Znajści
Ałharytmičny łacinski varyjant
21.11.2023 / 18:559RusŁacBieł

Zavierbavaŭsia na vajnu i vyjšaŭ na volu rasijski satanist, jaki rasčlaniaŭ padletkaŭ. Siadzieć jon musiŭ jašče 7 hadoŭ

Vyjšaŭ na volu apošni z bandy jarasłaŭskich satanistaŭ, jakija zabili čatyroch padletkaŭ u 2008 hodzie dziela kryvavaha rytuału, paviedamlaje rehijanalnaje vydańnie 76.ru. 33-hadovy Mikałaj Hraf Ahałobiak pavinien byŭ siadzieć u kałonii da 2030-ha, adnak ciapier jon, pavodle śviedčańnia jahonaha baćki, znachodzicca doma.

Pavodle baćki Mikałaja Ahałobiaka, jahony syn paŭhoda słužyŭ u padraździaleńni «Štorm Z» i atrymaŭ tam ciažkaje ranieńnie. Jon choć i na nahach, ale pakul nidzie nie pracuje, adnaŭlajecca, i dla vajny ŭžo naŭrad ci budzie prydatny.

Pra atrad «Štorm Z» u Minabarony stali pisać sa studzienia 2023 hoda. U apieratyŭnych zvodkach paviedamlałasia, što šturmavyja atrady pryznačanyja dla praryvu najbolš składanych učastkaŭ abarony USU. Kamplektujuć ich nibyta z dobraachvotnikaŭ, u tym liku sa źniavolenych.

Na jakich umovach pamiłavali Mikałaja Ahałobiaka, pakul što nieviadoma.

Siekta satanistaŭ utvaryłasia ŭ Jarasłaŭli ŭ 2006 hodzie. Jaje zasnavalnikam byŭ 15-hadovy Kanstancin Kłyk Baranaŭ, paźniej da abjadnańnia dałučylisia jašče niekalki padletkaŭ, siarod jakich byŭ i Mikałaj Hraf Ahałobiak.

Siabry siekty niekalki hadoŭ pravodzili kryvavyja rytuały, vykarystoŭvajučy dla achviaraprynašeńniaŭ zabitych sabak i katoŭ. Novych siabroŭ pryśviačali kryvioju žyvioł.

U 2008 hodzie siekta razrasłasia, a zamiest žyvioł u achviary stali prynosić užo ludziej — padletkaŭ, jakija mieli suviazi ź siabrami siekty. Paśla taho zabojcaŭ aryštavali, i ŭ 2010 hodzie vynieśli surovyja prysudy: pa 10 hadoŭ źniavoleńnia, a Ahałobiaku — 20, bo tolki jon byŭ na toj čas paŭnaletnim. Inšyja siabry siekty, adbyŭšy terminy, užo byli na voli, Ahałobiak zastavaŭsia apošnim, chto praciahvaŭ adbyvać termin.

Čytajcie taksama:

Pucin pamiłavaŭ zabojcu kiemieraŭskaj studentki. Toj zabivaŭ dziaŭčynu try hadziny, naniosšy 111 traŭmaŭ, a adsiadzieŭ mienš za hod

«Śpiecapieracyja» padobnaja da chryščeńnia Rusi, a Pucin — da Alaksandra Nieŭskaha. U Kramli padrychtavali novuju prapahandysckuju mietadyčku

«Nacysckija satanisty ŭmacavalisia ŭ śviatym ruskim horadzie Kijevie». Stała viadoma, jak rasijskaja i łukašenkaŭskaja prapahanda budzie raskazvać pra Chryščeńnie Rusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
6
Ха-ха
7
Ого
3
Сумна
2
Абуральна
28
0
Starobiłorus/adkazać/
22.11.2023
Maje byť odnojči stanie hierojem rośsiei počtivym. I pomnik jemu postaviať, kvijatki buduť nosiť. I na ŭrokoch privodiť u jakosti idejała dietiam.
4
Uho/adkazać/
22.11.2023
Nado priznať, eto pridumka udačnaja. I tiuŕmy razhruzili, i vojnu povojevali, i ot dušiehubov massovo izbaviliś. A raznyje tam jediničnyje kiejsy vrodie etoho - prijemlemyj risk.
0
I takije kiejsy užie isčiślajutsia sotniami/adkazać/
22.11.2023
Uho, a jeśli etot «prijemlemyj risk» prijediet v vašu siemju?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera