Znajści
Ałharytmičny łacinski varyjant
01.12.2023 / 21:569RusŁacBieł

Jak časta treba mianiać ručnik?

Ručnik, jakim vy karystajeciesia paśla duša, nie taki čysty, jak vy dumajecie. Bakteryi i mikroby paŭsiul.

Ilustracyjnaje fota: AP Photo/Thibault Camus

Dla mnohich ludziej štotydniovaja zamiena ručnikoŭ norma. Vy ž całkam čysty/-aja paśla pryjemnaha, haračaha duša — to ž i vaš ručnik pavinien być takim niekatory čas, tak ža ž? Niahledziačy na ​​toje, što vaša cieła adčuvaje siabie cudoŭna śviežym, zvyčajny ručnik źbiraje dziasiatki miljonaŭ miortvych kletak skury razam ź lubymi hrybkami i bakteryjami, jakija zdoleli pieražyć razam z vami myćcio. A pakolki pałavyja orhany taksama ŭstupajuć u kantakt z ručnikami, to i vydzialeńni arhanizma taksama mohuć chutka pieranosicca na ručnik.

Voś jašče trochi soli na ranu: časta ŭ vannych pakojach unitaz znachodzicca nie tak daloka ad duša, i viadoma, što kropli tualetnaj vady pry zmyvańni mohuć pyrskać davoli vysoka i daloka, staviačy pad pahrozu ŭ tym liku i vaš vilhotny ručnik.

Kali ž kazać pra vilhotnaść, jakaja vidavočna častaja źjava ŭ vannym pakoi, to treba pamiatać, što ŭ kožny momant, kali ručnik nie sušycca, mikroby bieśpierapynna razmnažajucca. Vilhotnaja atmaśfiera prosta idealnaja dla stymulavańnia rostu ćvili i inšych niepažadanych rečyvaŭ.

Na ščaście, dohlad i absłuhoŭvańnie ručnikoŭ — zusim nie jadziernaja fizika. Ekśpierty rekamiendujuć viešać ručnik takim čynam, kab jon moh całkam vysachnuć (heta značyć nie pakidać jaho mokrym na kaflanaj padłozie i nie viešać jaho ŭ skamiačanym vyhladzie).

Taksama spryjajcie cyrkulacyi pavietra i bolš chutkamu vysychańniu, adčyniajučy akno abo ŭklučajučy vyciažku ŭ vannaj. Kali ŭ niejki momant ručnik pačynaje pachnuć — heta vidavočna nie naturalny vodar ručnika, a ćvil; i ručnik abaviazkova treba paprać.

Navat kali vy vykonvajecie ŭsie hetyja kroki, nie karystajciesia adnym i tym ža ručnikom bolš za try razy. Abaviazkova vykarystoŭvajcie ciopłuju abo haračuju vadu z myjnym srodkam, kali myjecie ručnik, pažadana z adbielvalnikam.

Z kuchonnymi ručnikami asobnaja historyja. Jany mohuć ustupać u kantakt ź niekatorymi davoli padstupnymi bakteryjami, naprykład, kišačnaj pałačkaj. Vydańnie Howstuffworks raić paśla kožnaha vykarystańnia prać ich u mašynie (kali heta mahčyma, z antybakteryjnaj abo dezynfikujučaj prahramaj) abo, pa mienšaj miery, apuskać ručniki pamiž vykarystańniami ŭ raźviedzieny rosčyn adbielvalnika i davać im prasochnuć.

Čytajcie taksama:

Ci zakryvać unitaz pierad zmyvańniem? Navukoŭcy dali kančatkovy adkaz

Jak časta treba mianiać praścinu? Ekśpierty kažuć, što ad hetaha zaležyć vaša zdaroŭje

Što takoje «sindrom smažanaha rysu»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
7
Ха-ха
3
Ого
6
Сумна
1
Абуральна
2
1
Janina/adkazać/
02.12.2023
Uład, Tak. A ŭ biełaruskaj movie, jak viadoma, pieravažaje fanietyčny pryncyp u arfahrafii
1
Hihijenist/adkazać/
02.12.2023
Usio słušna. Ale biełarusy, jakija adsiadzieli ci siadziać u pierapoŭnienych kamierach biez ručnikoŭ, myła i tualetnaj papiery, tolki horka ŭśmichnucca.
0
a.hto.tam.idze/adkazać/
03.12.2023
Janina, U subotu Janka jechaŭ la raki, Pad viarboj Alona myła ručniki. - Pakažy, Alena, brody ziemlaku, Dzie tut pierajechać na kani raku. - Adčapisia, chłopiec, jedź aby-kudy, Nie muci mnie tolki čystaje vady. Ŭ markoci Janka hałavoj panik, Upusciła dzieŭka bieleńkij ručnik. - Janka, moj sakolik, pamažy kutčej, Choč płyvie, znikaje ručničok z vačej. - Lubaja Alona, ja ž vady bajuś. Pacałuj spačatku, bo ja utapluś. Supyniŭsia hniedyj pad viarboj hustoj, Całavała Janku Lena nad rakoj. Stała cycha-cycha na usioj ziamli... Pa race daloka ručniki płyli.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930