Znajści
Ałharytmičny łacinski varyjant
23.11.2023 / 21:073RusŁacBieł

Błohier z entuzijazmam pakazaŭ, jak charčavacca za 9 rubloŭ na dzień

Kamandzirovačnyja ŭ Biełarusi składajuć 9 rubloŭ za sutki. Ci chopić hetych hrošaj na charčavańnie? Praŭładny tyktok-błohier PałVanyč, jaki nazyvaje siabie aktyvistam-aptymistam z Kobryna, z entuzijazmam raspaviadaje padpisčykam, što heta vielmi lohka zrabić.

Fota ź instahramu dmitriev_by

Pavieł Dźmitryjeŭ (heta sapraŭdnaje imia PałVanyča) pryjechaŭ u Minsk na čatyry dni i źniaŭ kvateru za 100 rubloŭ za sutki. Jon radasna paviedamiŭ, što haspadynia dazvoliła jamu vykarystoŭvać lubyja pradukty, jakija jon znojdzie na kuchni. Hetaja navina ŭzradavała PałVanyča: jon staŭ prykidvać, ci zmoža dziakujučy hetamu aščadzić niešta ź dzieviaci rubloŭ sutačnych kamandzirovačnych.

@jascked

♬ orihinalnyj zvuk - music23

Na kuchni błohier znajšoŭ dźvie cukierki «Ptušynaje małako», słoik bakłažanaŭ u adžycy i słoik chatniaha višniovaha džemu, rozny alej, chleb, butelku małaka, muku, suchoje bulbianoje piure, miuśli, krychu hrečki, kavu, harbatu i cukar. «Kłasnaja aščadnaść!» − uzradavaŭsia aktyvist-aptymist.

Jašče ŭ adnoj šafie jon znajšoŭ roznuju makaronu — patrochu ŭ kožnym pačku.

«Pabačym, paniuchajem. Kali jana dobraja, budziem vyžyvać». Natknuŭsia błohier i na kalekcyju butelek z-pad roznaha ałkaholu. Hučnaje «Vaŭ!» źmianiłasia rasčaravanaje na «Aj, jany pustyja. Prykińcie, kali b heta było ŭklučana. Byŭ by all-inclusive!».

U ladoŭni znajšłosia krychu pielmieniaŭ i niekalki pačkaŭ marožanaha. Svaju pieršuju stravu PałVanyč nazvaŭ sup «Nažorysty»:

«Heta sup z frykadelkami ŭ cieście. Pa-inšamu — pielmieški. Samy hałoŭny sakret — kab vadzička była smačnaja i nažorystaja. Tady chopić na ceły dzień».

Paśla hetaha błohier vyrašyŭ schadzić u kramu, kab nabyć ježy na čatyry dni ŭ stalicy — ale 36 rubloŭ usio ž nie chapiła, mužčyna pryznaŭsia, što krychu pieravysiŭ svoj biudžet. Jon zrabiŭ modny ŭ sacsietkach «anpakinh» — prademanstravaŭ nabytki. Z kramy PałVanyč prynios hranat, dźvie pački tvarahu, pierniki, kiłahram pielmieniaŭ «Pacieški» (ich jon nazvaŭ asnovaj svajho racyjonu), dziasiatak jajek, mieksikanskuju harodninnuju sumieś («Voś na hetym ja prahareŭ, — prakamientavaŭ błohier. — Budziem varyć vip-sup»), dva słoiki tušonki.

@jascked Otviet polzovatielu @anastaisha_1983 Vyživaju na komandirovočnyje. 4 dnia - 36 rublej. Po itohu vyšło 40 rub. Nie rassčitał normalno, budiem sčitať, čto v karmanie miełoč našieł Otlično, čto bonusom jesť kofie, čaj, makarony, sous. Eto prosto mieha kłass. #studienty#studient#rieciept#minsk#minsksiejčas#biełaruś#minsk#Biełaruś#biełaruś#riek#vriek#riekomiendacija#pałvanyč#vyživanije#biełaruś#kobrin#kobrin#čiellendž#a4#a4#obŝaha♬ Get Lucky - Daniele Vitale

Nastupnaj stravaj, jakuju zhatavaŭ aktyvist-aptymist, stała makarona haspadyni ź jaje ž prypravami i biarozaŭskaj tušonkaj z «Jeŭraopta». «Šykoŭnaj stravie» PałVanyč daŭ nazvu «Cyhanskaja makarona pa-mižziemnamorsku».

@jascked Otviet polzovatielu @vivaviktoria_model Prihotovił užin zavtrak i opiať užin. potratił 5 rub na banku tušionki. Ostalnoje bonusom ot choziajki kvartiry #obŝaha#a4#a4#čiellendž#kobrin#kobrin#biełaruś#vyživanije#pałvanyč#riekomiendacija#vriek#riek#biełaruś#Biełaruś#minsk#minsksiejčas#minsk#rieciept#studient#studienty#ieda♬ Tarantella napoletana - Andrea Colombari

Analizujučy svaje zakupy na nastupny dzień, błohier pryjšoŭ da vysnovy, što jon zanadta razahnaŭsia i takoha zapasu praduktaŭ jamu chapiła b na tydzień. Paškadvaŭ, što nie nabyŭ bulby, bo ź jaje možna šmat čaho pryhatavać — zrabić, naprykład, draniki ci pasmažyć i źjeści ź sieladcom.

Padpisčyki PałVanyča pahadzilisia z tym, što 36 rubloŭ lohka chopić, kab jeści čatyry dni, kali «nie šykavać». Ale ž, niahledziačy na ŭvieś hety aptymizm, błohier na videa nieadnarazova kaža «budziem vyžyvać!» — u hetaj frazie, zdajecca, usia fiłasofija peŭnaha typu ludziej. Jany imknucca nie žyć, a mienavita vyžyvać.

PałVanyč maje 13 500 padpisčykaŭ u tyktoku. Tam jon pierakazvaje asnoŭnyja tezisy prapahandy, repościć videa z Łukašenkam, a taksama pakazvaje, jak udzielničaje ŭ roznych praŭładnych mierapryjemstvach — naprykład, u kastryčniku jon razam ź inšymi «ideałahična pravilnymi» aktyvistami sadziŭ jabłyni kala Pałaca Niezaležnaści.

Čytajcie taksama:

«Uładzimir Uładzimiravič, vielizarnaja prośba: prašu pryzvać mianie na SVA». Tyktok-vajar z Dobruša prosicca na front

Pieršyja rody ŭ 15 hadoŭ, druhija ŭ 17 i trecija ŭ 19. Maładaja mama z-pad Homiela stała abjektam zachapleńnia adnych, žoŭci druhich

Błohierka zrabiła ahlad cen na rynku. Niekatorym pradaŭcam paśla pryjšłosia ich źnižać

Hanna Stafanovič

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
43
Ха-ха
12
Ого
1
Сумна
2
Абуральна
9
1
Josik/adkazać/
23.11.2023
A jašče možna partret dyrektara saŭhasa z saboj vazić i za ŭsio jako dziakavać. 9 rubloŭ? A toje, što adtul treba na prajezd uziać kala rubla na adnu pajezdku, a mo i na maršrutcy, jakaja daražejšaja. Chutka haŭno nachvalvać buduć, kali jaho cukram pasypać. Zapisvaj, jak šče ŭ budučym budzieš ekanomić u kamandziroŭkach - kvitok na prajezd apaśla nie vykidvaj, pojdzieš u prybiralniu pa vialikaj spravie, hety kvitok vakoł palca abkruciŭ, palcam dupu padcior, a kvitkom bijamateryjał satreš. Nie treba padziaki, karystajsia. Hanarycca halečaj, dy šče jaje apraŭdvać. Kudy kročyli stolki času, kudy pryjšli?
1
aby jak/adkazać/
23.11.2023
Zžer usie chaziajkiny charčy i rozumu chvaciła jašče hetym pachvalicca. Vo dzie soramu niama)

Va ŭsialakim vypadku, kali za chatu zapłaciŭ 400 rub, to hetaja ekanomija vyhladaje ekanomijaj na zapałkach.
0
PIATRO/adkazać/
24.11.2023
Kupił by łučšie muki na tri dnia.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930