Znajści
Ałharytmičny łacinski varyjant
30.11.2023 / 23:564RusŁacBieł

Załataja śmiatana i deficytny sieladziec: pa kolki biełaruskija pradukty pradajuć u Emiratach

Śviežuju biełaruskuju śmiatanu, tvaroh i šmat usiaho inšaha možna kupić navat u samych addalenych kutkach Ziamli. Ale za takoje zadavalnieńnie pryjdziecca niamała zapłacić. Vydańnie Tochka.by daviedałasia, kolki ajčynnyja pradukty kaštujuć u arabskim Dubai.

 Fota: Tochka.by

Tvaroh i śmiatana

Papularnaja i ŭ našych krajach śmiatana «Brest-Litoŭsk» ad «Savuškina» ŭ abjomie 180 h i tłustaściu 15% u adnoj z kramaŭ Dubaja kaštuje 12,5 dyrchama. Pa kursie biełaruskaha Nacyjanalnaha banka na momant napisańnia tekstu heta 10,55 rubla.

Fota: Tochka.by

U Biełarusi takaja samaja śmiatana kaštuje 1,36 rubla, naprykład, u kramie «Ałmi». Heta značyć, roźnica ŭ canie amal vaśmirazovaja.

Niatannym u AAE budzie i tvaroh ad «Savuškina». Kłasičny ŭ ŭpakoŭcy 300 h i tłustaściu 1% kaštuje 23,95 dyrchama. Heta na biełaruskija rubli 20,21.

Fota: Tochka.by

U Minsku pačak takoha samaha tvarahu kaštuje 2,75 rubla.

Ziarniony tvaroh z roznymi napaŭnialnikami ad «Savuškina» ŭ AAE pradajuć pa 9,45 dyrchama, heta značyć amal za 8 rubloŭ.

Fota: Tochka.by

U nas taki samy pradukt na palicy supiermarkieta jość za 1,34 rubla. A byvaje i tańniejšy.

Pa kolki syr

Jak nakont tvarožnaha pavietranaha syru SVEŽA? Pahladzieŭšy na ceny, jaho ŭžo i nie chočacca.

Fota: Tochka.by

Kaštuje słoičak praduktu z vodaram hryboŭ i vahoj 150 h 14,7 dyrchama, heta 12,4 rubla. U minskim hipiermarkiecie Green taki pradukt pradajecca pa 3,94 rubla. Roźnica bolš čym u try razy.

Znajšli i sałatny syr SVEŽA z pravanskaj travoj. Jon, darečy, na akcyi.

Fota: Tochka.by

Dyk voś, cana jaho — amal 20 dyrchamaŭ, heta značyć kala 17 rubloŭ. Sa źnižkaj atrymajecca dzieści 13 rubloŭ. U biełaruskich supiermarkietach taki tavar taksama časta byvaje na akcyjach, jahony košt — u rajonie 3,5 rubla.

Biełaruskija ikra i ryba

Biez prablem u Dubai možna znajści pradukcyju bresckaha vytvorcy «Bremar».

Fota: Tochka.by

Da prykładu, padvendžanuju stronhu, marynavanuju marskuju kapustu, słabasalonaje file sieladca, pastu z morapraduktaŭ, a taksama ikru.

Kłasičnaje file sieladca «Macijas» vahoj 250 h pradajuć pa 18,9 dyrchama (amal 16 rubloŭ). U Minsku taki pradukt realizujecca pa 3,9 rubla.

Fota: Tochka.by

Padvendžanaja stronha «Bremar» u vakuumnaj upakoŭcy i vahoj 200 h u Dubai kaštuje 47,25 dyrchama, a heta, miž inšym, amal 40 rubloŭ!

Fota: Tochka.by

U Biełarusi takoj rybie krasnaja cana 15 rubloŭ.

Japonskaja sałata «Čuka» (150 h) z Bresta dajechała ŭ AAE biez prablem i pry hetym šmatkroć vyrasła ŭ canie.

Fota: Tochka.by

Tam jana kaštuje ŭ pieravodzie na biełaruskija hrošy 12,5 rubla. A ŭ mienskich kramach — 3,20 rubla.

Nu, i ŭrešcie možna acanić ikru. Nie čyrvonuju, a mintaja.

Fota: Tochka.by

U Biełarusi blašanka kaštuje 3,59 rubla. A ŭ kramie pasiarod pustyni — 12,5 rubla. Amal jak čyrvonaja!

Zrešty, vysokija ceny ŭ Dubai apraŭdanyja vialikim łahistyčnym plačom i darahoŭlaj žyćcia ŭ AAE. A kali hetaja pradukcyja tudy vozicca i pradajecca pa takoj canie — to, treba dumać, niechta jaje tam i kuplaje.

Čytajcie taksama:

Łukašenka palacieŭ u AAE 

«Ni syru niama, ni da syru niama». Biełarusy raskazali, jak źmianiła ich žyćcio ŭviadzieńnie embarha na tavary z «niedružalubnych» krain

«Plažy pustyja, vada — jak u ciopłaj vańnie». Jak biełarusy sioleta biez pucioŭki adpačyli ŭ Emiratach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
7
Ха-ха
3
Ого
5
Сумна
4
Абуральна
4
0
Tprrruu/adkazać/
01.12.2023
Šosik, v Polšie diešievle, v Litvie tožie. Ili eto nie Jevropa ? Tak i v Hiermanii diešievle, v Lidle. Tak čto "zamotaj bajan", virtuoz.
1
Litva i Polša cie Jevropa no daleko nie vsia/adkazać/
01.12.2023
Tprrruu, možiet tohda užie nazoviotie cieny v Šviejcarii, Danii, Norviehii, Nidierłandach i Luksiemburhie ?
0
Tprrruu/adkazać/
01.12.2023
V Luksiemburhie i Šviejcarii ? A v Monte Karło i Monako nie intieriesujet ?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera