Znajści
Ałharytmičny łacinski varyjant
26.11.2023 / 18:1242RusŁacBieł

«Dzieci stajali i płakali». Čarha pa sałdackuju kašu ŭ Homieli raściahnułasia na sotni mietraŭ, nie ŭsim chapiła

Siońnia ŭ Homieli adznačali 80-hodździe vyzvaleńnia ad niamiecka-fašysckich zachopnikaŭ. Adnym z samych masavych mierapryjemstvaŭ stała razdača sałdackaj kašy: čarha pa jaje raściahnułasia na sotni mietraŭ.

Skrynšot videa ŭ tyktoku galuny3003

Žančyna pad nikam galuny3003 apublikavała ŭ tyktoku videa horada na Sožam, na jakim bačna, jak šmat ludziej staić u čarzie dla taho, kab atrymać biaspłatnuju kašu. «Pahladzicie, jakaja kiłamietrovaja čarha staić pa kašu, − kamientuje žančyna za kadram i, zdajecca, zachaplajecca hetym. — Ja taksama zaniała čarhu chacia b dla taho, kab źniać usio heta. Tak, ciažkija hady. Voś tam u chvościku maja čarha».

Bačna, što ŭ čarzie šmat piensijanieraŭ, a taksama ludziej z maleńkimi dziećmi. Niekatoryja žančyny čakajuć kašu ź dziciačymi vazočkami. Błohierka idzie 23 siekundy i za hety čas nie paśpiavaje pakazać čarhu całkam: ale zrazumieła, što jana raściahnułasia na sotni mietraŭ.

@galuny3003#homielskajaobłasť✌️#biełaruś#biełaruś#žłobin♥️#homieltut#žłobin_biełaruś#biełaruś#biełaruś♬ orihinalnyj zvuk - Halinka

U nastupnym videa hamialčanka aburałasia tym, što piarłoŭki na ŭsich nie chapiła: «Arhanizatary, tyja, chto raskładvaŭ kašu, jany što, nie bačyli, što čarha doŭhaja, a kaša ŭžo zakančvajecca?! Jany ž mahli skazać, kab ludzi nie zajmali čarhu. Pierad nami zastavałasia litaralna try čałavieki, i ŭsio skončyłasia. Vielmi zasmucilisia mnohija dzieci. Prosta stajali i płakali».

@galuny3003#biełaruś#biełaruś#žłobin_biełaruś#homieltut#homielskajaobłasť✌️#homiel#biełaruś♬ orihinalnyj zvuk - Halinka

Žančyna taksama raskrytykavała niekatorych baćkoŭ, jakija, na jaje dumku, niapravilna adreahavali na situacyju: «Nie tłumačać mnohija baćki, što takoje Vialikaja Ajčynnaja vajna i košt hetaj kašy. Ja čuła takuju repliku: «Voś, takaja kiłamietrovaja čarha staić za piarłoŭkaj. Piarłoŭka što, u kramie skončyłasia?» Heta adkazała mama svajmu synu, jaki išoŭ i skazaŭ, što taksama choča hetuju kašu. Dyk voś, darosłyja, niaŭžo vy nie razumiejecie košt hetaj kašy? Reč ža nie ŭ piarłoŭcy zusim. Heta ž simvał inšaha. Navošta vy ŭvohule pryjšli na hetaje mierapryjemstva, kali vy nie razumiejecie sutnaści hetaha ŭsiaho?»

Čytajcie taksama:

Na płoščy 1000-hodździa Viciebska ŭstanoviać fłahštok «dla patryjatyčnaha ŭzbahačeńnia»

U Barysavie praviali rekanstrukcyju bajoŭ 1812 hoda

Biełaruskich školnikaŭ praviarajuć na «patryjatyzm»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
82
Ха-ха
36
Ого
3
Сумна
1
Абуральна
5
1
daviedka /adkazać/
27.11.2023
Jeŝio nie tak davno na takich mieroprijatijach massy kormili imienno hriečnievoj kašiej s tušionkoj.
0
Pan Usialan /adkazać/
27.11.2023
Sranyja raby... Jakoje maralnaje žabractva, stajać u čarzie pa kašu... Maralnaja dehradacyja idzie z apiaredžańnie hrafikaŭ ustalavanych tavaryšam PU. Jak niedzie raniej čytaŭ, navat kali ŭ Biełarusi zastaniecca pałova nasielnictva, to hetyja 4.5 miljony adbornych raboŭ kampiensujuć niastaču astatnich 4.5 miljonaŭ. Žyviolny suśviet, ludzi ŭžo nastolki zvyklisia z rabstvam, žabractvam i niastačaj usiaho, što stracili adčuvańnie rečaisnaści. Ja časam nie maju mocy ŭžo vieryć niekatorym navinami, nastolki nievierahodnymi jany źjaŭlajucca... Ale hetyja naviny akazvajucca tolki adlustravańniem dzikaj rečaisnaści, u jakoj ludzi ŭžo daŭno źviedzienyja na adzin uzrovień z žyviołaj... Niama słovaŭ...
0
Janka/adkazać/
27.11.2023
Kali łukašenkaŭskija prapahandysty vyrašyli imityjavać savieckuju žaŭnierskuju kašu časoŭ WW2, to adrazu ŭźnikaje pytańnie - a jakoje miasa jany tudy kłali (kali jano tam uvohule było)? I voś tut adrazu varta ŭzhadać, što ZŠA pieradali SSSR pa łend-lizu zvyš za 2 młrd. banak tušanaha miasa ahulnaj vahoj amal što 647 tys. tonaŭ. A ahulnaj vaha charčoŭ ad ZŠA skłała amal što 4,478 młn. tonaŭ. Pradukcyjnaść drenna miechanizvanaj savieckaj kałhasnaj sielskaj haspadarki i ŭ mirnyja časy była nievysokaj - što ŭžo havoryć pra vajennyja časy, kali sielskaja haspadarka faktyčna była pazbaŭlenaja mužčynskich ruk?

P.S.:Paśla skančeńnia WW2 SSSR spłaciŭ ZŠA tolki 7 adsotkaŭ srodkaŭ, stračanych ZŠA na pastaŭki ŭ SSSR.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930