Znajści
Ałharytmičny łacinski varyjant
12.12.2023 / 15:144RusŁacBieł

Tusk staŭ premjeram na fonie achałodžańnia ŭ adnosinach z Ukrainaj. Voś što jon zajaviŭ nakont jaje dalejšaj padtrymki ŭ vajnie

Novy premjer-ministr Polščy Donald Tusk padčas vystupu ŭ Siejmie pradstaviŭ svaju prahramu dziejańniaŭ. Jon zajaviŭ pra toje, što jahony ŭrad budzie patrabavać poŭnaj mabilizacyi Zachadu dla dapamohi Ukrainie, piša «Jeŭrapiejskaja praŭda».

Novy premjer-ministr Polščy Donald Tusk. Fota: Omar Marques / Getty Images

«Ja nie mahu bolš słuchać palitykaŭ, jakija havorać pra stomlenaść ad situacyi [vajny] va Ukrainie. Jany havorać prezidentu [Ukrainy] Zialenskamu, što jany stamilisia ad situacyi?» — skazaŭ Tusk.

Pavodle jaho, napad na Ukrainu — heta «napad na ŭsich nas». Premjer zaklikaŭ adnym hołasam havaryć ab Ukrainie, što, pierakanany jon, pavinna abjadnoŭvać palakaŭ.

Novy kiraŭnik urada dadaŭ, što dapamoha Polščy Ukrainie vielmi važnaja, ale adnačasova źviarnuŭ uvahu, što Varšava pavinna być nastojlivaj, kali havorka idzie ab intaresach, u pryvatnaści, polskich fiermieraŭ.

«Ale my pavinny pamiatać, za što idzie vajna. Što ŭkraincy vajujuć za niešta nadzvyčaj važnaje, što ich bitva pačałasia na Majdanie, što jany vajujuć za toje, kab dałučycca da supolnaści zachodniaha śvietu. Jany chočuć, kab Ukraina była demakratyčnaj, pravavoj dziaržavaj, jak zachodnija krainy. I jany za heta zaraz zmahajucca», — padkreśliŭ Tusk.

Premjer taksama abjaviŭ, što praź niekalki dziasiatkaŭ hadzin jon adpraŭlajecca ŭ Brusiel, spadziejučysia pierakanać sajuźnikaŭ abaranić demakratyčnyja kaštoŭnaści i Ukrainu ad rasijskaj ahresii.

«Tolki abjadnany Zachad moža dapamahčy Ukrainie pieramahčy ŭ baraćbie za demakratyčnyja kaštoŭnaści», — reziumavaŭ Tusk.

Na fonie vybaraŭ u Polščy adnosiny pamiž hetaj krainaj i Ukrainaj stali chaładniejšymi praz polskich fiermieraŭ i transpartnikaŭ, jakija zaklikali ŭłady abaranić ich intaresy.

Čytajcie taksama:

Novy polski premjer Donald Tusk pradstaviŭ svoj budučy ŭrad

Cichanoŭskaja pavinšavała Tuska z abrańniem na pasadu premjera Polščy

Prezidenty Polščy, Litvy i Łatvii admovilisia fatahrafavacca ŭ Dubai z Łukašenkam

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
76
Панылы сорам
2
Ха-ха
4
Ого
0
Сумна
1
Абуральна
6
2
Vasia/adkazać/
12.12.2023
Ch..vyje novosti dla putina i łukašienko
2
Tak/adkazać/
12.12.2023
Ja nie mahu bolš słuchać palitykaŭ, jakija havorać pra stomlenaść ad situacyi [vajny] va Ukrainie.
Tusk vyrazna skazaŭ: "Ja nie mahu bolš słuchać palitykaŭ, jeŭrapiejskich, inšych zachodnich dziaržaŭ, jakija havorać niešta pra stomlenaść ad situacyi [vajny] va Ukrainie".
6
Kazik/adkazać/
12.12.2023
Apošni abzac dziŭny. Adnosiny stali chałodnymi, bo ŭkrainskija pieravozčyki ziernia, jakim Polšča dała mahčymaść tranzitu, vyrašyli krychu pahandlavać pa-šeramu ŭ Polščy. A ŭkrainskija transpartniki ŭviali novuju sistemu elektronnaj čarhi, u jakoj palaki musili stajać i hladzieć, jakija ŭkrainskija fury mima sa śvistam prajaždžajuć miažu za chabar.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera