chacia b natoŭpy ŭ ružovym, što zapoŭnili jeŭrapiejskija kinazały z pačatkam pakazaŭ, ci rossyp karcinak u sacsietkach z hierojami stužki i podpisami nakštałt «hetaja Barbi — prezidentka». A nasamreč my atrymali prafieministyčnaje kino ad niezaležnaj režysiorki z zorkami Marha Robi i Rajanam Hoślinham (jak jon śpiavaje!), jakoje nie soramna pahladzieć sa svajačkaj-padletkam ci ź siabroŭkaj pad ružovaje.

Rejtynh na IMDb: 7/10

Čałaviek-pavuk: Pavucińnie suśvietaŭ (Spider-Man: Across the Spider-Verse)

Sikveł multfilma «Čałaviek-pavuk: Praz suśviety», jaki ŭziaŭ u 2019-m adzin z «Oskaraŭ». «Pavucińnie suśvietaŭ» pabiła zbory papiarednika ŭsiaho za 12 dzion prakatu i zaadno zalacieła na viaršyni šmatlikich rejtynhaŭ. Tut vam raskažuć pra padletkaŭ Majłza Maralesa i Hvien Stejsi, jakija majuć supierzdolnaści, padarožničajuć pa multysuśvietach i zmahajucca sa złodziejami. A taksama prezientujuć bahatuju i hałavakružnuju animacyju — čym nie asałoda?

Rejtynh na IMDb: 8,6/10

Minułyja žyćci (Past Lives)

Hetaja amierykana-karejskaja drama atrymała bahata zachapleńnia na fiestyvali niezaležnaha kino Sundance, a taksama šmat naminacyj na najlepšyja kinapremii śvietu. U centry historyi — karejanka Jen Na i jaje školny siabar Che Son. U dziacinstvie Jen Na była zakachanaja ŭ chłopca, ale ich siabroŭstva abarvałasia, kali dziaŭčynka pierajechała ŭ Štaty. Praz dvaccać hadoŭ byłyja siabry sustrakajucca na tydzień — i, zdajecca, ničoha ŭžo nie budzie jak raniej.

Rejtynh na IMDb: 8/10

Džon Uik: Častka 4 (John Wick: Chapter 4)

Dzicia Biełarusi znoŭ z nami! Apošniuju častku franšyzy pra Džona Uika nazyvajuć najlepšaj z usioj sieryi i chvalać za vizuał i ŭmieńnie pieratvaryć bajavik u mastactva. Film pastavili Čad Stachiełski i Devid Litč, pastanoŭščyki trukaŭ z «Matrycy», tamu vidoviščnaść tut na vyšyni. Ciužet stužki prosty: jak i ŭ inšych častkach, sumlenny hieroj-zabojca Džon Uik zmahajecca z mafijaj, pomścić drennym chłopcam i zdabyvaje volu.

Rejtynh na IMDb: 7,7/10

Vonka (Wonka)

Akcior Cimaci Šałame i kampanija padrychtavali sałodki pieradnavahodni padarunak. Heta čarhovaja ekranizacyja suśvietu «Čarli i šakaładnaj fabryki» ad piśmieńnika Roalda Dala, ale tut u centry ŭvahi — małady i biedny (ale abajalny) Vili Vonka, budučy haspadar šakaładnaj fabryki. Pakul jon tolki maryć pra svoj biznes i zaŭvažaje, što ŭsia haradskaja šakaładnaja industryja znachodzicca pad kantrolem skvapnych kankurentaŭ. Atrymlivajecca čaroŭnaja kazka z tancami, mahičnymi śpiecefiektami i Chju Hrantam u zialonym paryku i roli karlika.

Rejtynh na IMDb: 7,4/10

«Naša Niva» — bastyjon biełaruščyny

PADTRYMAĆ

«Chłopčyk i ptuška»: u kinateatrach čarhovy šedeŭr Mijadzaki paśla 10-hadovaha pierapynku

Jakija filmy pieramahli na kinafiestyvali «Paŭnočnaje źziańnie» i jaki staŭ samym papularnym

Film «Zialonaja miaža»: što chacieła pakazać Ahnieška Chołand i što atrymałasia

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
15
Панылы сорам
3
Ха-ха
3
Ого
1
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera