Znajści
Ałharytmičny łacinski varyjant
26.11.2023 / 22:23RusŁacBieł

«Nas kantrabandaj pieravieźli ŭ Biełaruś». Mihranty na miažy ź Finlandyjaj raspaviali, jak jany tudy trapili

Finskaje vydańnie Yle parazmaŭlała ź niekalkimi nielehalnymi mihrantami, jakija namahalisia trapić u Jeŭrasajuz z Rasii praź Finlandyju. Tyja adznačyli, što mnohija z-za adsutnaści pośpiechu na biełaruskim napramku ciapier jeduć adtul na finskuju miažu dziela ŭdačy.

Mihranty, jakija nielehalna trapili ŭ Finlandyju. Fota: skrynšot videa finskaha vydańnia Yle.

Maajad Sałami, Rajan Ałcharyry i Kamal Tavił źjaŭlajucca mihrantami ź Blizkaha Uchodu, jakija dniami nielehalna pierajšli rasijska-finskuju miažu i potym paprasili prytułku ŭ Finlandyi. 

Siryjec Maajad Sałami raspavioŭ, što niadaŭna ŭ sacsietkach «stała aktyŭna rekłamavacca mahčymaść patrapić u Jeŭrasajuz praź Finlandyju» i tamu jon sumiesna ź inšymi piaćciu mihrantami pryjechaŭ u Sankt-Pieciarburh, adkul da finskaj miažy ich pavinien byŭ dastavić kantrabandyst.

«Kantrabandyst skazaŭ nam, što pierajezd z Sankt-Pieciarburha da finskaj miažy arhanizavany rasijskimi vajskoŭcami. Nam za 100 dalaraŭ zamovili dva taksi «Jandeks» i dastavili bližej da miažy. 

Tam byli niejkija rasijskija aficery i śledčyja, chto pravodziŭ naš dopyt. Nam anulavali ŭsie vizy, zabrali ŭsie pašparty, telefony i hrošy, a zatym praz 7-8 hadzin stajańnia na marozie vydali rovary dla pierasiačeńnia miažy i zabaranili viartacca ŭ Rasiju. Taksama skazali, što kali Finlandyja całkam zakryje miažu, to ŭsich mihrantaŭ pieranakirujuć na Narviehiju, Estoniju ci Litvu», — apisaŭ svaje ŭspaminy Maajad Sałami.

Jon dadaŭ, što ciapier u Rasii šmat mihrantaŭ, jakija biespaśpiachova sprabavali trapić ź Biełarusi ŭ Łatviju, Litvu ci Polšču. Pa słovach siryjca, tema aktyŭna abmiarkoŭvałasia ŭ Telegram, Facebook i inšych sacyjalnych sietkach.

«Ciapier idzie vielizarnaja kolkaść razmoŭ pra toje, jakija finskija pamiežnyja pasty zakrytyja, a jakija dahetul adkrytyja», — skazaŭ Sałami.

Toje ž samaje paćvierdziŭ jašče adzin siryjec Rajan Ałcharyry, jaki sam niekalki raz biespaśpiachova sprabavaŭ trapić praź Biełaruś ŭ Polšču i Łatviju. Jon padzialiŭsia z vydańniem Yle padrabiaznaściami svajho šlachu ź Siryi ŭ Finlandyju praź Biełaruś.

«Ja pakinuŭ Siryju i adpraviŭsia ŭ Biejrut (Livan), adtul palacieŭ u Abu-Dabi (AAE), zatym u maskoŭski aeraport Šaramiećcieva. Tam nas kantrabandaj pieravieźli ŭ Biełaruś, dzie ja niekalki razoŭ biespaśpiachova sprabavaŭ patrapić u Polšču i Łatviju. 

Ale potym my ŭbačyli ŭ Telegram, što finskaja miaža adkrytaja dla tych mihrantaŭ, jakija znachodziacca ŭ Biełarusi. My ź inšymi mihrantami pryjechali ŭ Sankt-Pieciarburh, adkul nas na taksi padvieźli da finskaj miažy, dzie rasijskija vajskoŭcy zabrali našyja telefony, pašparty i hrošy. Uzamien vydali rovary i skazali jechać u Finlandyju», — apisaŭ svoj šlach Ałcharyry.

Šlach Rajana Ałcharyry ź Siryi ŭ Finlandyju praź Livan, AAE, Rasiju, Biełaruś i znoŭ praz Rasiju. Fota: skrynšot videa finskaha vydańnia Yle.

Treci mihrant Kamal Tavił taksama skazaŭ, što u jaho hrupy na miažy zabrali ŭsie dakumienty i telefony. Ale, pa słovach Taviła, ich «vielmi doŭha pratrymali pad vartaj» rasijskija vajskoŭcy, a zatym mihrantam vydali rovary i zabaranili viartacca ŭ Rasiju.

Nahadajem, što Finlandyja zakryła amal usie pamiežnyja pierachody na miažy z Rasijaj, pakinuŭšy tolki adzin na poŭnačy krainy. U krainu sprabujuć trapić mihranty u tym liku i ź biełaruskimi vizami.

Raniej u pamiežnaj achovie Finlandyi adznačali, što miažu sprabujuć adnačasova pierasiekčy vialikija hrupy z 20-30 čałaviek z udaskanalenaj arhanizacyjaj, lepš abstalavanyja, čym raniej, i pavodziać jany siabie bolš upeŭniena, što «nahadvaje kryzis ź Biełaruśsiu».

Čytajcie taksama:

Estonija i Narviehija śledam za Finlandyjaj rychtujucca zakryć miažu z Rasijaj

Łukašenka pra nielehalnych mihrantaŭ: My nikoha tut łavić nie budziem

Mihranty pieranieśli asnoŭnuju aktyŭnaść na łatvijskuju miažu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
12
Ха-ха
7
Ого
1
Сумна
4
Абуральна
43
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930