Znajści
Ałharytmičny łacinski varyjant
21.11.2023 / 19:243RusŁacBieł

Biełaruś i Rasija nakłali vieta na abrańnie Estonii staršynioj ABSIE. Estoncy zaklikajuć nie papuskać

U aŭtorak, 21 listapada, na pasiadžeńni Pastajannaj rady arhanizacyi pa biaśpiecy i supracoŭnictvie ŭ Jeŭropie (ABSIE), jakoje prajšło ŭ Vienie, Rasija ź Biełaruśsiu nakłali vieta na zaćviardžeńnie Estonii ŭ jakaści nastupnaha staršyni ABSIE ŭ 2024 hodzie, piša ERR na padstavie słoŭ aficyjnaj pradstaŭnicy estonskaha MZS Breci Sarapuu.

Fota: AP Photo/Heinz-Peter Bader

Pakolki rašeńni ŭ ABSIE prymajucca kansensusam, abrać Estoniju staršynioj arhanizacyi nie ŭdałosia. Adkazvajučy na pytańnie, što budzie dalej, Sarapuu pryznała, što situacyja niajasnaja.

«Pakolki Estonija taksama źjaŭlajecca adzinym kandydatam ad krain Jeŭrasajuza, my abaviazkova abmiarkujem heta ź inšymi krainami ES», — adznačyła jana.

Čynoŭnica taksama paviedamiła, što na nastupnym tydni ŭ Skopje, stalicy ciapierašniaha staršyni ABSIE Paŭnočnaj Makiedonii, adbudziecca sustreča ministraŭ zamiežnych spraŭ ABSIE, dzie hetaje pytańnie, jak čakajecca, znoŭ budzie ŭklučana ŭ paradak dnia.

Ministr zamiežnych spraŭ Estonii Marhus Cachkna i staršynia kamisii Ryjhikohu (parłamienta Estonii) pa zamiežnych spravach Marka Michkielsan u svaich kamientarach padkreślili, što ABSIE nie pavinna paddavacca cisku Rasii.

«Rasija svaimi dziejańniami błakuje pracu ŭsioj arhanizacyi, pakolki ŭžo niekalki hadoŭ Maskva nie dazvalaje zaćvierdzić biudžet arhanizacyi, arhanizoŭvać aficyjnyja mierapryjemstvy ABSIE, padaŭžać palavyja misii, a taksama pakłała kaniec usim misijam ABSIE va Ukrainie, jakaja stała achviaraj rasijskaj ahresii», — zajaviŭ Cachkna ŭ svaim piśmovym kamientary, u jakim nazvaŭ dziejańni Rasii vartymi škadavańnia.

«Ciapier praz Rasiju i Biełaruś my znachodzimsia ŭ situacyi, kali za paŭtara miesiaca da Novaha hoda ABSIE nie maje paćvierdžanaha staršyni, choć z 2020 hoda Estonija była adzinym kandydatam Jeŭrasajuza na hetuju pasadu», — skazaŭ Cachkna.

«U situacyi, kali Rasija parušaje ŭsie asnoŭnyja pryncypy ABSIE, viedučy krovapralitnuju ahresiŭnuju vajnu, niedapuščalna padparadkoŭvacca patrabavańniam Maskvy, u tym liku žadańniu, kab nastupny staršynia ABSIE nie byŭ siabram NATA.

Ciapier my pavinny ŭsialak izalavać Rasiju na mižnarodnaj arenie, a nie šukać pastanoŭ, jakija zadavalniajuć Maskvu», — padkreśliŭ kiraŭnik estonskaha MZS.

U svaju čarhu, Marka Mikchielsan adznačyŭ, što Rasija śviadoma vykarystoŭvaje ABSIE jak płatformu dla razbureńnia adzinstva Zachadu, što źjaŭlajecca častkaj šyrejšaj stratehii Maskvy.

«Jany adčuvajuć, što ZŠA nie mohuć admovicca ad ABSIE, i tamu akazvajuć cisk, błakujučy biudžet i nakładvajučy vieta na kandydaturu Estonii», — zajaviŭ staršynia źniešniepalityčnaj kamisii Ryjhikohu.

Technična mahčyma, što Paŭnočnaja Makiedonija praciahnie vykonvać abaviazki staršyni ŭ nastupnym hodzie, i sama kraina ŭ pryncypie pahadziłasia na heta, adnak, kali krainy ES i NATA paddaducca cisku Rasii, to Maskva damožacca vialikaj dypłamatyčnaj pieramohi, adznačyŭ Michkielsan.

ABSIE — arhanizacyja, stvoranaja paśla Narady pa biaśpiecy i supracoŭnictvie ŭ Jeŭropie (SBSIE), jakaja pačałasia ŭ 1973 hodzie i zaviaršyłasia pryniaćciem Chielsinkskaha zaklučnaha akta ŭ 1975 hodzie. Siabrami arhanizacyi źjaŭlajucca demakratyčnyja krainy Jeŭropy, ZŠA i Kanada, a taksama krainy byłoha savieckaha błoka i Savieckaha Sajuza. Arhanizacyja ŭ asnoŭnym zajmajecca pytańniami biaśpieki.

Čytajcie taksama:

Armienija paprasiła partnioraŭ u ADKB źniać z paradku dnia dakumient ab dapamozie krainie

Dačka deputata Savinych robić karjeru ŭ Łondanie, u toj čas jak jaje baćka vinavacić Zachad va ŭsich biedach

Upieršyniu za amal try hady pasoł krainy ES uručyła kopii davierčych hramat kiraŭniku MZS

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
9
Ха-ха
5
Ого
0
Сумна
1
Абуральна
35
4
mikola/adkazać/
21.11.2023
Idyioty razam z Rasejai....
1
Nu heta.../adkazać/
22.11.2023
A što dva dyktatarskich režyma majuć supolnaha z ABSIE? Tak i na zrazumieŭ: navošta ličycca ź ich pazicyjej i śvietapohladam? Kali pra hrošy, dak ad našych 600k rełakantaŭ profita bolš, čym ad bandy Łuki: padličycie, heta nie ciažka.
0
Biełarus/adkazać/
22.11.2023
Uvieś hety cyrk adbyvajecca vyklučna z-za pamyłkovaha parazumieńnia vorahu. A pamyłkovaje razumieńnie varunkaŭ zadačy nikoli nie pryviadzie da jejnaha pravilnaha rašeńnia. ABSIE, jak i redakcyja NN, nie razumieje, što heta nie pradstaŭnik Biełarusi paralizuje pracu i nakładvaje vieta (jak napisana ŭ zahałoŭku), a pradstaŭnik režymu łukašenki. Jaki źjaŭlajecca akupantam dla našaj krainy. Kali ž stavicca da vorahu adpaviedna, to krainie-ahresaru rasii ŭvohule nie miesca ŭ arhanizacyi biaśpieki - bo heta ahresar, jaki budzie imknucca hetuju biaśpieku razburyć, a tamu - nie maje ničoha ahulnaha z profilem i nazvaj ABSIE. A łukašenkaŭski pradstaŭnik - uvohule nikoha, akramia dyktatara, nie pradstaŭlaje. U nas jość abranaja Prezidentka i mienavita jejny pradstaŭnik musić mieścicca pad šyldaj "Biełaruś". I daniasieńnie hetaj dumki, padajecca, pavinna być pryjarytetnaj zadačaj dla našaj nacyjanalnaj miedyjaprastory. Padajecca, paśla usich padziej padobnyja zahałoŭki musiać być nieprymalnyja, bo lehitymizujuć režym i robiać z akupanta "Aficyjnuju Biełaruś". Ale ž čamuści nie... Žyvie Biełaruś! Słava Ŭkrainie!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930