Znajści
Ałharytmičny łacinski varyjant
26.11.2023 / 14:531RusŁacBieł

Minskaje «Dynama» stała čempijonam Biełarusi pa futbole

Minčanie čakali zołata 19 hadoŭ.

Pa vynikach matča babrujskaj «Biełšyny» i minskaha «Dynama», jaki prajšoŭ siońnia ŭ Babrujsku, minskaje «Dynama» daterminova stała čempijonami krainy. Vynik hulni — 4:0 na karyść «Dynama».

Minčanam było dastatkova zhulać z «Biełšynaj» uničyju, ale ž hulnia skončyłasia pieramohaj bieła-błakitnych.

Pieršy miač zabiŭ na 19-j chvilinie abaronca «Dynama» Alaksandr Sačyŭka, druhim u matčy adznačyŭsia Ivan Bachar na 48-j chvilinie. Chutka paśla hetaha, na 58-j chvilinie, Alaksiej Haŭryłovič davioŭ lik da razhromnaha — 3:0 na karyść minčan, a na 70-j zabiŭ dynamaŭski paŭabaronca Daniił Zoryn.

Takim čynam, u «Dynama» 66 ačkoŭ — niedasiahalnaja ličba dla ich bližejšaha pieraślednika, hrodnienskaha «Niomana». Hetaja kamanda ciapier maje 59 ačkoŭ. Minułaje čempijonstva bieła-błakitnych mieła miesca ŭ 2004-m.

Adznačym, što dynamaŭcam daŭno pradkazvali čempijonstva — jašče z vosieni 2021-ha, kali Alaksandr Łukašenka padčas adkryćcia stadyjona «Dynama-Juni» skazaŭ futbalistam: «U budučym hodzie vy pavinny być čempijonami. Vy pavinny ŭzvaruchnuć uvieś futboł». 

Ale ŭ 2022-m «Dynama» stała tolki čaćviortym, z-za čaho Łukašenka raskrytykavaŭ ministra sportu Siarhieja Kavalčuka. Tady ŭ spartovych kołach pajšli razmovy pra toje, što «Dynama» pažadaje vykanać zahad chacia b u 2023-m.

«Šachcior» i «Enierhietyk-BDU», jakija hod tamu abyšli bieła-błakitnych, sioleta stracili ački z-za ŭdziełu ŭ damoŭnych hulniach. Skład jašče adnaho kankurenta — BATE — mocna paciarpieŭ praz čornyja śpisy ad Kavalčuka, taksama kłub nie atrymaŭ podpisu pad płan raźvićcia kłuba, jaki dazvalaje atrymlivać hrošy ad dziaržpradpryjemstvaŭ. Inšyja kłuby vyšejšaj lihi taksama adčuvali na sabie dyskryminacyju, i ŭ vyniku daroha da dynamaŭskaha čempijonstva była adkrytaja.

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
1
Ха-ха
2
Ого
0
Сумна
2
Абуральна
3
1
The great and legendary/adkazać/
26.11.2023
A lepšy forvard Dynama minułaha hoda Ivan Bachar čamu byŭ vymušany źjechać u Izrail na pieršy kruh, ci nie z-za čornych śpisaŭ Kavalčuka? A svaje vychavancy Łožkin i Davyskiba? Pakul Dynama pracavała i šukała inšych hulcoŭ na miesca tych, kaho łukašysty zabanili, Bate čuchali patylicu. Skład u ich usie roŭna byŭ nie horšy za Dynamaŭski, ale ž trenier niebaraka. Jak papracavali, tak i zarabili.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930