Znajści
Ałharytmičny łacinski varyjant
14.12.2023 / 22:266RusŁacBieł

Andrej Chadanovič pieršy, Aleś Bieły treci. U Litvie padviali vyniki čytackaha hałasavańnia za najlepšyja knihi hoda

Litoŭski navinovy partał 15min.lt ciaham apošnich tydniaŭ padvodziŭ knižnyja vyniki 2023 hodu. Siarod pazicyj u roznych naminacyjach byli try vydańni, da stvareńnia jakich mieli dačynieńnie biełaruskija aŭtary. I ŭsie jany dabilisia padčas čytackaha hałasavańnia dobrych vynikaŭ, a adna z «biełaruskich» knih uvohule pieramahła.

Dvuchmoŭnaja biełaruska-litoŭskaja kniha vieršaŭ Andreja Chadanoviča «Fantomnyja radaści» (Fantominiai džiaugsmai) čytačami partała pryznanaja najlepšaj paetyčnaj pierakładnoj knihaj hoda. Za jaje było addana 19% hałasoŭ tych, chto ŭziaŭ udzieł u hałasavańni.

Druhoje i treciaje miesca z 13% hałasoŭ tut padzialili zborniki viadomych litarataraŭ minułaha: amierykanca Čarlza Bukoŭskaha i palaka Źbihnieva Chierbierta.

U konkursie na najlepšaje non-fikšn vydańnie litoŭskich aŭtaraŭ kniha «Smaki Staroj Vilni» (Senojo Vilniaus skoniai), adnym z čatyroch saaŭtaraŭ jakoj razam ź litoŭcami Rymvidasam Łaŭžykasam, Antanasam Astraŭskasam i Tomasam Rymidzisam źjaŭlajecca biełarus, adzin sa stałych aŭtaraŭ «Našaj Nivy» Aleś Bieły, zaniała 3-je miesca (9% addanych hałasoŭ). Uviesnu hetaha hoda aŭtar sam koratka pradstaŭlaŭ knihu na «Našaj Nivie». 

Pieramahła tut kniha Birucie Davidanicie i Davidasa Panceravasa «Śpikier i prezident», pryśviečanaja zakuliśsiam litoŭskaj palityki (35%), a na 2-m miescy raźmiaściłasia praca Andrusa Klajvy «Što robić Japonija» (15%).

Urešcie, kniha biełaruski-fiłosafa Volhi Šparahi «U revalucyi žanočy tvar. Vypadak Biełarusi» (Revoliucijos veidas moteriškas: Baltarusijos atvejis), jakaja ŭdzielničała ŭ naminacyi pierakładnoha non-fikšnu, spyniłasia ŭ adnym kroku ad «pjedestała» — u jaje čaćviortaje miesca (9%).

Pieršuju trojku tut skłali knihi amierykanskaj žurnalistki En Apielbaŭm «Čyrvony hoład: vajna Stalina suprać Ukrainy» (18%), amierykanskaha piśmieńnika Styviena Kinha «Pra piśmienstva. Miemuary pra ramiastvo» (13%) i brytanskaj piśmieńnicy Alivii Łenh «Samotny horad» (12%). 

Na hetym, adnak, pakul nie kaniec. Čytackaje hałasavańnie dazvoliła sfarmavać šort-list ź piaci najlepšych knih u kožnaj naminacyi, i ciapier za kožnuju ź ich buduć hałasavać siabry ekśpiertnaj kamisii. Pieramožcy buduć abvieščanyja 19 śniežnia.

Čytajcie taksama:

«Knihi-miedytacyi stali fienomienam hoda ŭ Biełarusi». Padviali vyniki čytackich upadabańniaŭ hoda

Jak vydać knihu i jaje pradać. Parady redaktarki biełaruskaha vydaviectva 

«Nie viadziciesia na pavieŭnuju modu — padhladać za kłasikami ŭ zamočnuju adtulinu»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
1
Ха-ха
2
Ого
0
Сумна
1
Абуральна
2
13
Gorliwy Litwin/adkazać/
15.12.2023
navat z hetych vynikaŭ bačna, jaki vialiki niedavykarystany patencyjał kulturnaha supracoŭnictva pamiž Litvoj i Biełaruśsiu, jaki siońnia tarpiedujecca Rasijaj. nu i našymi ŭnutranymi idyjotami, jakija sutnasna tutejšyja ruskija. Nu i ekanamičnaha supracoŭnictva taksama, chacia heta jašče składaniej i daŭžej
4
Pra biełaha/adkazać/
15.12.2023
Jaki ž jon biełarus, kali palivaje brudam usie biełaruskaje?
5
Heta vam nie aleksijevičy /adkazać/
15.12.2023
 Cudoŭnaja navina. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera