Lohkaatletaŭ ź Biełarusi i Rasii na Alimpijadzie nie budzie — prezident World Athletics
Rasijskija i biełaruskija spartsmieny nie prymuć udziełu ŭ spabornictvach pa lohkaj atletycy na letnich Alimpijskich hulniach u Paryžy ŭ 2024 hodzie. Pra heta zajaviŭ na pres-kanfierencyi kiraŭnik Mižnarodnaj asacyjacyi lohkaatletyčnych fiederacyj (World Athletics) Siebaśćian Koe.
Skakucha z šastom Iryna Žuk
Za niekalki hadzin da taho Mižnarodny alimpijski kamitet paviedamiŭ, što dapuścić rasijskich i biełaruskich spartsmienaŭ, jakija paśpiachova prajšli adbor, da Alimpijskich hulniaŭ u Paryžy ŭ niejtralnym statusie ŭ jakaści indyvidualnych spartsmienaŭ. Ale na pazicyju mižnarodnaj lohkaatletyčnaj fiederacyi heta nie paŭpłyvała.
«Rasijskija i biełaruskija lohkaatlety nie buduć udzielničać na Alimpijadzie ŭ Paryžy. Naša pazicyja zastajecca niaźmiennaj. Ja ničoha nie mahu dadać. Jana była ŭchvalenaja Vykanaŭčaj radaj. Lohkaatletyčnaja siamja zhodnaja ź joj», — skazaŭ Siebaśćian Koe.
Varta adznačyć, što siarod tych biełaruskich spartsmienaŭ, jakija raniej vykanali kvalifikacyjnyja narmatyvy i patencyjna mahli b pajechać na Alimpijadu, troje akurat pradstaŭniki lohkaj atletyki: skakucha z šastom Iryna Žuk, biahucha-barjerystka Elvira Hrabarenka i skakucha ŭ vyšyniu Karyna Dziamidzik.
Alimpijada ŭ Paryžy maje prajści z 26 lipienia pa 11 žniŭnia 2024 hoda.
Čytajcie taksama:
«My možam pastavić hetuju ŭmovu». Łatuška raskazaŭ, na što možna abmianiać vyzvaleńnie palitviaźniaŭ
Brytancy padtrymali dopusk biełaruskich i rasijskich atletaŭ na Hulni-2024 ŭ niejtralnym statusie
