Znajści
Ałharytmičny łacinski varyjant
29.11.2023 / 14:013RusŁacBieł

Aŭtobusy spynilisia, ludziam razdajuć šufli: nastupstvy niepahadzi ŭ Minsku

Dvary prybirajuć 130 adzinak techniki i 1800 rabotnikaŭ.

U Minsku z samaj ranicy padniaŭsia viecier i pajšoŭ śnieh. Nastupstvy ciažkich umoŭ nadvorja nie prymusili siabie čakać, piša Tochka.by.

Zaviruchi supravadžajuć biełarusaŭ užo amal tydzień. Pieršaja vialikaja miacielica prajšła ŭ čaćvier, 23 listapada. Tady jaje nastupstvy likvidavali pa ŭsioj krainie.

Hramadski transpart

U cełym ruch arhanizavany, ale na niekatorych učastkach usio nie tak dobra. Minsktrans paviedamlaje, što tralejbusy № 7, 38, 77 na vuł. Pančanki spynili ruch. Taksama aŭtobusy № 17, 42, 50S, 121, 140 nie mahli prajechać u napramku vuł. Sucharaŭskaj.

Prablemnymi miescami stali vuł. Pimiena Pančanki, Mazurava, Skrypnikava, Adzincova, Jakuboŭskaha.

Ruch pa maršrutach adnavili ŭ 09:28.

Pakul na vuł. Sucharaŭskaj spynieny ruch tralejbusa № 38. Jon jedzie ŭ abychod pa vuł. Łabanka i Šaranhoviča. Ruch tam byŭ adnoŭleny.

Stoparylisia aŭtobusy i tralejbusy na vulicach Rusijanava, Majakoŭskaha, Ałtajskaj i Bajkalskaj.

Prybirańnie terytoryj

U minskich dvarach pracuje 131 adzinka techniki, u tym liku 22-małahabarytnaj, i 1,8 tys. rabotnikaŭ. Na darohi vysypali bolš za 21,7 tony piasčana-salanoj sumiesi.

Taksama ŽKH Minska arhanizavała vydaču invientaru dla prybirańnia terytoryi. Aŭtamabilistaŭ zaklikali prybrać prajeznuju častku ad śniehu na adlehłaści nie mienšaj za adzin mietr vakoł svajoj mašyny.

Da 12 hadziny dnia na darohi byli vyviedzieny jašče 23 adzinki techniki i bolš za 300 rabotnikaŭ. Salana-piasčanaj sumiesi patracili amal 40 ton.

Płan «Nadvorje»

Minskaje DAI rekamienduje piešachodam uvažliva pierachodzić darohu i nasić śviatłoadbivalnyja elemienty praź nizkuju bačnaść.

Kiroŭcam varta jeździć vielmi akuratna — vybirać chutkaść, trymać dystancyju i nie ździajśniać biez patreby manieŭraŭ.

Zrešty, u viedamstvie ličać, što lepiej naohuł nie karystacca asabistymi aŭto, a pierasadžvacca na hramadski transpart.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
5
Ха-ха
3
Ого
4
Сумна
5
Абуральна
3
1
Žvir/adkazać/
29.11.2023
Cha! A jak vy chacieli ? Ja ŭčora, da samaha viečara, chatu adkopvaŭ i darohu da jaje. Siońnia mašynu adkapaŭ, ale kudy na joj sunieśsia pa takich darohach ? Zahnaŭ u haraž. Pa-usim vidać, što zaŭtra praceduru daviadziecca paŭtaryć, bo na noč iznoŭ abiacajuć śniežnyja zaviei. Naładziŭ łyžy, bo biaź ich da bližejšaj kramy dźvie hadziny ciahnucca treba. Nu, a na łyžach značna šparčej atrymlivajecca, tolki škłotaru ŭ zaplečnik treba dobra ŭkładvać, kab nie pataŭkła adno adnu.
0
Žyvie viečna!/adkazać/
29.11.2023
Miacielica z narodam! Žyvie Biełaruś!
0
Josik/adkazać/
29.11.2023
Rydloŭki im dali. Chto ŭ redakcyi vyrašyŭ pałovu biełaruskich słoŭ zamianić rasiejskimi?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930