Znajści
Ałharytmičny łacinski varyjant
30.11.2023 / 15:1614RusŁacBieł

«I ŭsio ž vyrašyć kadravaje pytańnie pakul nie atrymoŭvajecca». Jak u Baranavičach šukali kadry dla pradpryjemstvaŭ

Bujnuju naradu zładzili ŭ harvykankamie Baranavičaŭ z nahody deficytu kadraŭ u ekanomicy horada. Voś što vyrašyli.

Narada ŭ Baranavickim harvykankamie. Usie fota: «Naš kraj»

«Hetym razam atrymaŭsia kanstruktyŭny i sapraŭdy karysny dla ŭsich bakoŭ dyjałoh. U pieršuju čarhu tamu, što tema padrychtoŭki kadraŭ, pryciahnieńnia maładych śpiecyjalistaŭ i pracaŭnikoŭ na pradpryjemstvy siońnia vielmi aktualnaja», — piša «Naš kraj».

Adkryvajučy naradu, pavodle vydańnia, staršynia harvykankama Michaił Bacenka adznačyŭ, što siońnia niama čarhi pierad zavadskimi prachadnymi, asabliva z kvalifikavanych rabočych i śpiecyjalistaŭ. Tamu kožnamu kiraŭniku nieabchodna dumać nad tym, jak pryciahnuć pracaŭnikoŭ na svajo pradpryjemstva.

Jak piša vydańnie, «pytańni kadravaj palityki ŭ horadzie na asablivym kantroli nie pieršy dzień».

Tak, u žniŭni jaho abmiarkoŭvali na pasiadžeńni vykankama z udziełam pamočnika Łukašenki — inśpiektara pa Bresckaj vobłaści Valeryja Vakulčyka.

Pytańni padrychtoŭki kadraŭ abmiarkoŭvalisia i padčas vizitu ŭ horad vice-premjera Ihara Pietryšenki.

— U horadzie rehularna pravodziacca kirmašy vakansij, u tym liku ŭ elektronnym farmacie, infarmacyja ab vakansijach raźmiaščajecca na śpiecyjalizavanych sajtach, u haziecie, na radyjo i telebačańni, — raspaviała čynoŭnica harvykankama Taćciana Čylik. — Infarmacyja ab vakansijach raźmiaščajecca navat na žyroŭkach. A na Baranavickim stankabudaŭničym zavodzie, naprykład, ukaraniona pałažeńnie ab premiravańni rabotnikaŭ za sadziejničańnie ŭ pryjomie piersanału «Pryviadzi siabra — atrymaj bonus». 

«I ŭsio ž vyrašyć kadravaje pytańnie pakul nie atrymoŭvajecca», — kanstatuje rajonka.

Na ciapierašni momant u horadzie jość 2800 vakansij, pry hetym aficyjna zarehistravana tolki 98 biespracoŭnych, ahučyli na naradzie.

Horad maje patrebu ŭ śpiecyjalistach samych roznych halin ekanomiki.

— Horad maje patrebu ŭ daktarach roznych napramkaŭ, u piedahohach, trenierach pa sporcie, kiroŭcach, ślesarach roznych napramkaŭ, tokarach, apieratarach stankoŭ z prahramnym kiravańniem i ŭ mnohich inšych śpiecyjalistach, — adznačyła Taćciana Čylik.

Mnohija vakansii nie ŭdajecca zakryć dastatkova doŭhi čas, skazała jana.

Pryčyny takoha deficytu, na dumku čynoŭnikaŭ, u tym, što maładyja ludzi nie chočuć iści na pradpryjemstvy.

«Navučency kaledža śfiery absłuhoŭvańnia, jakija navučajucca pa prafiesijach abutnika i cyrulnika-vizažysta, užo pry pieršym naviedvańni pradpryjemstva zajaŭlajuć, što pracavać na vytvorčaści nie źbirajucca, a ŭsie chočuć stać stylistami-vizažystami», — raspaviali na naradzie.

— Dzieciam treba tłumačyć, što na vytvorčaści možna zarabić bolš, čym cyrulnikam, — padkazaŭ staršynia vykankama Michaił Bacenka. — Pry tym, što cyrulnik pavinien uvieś pracoŭny dzień pravieści na nahach: kali chtości dumaje, što heta vielmi prosta, to pamylajecca.

Adrazu niekalki kiraŭnikoŭ adznačyli, što daloka nie ŭsie prafiesijnyja kaledžy zdolnyja padrychtavać vysakakłasnych pracoŭnych jašče i tamu, što tamaka niama novych stankoŭ, na jakich i pavinna pravodzicca navučańnie, piša rajonka. Dyrektar kaledža mašynabudaŭnikoŭ Ihar Sibiraŭ pryznaŭ, što stankoŭ z prahramnym zabieśpiačeńniem, jakija siońnia pracujuć na ŭsich haradskich pradpryjemstvach, u ich niama: 

— Dva nieabchodnyja nam stanki kaštujuć kala 360 tysiač, sami kupić takoje abstalavańnie my nie možam. Kožny hod padajom zajaŭku na ich nabyćcio ŭ Ministerstva adukacyi, ale pakul što čarha da nas nie dajšła. 

Siarhiej Hierasimčyk, dyrektar «Handalmaša», tut ža vystupiŭ ź inicyjatyvaj: 

— Dyk davajcie skiniemsia, usie kiraŭniki pradpryjemstvaŭ, i kupim hetyja stanki. Heta ž u našych z vami intaresach. 

«Inicyjatyvu kiraŭniki padtrymali. A heta značyć, što siońnia jany na spravie pakazvajuć svaju zacikaŭlenaść u padrychtoŭcy kadraŭ. I heta daje nadzieju na toje, što kadravy hoład budzie spatoleny», — piša «Naš kraj».

Pra masavuju emihracyju praz hvałt i represii ŭ krainie na naradzie, padobna, nie zhadvali, jak i pra zabaronu na prafiesiju dla ludziej ź inšymi palityčnymi pohladami.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
5
Ха-ха
28
Ого
0
Сумна
2
Абуральна
4
0
Symon/adkazać/
30.11.2023
Dzieciam treba tłumačyć, što na vytvorčaści možna zarabić bolš, čym cyrulnikam, — padkazaŭ staršynia vykankama Michaił Bacenka

Lepš za ŭsio heta tłumačać ličby zarobkaŭ, a nie mantry čynuš

Dva nieabchodnyja nam stanki kaštujuć kala 360 tysiač, sami kupić takoje abstalavańnie my nie možam. Kožny hod padajom zajaŭku na ich nabyćcio ŭ Ministerstva adukacyi, ale pakul što čarha da nas nie dajšła.


Billiant! Adrazu ŭźnikaje pytańnie - navošta tady ŭvohule isnuje hety koledž? Marnuje čas u čakańni hrošaŭ z MA? Heta prykładna toje ž, jak sprabavać padrychtavać sučasnaha kanstruktara praz navučeńnie čarčeńniu na kulmanie, bo hrošaŭ na kampjutary, soft i vysokija zarobki nastaŭnikam, jakija vałodajuć prafiesijnymi CAD - niama. Vybačajcie, ale ŭsio źjeli zarobki AMAPu.
1
Piatruś/adkazać/
30.11.2023
"Ty rabotaj duračok, my dadim tiebie značok" (c). Nie hotov rabotať na eti roži i da 1500 r. v miesiac čistymi.
0
niebłandynka/adkazać/
30.11.2023
dzie? za joj sprava zdarovy błandyn z začosam... a vy šałun)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930