Znajści
Ałharytmičny łacinski varyjant
11.12.2023 / 11:156RusŁacBieł

Buchvostaŭ, Vaźniak i Kalakin pasprabujuć stvaryć novuju partyju na bazie marksizmu

9 śniežnia ŭ Minsku sfarmiravany arhanizacyjny kamitet pa stvareńni ŭ Biełarusi novaj levaj demakratyčnaj partyi.

Siarhiej Kalakin

Partyju, idejnaj asnovaj jakoj budzie marksizm, pasprabujuć stvaryć zamiest likvidavanaj Viarchoŭnym sudom Biełaruskaj partyi levych «Spraviadlivy śviet» (da 2009 hoda — Partyja kamunistaŭ Biełarusi).

«Jak kazaŭ vialiki Hiehiel, historyja maje ŭłaścivaść paŭtaracca. PKB/»Spraviadlivy śviet» my stvarali paśla zabarony ŭ žniŭni 1991 hoda dziejnaści ŭsich kamunistyčnych arhanizacyj u Biełarusi. Novuju marksisckuju partyju budziem stvarać paśla čarhovaj likvidacyi. Kanstytucyja Biełarusi i Zakon «Ab palityčnych partyjach» dazvalajuć nam u ramkach arhanizacyjnaha kamiteta zajmacca pracaj pa pryciahnieńni ludziej u stvaranuju partyju, farmiravańni jaje arhanizacyjnych struktur na miescach. Budziem heta rabić stolki, kolki spatrebicca», — napisaŭ u fejsbuku adzin z kiraŭnikoŭ «Spraviadlivaha śvietu» Siarhiej Vaźniak.

Na pasiedžańni byli abranyja try sustaršyni: sam Vaźniak, Siarhiej Kalakin (šmathadovy kiraŭnik PKB/»Spraviadlivaha śvietu») i Alaksandr Buchvostaŭ (dziejač niezaležnaha prafsajuznaha ruchu). 

***

«U Biełarusi nie zastałosia palityčnych partyj, jakija majuć adrozny ad ułady pohlad na stanovišča spraŭ u krainie i prapanujuć hramadstvu alternatyŭnyja varyjanty palityčnaha i sacyjalna-ekanamičnaha raźvićcia dziaržavy.

… My zaklikajem hramadzian levych demakratyčnych pohladaŭ dałučacca da našaj pracy. Biełaruś maje patrebu ŭ masavaj levaj palityčnaj partyi, jakaja bazujecca na kaštoŭnaściach svabody, roŭnaści, sacyjalnaj spraviadlivaści, salidarnaści i narodaŭładździa.

… Novaja partyja budzie imknucca zabiaśpiečyć sumiesnaje vałodańnie pracoŭnymi srodkami vytvorčaści, ich realny ŭdzieł u spraviadlivym raźmierkavańni vynikaŭ pracy», — havorycca ŭ zajavie arhkamiteta partyi.

Na pačatku 2023 hoda ŭ Biełarusi było 15 partyj, paśla pierarehistracyi i stvareńnia praŭładnaj partyi «Biełaja Ruś» u krainie zarehistravanyja čatyry partyi: «Biełaja Ruś» (staršynia Aleh Ramanaŭ), Libieralna-demakratyčnaja partyja (Aleh Hajdukievič), Kamunistyčnaja partyja Biełarusi (Alaksiej Sokał), Respublikanskaja partyja pracy i spraviadlivaści (Alaksandr Chižniak). Usie apazicyjnyja partyi byli likvidavanyja.

Čytajcie taksama:

«Pavinny stajać pobač z Łukašenkam». Hajdukievič vykazaŭsia pra rolu kišennych partyj

U BDU prajšło masavaje ŭstupleńnie ŭ «Biełuju Ruś» na čale z rektaram

Łukašenka patłumačyŭ, čamu začyściŭ partyi i navošta patrebnyja tyja, što zastalisia

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
5
Ха-ха
9
Ого
2
Сумна
0
Абуральна
2
2
Imia/adkazać/
11.12.2023
Jeŝio v 19 viekie vielikij russkij pisatiel Fiodor Dostojevskij, sovriemieńnik Karła Marksa, prozorlivo razhladieł v jeho učienii priestupnuju suť, nazvav marksizm «skotskim učienijem» i «nieleposťju».
1
mikola ramanau/adkazać/
12.12.2023
Udaczy ! Sp.Kaljakinu Pospeha. Sustrakausja z im u Brusseli u Parlamence EU.
0
Sałamon /adkazać/
13.12.2023
Budaŭnictva marksisckaj partyi na bazisie hałodnaha i abiezdolenaha narodu? Jany Marksa ŭvohule choć čytali?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930