Znajści
Ałharytmičny łacinski varyjant
08.12.2023 / 12:464RusŁacBieł

MUS pachvaliŭsia, što Interpał adnaŭlaje supracu ź Biełaruśsiu. Jakija jość vypadki vydačy hramadzian za apošni čas?

Złodziei, narkahandlary, arhanizatar niezakonnaj mihracyi i złačyncy Druhoj suśvietnaj u poli zroku biełaruskaha biuro Interpała. Niekatorymi padrabiaznaściami raboty padzialilisia jaho supracoŭniki.

Fota: Rafael Henrique/SOPA Images/LightRocket via Getty Images)

Kiraŭnik biuro Interpała ŭ Biełarusi pałkoŭnik Dźmitryj Miadźviedzieŭ zajaviŭ, što šerah krain Jeŭrasajuza adnaŭlajuć supracoŭnictva ź Biełaruśsiu, jakoje było pastaŭlenaje na paŭzu ŭ 2021 hodzie, i pryvioŭ niekalki prykładaŭ supracy z roznymi krainami za apošni čas. Intervju ź im było apublikavanaje haziecie «Na stražie»

Schavałasia ŭ Namibii

Pa słovach Miadźviedzieva, u 2021 hodzie atrymałasia vyjści na śled žančyny, jakaja naniesła značnuju škodu adnamu z pradpryjemstvaŭ Biełarusi. Na praciahu amal 15 hadoŭ jana paśpiachova chavałasia, pakul jaje nie znajšli ŭ Namibii. Pry sadziejničańni afrykanskich kaleh fihurantku zatrymali za niekalki miesiacaŭ da skančeńnia terminu daŭnaści, jaki isnuje pa ździejśnienym joj złačynstvie. Supracoŭniki biełaruskaha interpała praviali praceduru jaje ekstradycyi.

Narkahandlary ŭ Ispanii

U 2021 hodzie biełaruskija apieratyŭniki atrymali infarmacyju pra hrupu narkahandlaroŭ, jakaja dziejničaje na terytoryi Ispanii. Pry sadziejničańni nacyjanalnych biuro abiedźviuch krain była praviedziena apieracyja «Majak». U vyniku byli zatrymanyja try hramadzianina Litvy i dva biełarusy. U ich było kanfiskavana bolš za 200 kiłahramaŭ marychuany.

Arhanizatar nielehalnaj mihracyi

Tak u listapadzie 2023 hoda ad češskaha boku pastupiła infarmacyja ab zatrymańni hramadzianina Biełarusi, jaki znachodziŭsia ŭ mižnarodnym vyšuku. Hety čałaviek abvinavačvajecca ŭ sadziejničańni nielehalnamu vyjezdu zamiežnikaŭ u krainy ES. Ciapier vyrašajecca pytańnie ab jaho ekstradycyi.

Hienacyd biełaruskaha naroda

Raskazaŭ Miadźviedzieŭ i pra viadzieńnie spravy ab «hienacydzie biełaruskaha naroda ŭ hady Vialikaj Ajčynnaj vajny». Pa jaho słovach, sadziejničańnie ŭ joj akazvajuć pravaachoŭniki Aŭstralii, Hiermanii i Kanady. Ale zboru infarmacyi pieraškadžajuć dźvie abstaviny: vykarystańnie falšyvych dakumientaŭ i śmierć abvinavačvanych.

Prastytutka pa prymusie

Zdarajecca, što supracoŭniki biełaruskaha Interpała łoviać nie tolki złačyncaŭ, ale i dapamahajuć ludziam, jakija patrapili ŭ ich ruki. Jak raspaviadajecca ŭ inšym materyjale vydańnia, piać hadoŭ nazad apieratyŭniki adhuknulisia na zvarot minčanina z prośbaj dapamahčy jaho žoncy.

Žančyna palacieła na Paŭnočny Kipr pracavać tancoŭščycaj u kłubie, jale tam jaje prymusili zajmacca prastytucyjaj. Pa prośbie Biełarusi miascovaja palicyja zmahła zabrać minčanku z kłuba i adpraviła samalotam dachaty.

Čytajcie jašče:

Z Namibii departavali biełarusku, asudžanuju ŭ svoj čas za machinacyi z palivam

Janukoviča padali ŭ vyšuk u Interpoł

NAU pieradało ŭ Mižnarodny kryminalny sud dadatkovyja dakumienty, datyčnyja vyvazu ŭ Biełaruś ukrainskich dziaciej

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Andruś/adkazać/
08.12.2023
U Biełarusi adsutničaje spraviadlivy sud. U miescach niesvabody aktyŭna ŭžyvajucca katavańni, biesčałaviečaje i prynižalnaje čałaviečuju hodnaść abychodžańnie. Zafiksavanyja vypadki śmierciaŭ va ŭstanovach pienitencyjarnaj sistemy. Viadomaja vialikaja kolkaść vypadkaŭ, kali na palityčnych praciŭnikaŭ isnujučaj ułady fabrykavalisia kryminalnyja spravy z abvinavačvańniami ŭ ahulnakryminalnych złačynstvach. Sudy pravodziacca ŭ zakrytym režymie. Usich sudździaŭ pryznačaje asabista svaimi ukazami hramadzianin łukašenka, jaki niezakonna pry dapamozie siłavikoŭ zachapiŭ i ŭtrymlivaje ŭładu. Kolkaść tolki aficyna pryznanych palitviaźniami ludziej trymajecca kala adznaki 1500 čałaviek pry tym, što mnohija palitźniavolenyja ŭžo vyzvalilisia, całkam adbyŭšy terminy palityčna matyvavanych prysudaŭ. I pry hetym Interpoł adnaŭlaje supracu z takim režymam?
OSC i APK pavinny zrabić terminovyja zachady, kab nie dapuścić hetaha. 
0
Kiek/adkazać/
08.12.2023
Čarhovyja zapałochvańni ad siłavikoŭ. Nie viadziciesia
0
Sierb/adkazać/
08.12.2023
Eto niepravda. Intierpoł ostanovił rabotu s łukašienkovskimi MVD. Puhajut, čto ekstradirujut. Političieskich, ludiej, otkazavšichsia słužiť v vojskach priestupnoho łukašizma NIKOHDA nie viernut.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera