Znajści
Ałharytmičny łacinski varyjant
24.11.2023 / 09:257RusŁacBieł

Za ŭdzieł u vajnie z Ukrainaj Pucin pamiłavaŭ sachalinskaha ludajeda

Jašče adzin rasijski zabojca, u bijahrafii jakoha jość epizod ludajedstva, atrymaŭ pamiłavańnie ad Uładzimira Pucina, zrabili vysnovu aŭtary telehram-kanała «Sachalin suprać vajny», hruntujučysia na źjaŭleńni ŭ sacsietkach fota sachalinca Dzianisa Horyna, asudžanaha ŭ 2018 hodzie na 22 hady kałonii asablivaha režymu. Na fota Horyn paziruje ŭ vajskovaj formie ź pierabintavanaj hałavoj, a jahonyja znajomyja paćvierdzili žurnalistam, što mužčyna vyzvaliŭsia značna raniej, čym čakałasia.

Dzianis Horyn

Ciapier Dzianis Horyn znachodzicca ŭ špitali Južna-Sachalinska, zalečvajučy ranieńnie siaredniaj ciažkaści.

Pieršy raz za zabojstva i «ździek nad ciełam» jon sieŭ u 2003 hodzie. U 2010 hodzie vyzvaliŭsia daterminova i zabiŭ jašče troch čałaviek. Adzin trup pasprabavaŭ utapić.

«Zrazaŭ bicepsy z ruk, miasa składaŭ u pakiet čorny polietylenavy. Paśla čaho źniaŭ [z zabitaha] štany, zrezaŭ myšcy ikranožnyja i miasa sa ściohnaŭ. Paśla čaho ściahnuŭ cieła ŭ raku. Pryjšoŭšy dadomu, zakinuŭ rečy ŭ prałku, miasa pramyŭ i pakłaŭ u chaładzilnik, pieraapranuŭsia i pajšoŭ na vulicu dahaniać haściej», — śćviardžałasia pra jaho ŭ materyjałach kryminalnaj spravy).

Raniej na hetym tydni stała viadoma ab pamiłavańni ŭdzielnika bandy satanistaŭ ź Jarasłaŭla Mikałaja Ahałobiaka. Z kałonii jon zavierbavaŭsia na vajnu i praz paŭhoda viarnuŭsia dadomu.

Praktyka vyzvaleńnia takich ludziej ad pakarańnia ŭ sučasnaj Rasii niepakoić mnohich, u tym liku i niekatorych deputataŭ Dziarždumy.

«Absalutna ŭsim, uklučajučy orhany ŭłady, całkam vidavočna, što hetych ludziej nichto i ništo nie spynić ad viartańnia da žachlivych dziejańniaŭ. Niejak nie vierycca, što čałaviek, jaki spakojna zabivaŭ ludziej u svajo zadavalnieńnie, vypraviŭsia i dalej budzie kvietki na dačy vyroščvać i matylkoŭ kalekcyjanavać», — kazała niadaŭna deputatka Iryna Fiłatava.

Ukazy ab pamiłavańni asudžanych padpisvaje Uładzimir Pucin. Jak vyśvietliła «Ruskaja słužba Bi-bi-si», heta robicca ŭ dzień adpraŭki złačyncaŭ na front. Pa padlikach vydańnia «Ahientstvo», pamiłavańnie atrymali ŭžo kala 20 čałaviek, asudžanych raniej za rezanansnyja zabojstvy. Niekatoryja ź ich na voli paśpieli ździejśnić novyja złačynstvy.

Čytajcie taksama:

Zavierbavaŭsia na vajnu i vyjšaŭ na volu rasijski satanist, jaki rasčlaniaŭ padletkaŭ. Siadzieć jon musiŭ jašče 7 hadoŭ

Pucin pamiłavaŭ zabojcu kiemieraŭskaj studentki. Toj zabivaŭ dziaŭčynu try hadziny, naniosšy 111 traŭmaŭ, a adsiadzieŭ mienš za hod

«Śpiecapieracyja» padobnaja da chryščeńnia Rusi, a Pucin — da Alaksandra Nieŭskaha. U Kramli padrychtavali novuju prapahandysckuju mietadyčku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
6
Ха-ха
2
Ого
4
Сумна
2
Абуральна
22
5
Harbac/adkazać/
24.11.2023
NN, ty b nie vykałvałasia, a to harbaceviča voźmie i sažre!
0
Čarkaškvarka/adkazać/
24.11.2023
Nu ničoha, Słaŭnaja Ukrainskaja Armija adnović čałaviečuju i sudovuju spraviadlivaść. Pajedzie u rasieju pa caściam.
0
popali Biełarusy/adkazać/
24.11.2023
Z kałonii jon zavierbavaŭsia na vajnu i praz paŭhoda viarnuŭsia dadomu.

Strana dikariej, a usatyj nas tuda žie tianiet...Vmiestie s čiełom v sutanie....
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera