Znajści
Ałharytmičny łacinski varyjant
28.11.2023 / 11:381RusŁacBieł

Łukašenka sustreŭsia ź vice-prezidentam Vieniesueły

«Za minułyja hady ŭ śviecie adbylisia značnyja źmieny. Adna z asnoŭnych i jarkich padziej — vašy suvierenitet i niezaležnaść».

«Za minułyja hady ŭ śviecie adbylisia značnyja źmieny. Adna z asnoŭnych i jarkich padziej — vašy suvierenitet i niezaležnaść. Vy małajcy, vy adstajali krainu. Vy supraćstajali ŭsim i vystajali», — zajaviŭ Alaksandr Łukašenka na sustrečy ź vice-prezidentam Vieniesueły ŭ pytańniach płanavańnia, ministram płanavańnia Rykarda Mieniendesam, piša BiełTA.

Jon padkreśliŭ, što Vieniesueła siońnia maje najvialikšuju pavahu va ŭsim śviecie za mužnaść i stojkaść u adstojvańni suvierenitetu i niezaležnaści.

Nasamreč Nikałas Madura, jaki zastupiŭ na pasadu prezidenta ŭ 2013 hodzie paśla śmierci Čaviesa, niahledziačy na palityčny kryzis i ekanamičnyja prablemy, zdoleŭ zachavać uładu. Lidar apazicyi Chuan Huajdo, jakoha pryznali prezidentam ZŠA i krainy Jeŭropy, zastaŭsia faktyčna ni z čym.

Maryja Karyna Mačada sa svaimi dziećmi na cyrymonii prajmieryz u Karakasie 26 kastryčnika 2023 hoda. Fota: Ariana Cubillos / AP

Ale ŭ 2024-m u Vieniesuele — novyja prezidenckija vybary. 22 kastryčnika tam prajšli prajmieryz. Pieršapačatkova płanavałasia, što ŭ ich buduć udzielničać 13 kandydataŭ. Ź viadomych imionaŭ — Enrykie Kapryles, jaki na vybarach-2013 sastupiŭ Maduru 1,5%. Ale ŭ vyniku try kandydaty adzin za adnym admovilisia ad svaich ambicyj na karyść adnaho čałavieka — 55-hadovaj Maryi Karyny Mačada, jakaja z samaha pačatku ličyłasia favarytkaj. Jana ž i pieramahła na prajmieryz, piša «Mieduza».

Pavodle apytańnia kampanii ORC, 41,2% vieniesuelcaŭ ličać jaje lidarkaj apazicyi. A adrazu 47,2% hatovyja padtrymać Mačada na prezidenckich vybarach, a Madura moža raźličvać tolki na 13,5%.

Maryja Karyna nikoli nie była na pieršych rolach u apazicyi, ale viadomaja ŭ krainie daŭno. Jašče ŭ 1992 hodzie jana zasnavała fond «Afina», jaki źbiraje achviaravańni biednym vieniesuelskim dzieciam. U 2005 hodzie pradstaŭlała vieniesuelskuju hramadzianskuju supolnaść na sustrečy z prezidentam ZŠA Džordžam Bušam — małodšym, za što na radzimie jaje adrazu ž zaklajmili «maryjanietkaj CRU». A ŭ 2011-m jana stała deputatkaj i pačała zarablać reputacyju «žaleznaj łedzi vieniesuelskaj apazicyi».

Mačada sapraŭdy pradstaŭlaje najbolš radykalnaje kryło praciŭnikaŭ Madury. Jany ličać: pieramovy z režymam biessensoŭnyja, a adziny sposab razburyć jaho — heta hramadzianskaje niepadparadkavańnie.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
2
Ха-ха
3
Ого
2
Сумна
1
Абуральна
0
0
Jazep/adkazać/
28.11.2023
Nia hledziačy na elektaralnuju pieramohu Huajdo nia zdoleŭ atrymać kantrol nad krainaj praz toje, što ŭ Madura zastavałasia istotnaja padtrymka ŭ hramadstvie (nie našmat mienš za pałovu) + padtrymka siłavikoŭ. Ale stan u krainie pad čas niezakonnaha kiraŭnictva Madury niaspynna paharšaŭsia, tamu i hramadskaja padtrymka čavistaŭ źmianšałasia. Tamu zastajucca dva varyjanty:
- Mačada pierakulvajučy pieramahaje i čavisty sychodziać u apazicyju
- Mačada pierakulvajučy pieramahaje, ale čavisty brutalna zachaplajuć ŭładu i kančatkova pieratvarajucca ŭ chuntu, navat bolš žorstkuju čym u Biełarusi, bo vonkavaj padtrymcy im čakać niama adkul.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930