Znajści
Ałharytmičny łacinski varyjant
14.12.2023 / 14:251RusŁacBieł

Navošta ŭtrymlivać ukrainski płacdarm na levym bierazie Dniapra? Tłumačyć ekśpiert

Ź siaredziny kastryčnika ŭkrainski bok utrymlivaje płacdarm na levym bierazie Dniapra kala siała Krynki. Ale raźvić dalejšy nastup nie atrymlivajecca. Utrymańnie płacdarma kaštuje značnych ludskich resursaŭ. Moža, varta vyvieści adtul ludziej?

Hrupa ŭkrainskich vajskoŭcaŭ vypraŭlajecca na levy bierah Dniapra pad Chiersonam. Fota: AP Photo / Alex Babenko

Zamacavańnie na levym bierazie Dniapra ŭ Chiersonskaj vobłaści la siała Krynki nie pryviało da značnych źmienaŭ na froncie. Ukrainskija bajcy znachodziacca tam užo dva miesiacy. Na raźvićcio kontrnastupu nie chapaje ni sił, ni resursaŭ. Značnyja prablemy z łahistykaj. Vykazvajucca mierkavańni, što ŭkrainskija voiny, pa sutnaści, śmiarotniki. Moža, varta vyvieści adtul ludziej i pierakinuć na inšy napramak? Moža, heta było b bolš racyjanalna?

Adkazvajučy na takija pytańni padčas strymu, vajskovy ekśpiert Aleh Ždanaŭ patłumačyŭ, što taki padychod byŭ by absalutna nieracyjanalnym. «Kali my adydziem z hetaha płacdarma, to pytańnie pierarazańnia suchaputnaha kalidoru budzie adkładzienaje vielmi nadoŭha».

Ždanaŭ prapanuje zhadać, što adbyvałasia da padryvu Kachoŭskaj HES. Pa jaho słovach, padryŭ stancyi stanoŭča paŭpłyvaŭ na situacyju dla ŭkrainskaha boku. «Padryŭ HES zmyŭ usie abarončyja rubiažy i ŭmacavańni, jakija budavała Rasija na levym bierazie Dniapra. I ciapier jość šanc utrymać płacdarm na levym bierazie, jaki ŭ dalejšym pasłužyć asnovaj dla nastupleńnia».

Ekśpiert adznačaje, što vyvad moža adbycca, kali kamandavańnie paličyć, što niama srodkaŭ i sił utrymlivać. Isnujučuju situacyju na płacdarmie Ždanaŭ charaktaryzuje jak adnu z samych najhoršych pa stanu abarony. Ale marskaja piachota prajaŭlaje ŭzor hieraizmu i mužnaści ŭ płanie ŭtrymańnia hetaha rubiažu.

Ekśpiert pryvioŭ cytatu adnaho z bajcoŭ ab tym, jak arhanizujecca abarona na płacdarmie, jak i za košt čaho jon trymajecca: «Płacdarm ciapier trymajecca vyklučna na minach. Rasijskaja desantna-šturmavaja dyvizija stała na bajavych mašynach desanta (BMD) zajazdžać prosta na pazicyi ź lesu i vysadžvać desant. Byŭ dzień, kali ŭsie dumali, što płacdarm sapchnuć u vadu. I nas terminova ŭsich pryciahnuli da miniravańnia miascovaści ŭ livień. My latali ŭ livień, tamu što vybaru nie było. A miny darabić za niekalki tydniaŭ da taho, da vysokaha pracenta vybuchaŭ, treba było nieadkładna.

Ciapier na minach spyniajucca ŭsie šturmy. Čatyry dni jany atakujuć bieśpierapynna, ale my krychu stabilizavali situacyju, i da pazicyj jany nie dajazdžajuć. Nasamreč tut zaraz piekła. Vorah za tydzień-paŭtara straciŭ da 10 BTR, da 10 tankaŭ i 20—25 BMD. Les i Krynki zavaleny žalezam. Ale «miasnyja šturmy» praciahvajucca. Siońnia pieršy dzień, kali šturm abmiežavaŭsia dvuma BTR. Na žal, naša prasoŭvańnie spyniena».

Niahledziačy na takuju ciažkuju situacyju, pa słovach Ždanava, utrymańnie płacdarma — pieradumova pośpiechu budučaha nastupu. Kali nie budzie płacdarma, to zadača farsiravać Dniepr budzie praktyčna nievyrašalnaj. Sproby nastupu ŭzdoŭž Dniapra z boku Zaparožskaj vobłaści letam nie mieli pośpiechu, ukrainskija vojski nie zmahli pieraadoleć tak zvanuju «liniju Suravikina». Tamu płacdarm krajnie nieabchodny.

Čytajcie jašče:

«Ja vyrvaŭsia ź piekła». Ukrainski vajskoviec raspavioŭ Bi-bi-si pra bai za płacdarm na levym bierazie Dniapra

Ci moža štučnaje źnižeńnie ŭzroŭniu vady ŭ Dniapry dapamahčy prachodu ŭkrainskich vojskaŭ na levy bierah?

«Apieracyja Narmandyja»: ukrainskija vojski pašyryli płacdarm u Krynkach nasuprać Chiersona

Ukraina pierakinuła braniatechniku na levy bierah Dniapra

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
22
Панылы сорам
2
Ха-ха
4
Ого
2
Сумна
30
Абуральна
4
0
Roźvidka Britaniji/adkazać/
14.12.2023
Nova divizija RF provaliła opieraciji na livomu bieriezi Chiersonŝini, vtrati nadźvičajni. -----> https://www.unian.ua/war/nova-diviziya-rf-provalila-operaciji-na-livomu-berezi-hersonshchini-vtrati-nadzvichayni-rozvidka-britaniji-12483483.html
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031