Znajści
Ałharytmičny łacinski varyjant
20.11.2023 / 14:453RusŁacBieł

Dvuchvuhołka Napaleona pajšła z małatka ŭ Paryžy za 1,9 miljona jeŭra

Historyki kažuć, što hałaŭny ŭbor byŭ častkaj «brenda» Napaleona. Jon nasiŭ jaho bokam, dziakujučy čamu byŭ zaŭvažny na poli boju.

Fota: Christophe Ena / AP

Hałaŭny ŭbor, jaki naležaŭ Napaleonu Banapartu ŭ časy jaho kiravańnia Francuzskaj impieryjaj u XIX stahodździ, byŭ pradadzieny na aŭkcyjonie ŭ Paryžy za 1,9 miljona jeŭra (prykładna 2,1 miljona dalaraŭ), piša Bi-bi-si.

Dvuchrohi kapialuš francuzskaha impieratara (jaho nazyvajuć «dvuchvuhołka» abo «bikorn») z čornaha babrovaha fietru pieršapačatkova byŭ acenieny ŭ 600—800 tysiač jeŭra.

Pakupnik, zapłaciŭšy ŭ vyniku našmat bolš, nie raskryŭ svajho imia.

Historyki kažuć, što hałaŭny ŭbor byŭ častkaj «brenda» Napaleona. Jon nasiŭ jaho bokam, dziakujučy čamu byŭ zaŭvažny na poli boju. Usiaho ŭ jaho było kala 120 dvuchvuholnych kapielušoŭ, jakija jon nasiŭ doŭhija hady.

Ličycca, što ciapier zastałosia tolki 20 asobnikaŭ, pryčym mnohija z hetych kapielušoŭ znachodziacca ŭ pryvatnych kalekcyjach.

Kapialuš byŭ vystaŭleny na aŭkcyjon razam ź inšymi relikvijami napaleonaŭskaj epochi, sabranymi pramysłoŭcam, pamierłym u minułym hodzie.

Aŭkcyjanisty zajavili, što dla śpiecyjalistaŭ hety hałaŭny ŭbor — sapraŭdnaja «śviatynia».

Impieratar nasiŭ kapialuš z vuhłami paralelna plačam («en bataille»), tady jak bolšaść jaho aficeraŭ nasiła kapielušy pierpiendykularna plačam.

Aŭkcyjanist Žan-Pjer Asiena adznačyŭ: «Ludzi paznavali hety kapialuš zaŭsiody i ŭsiudy. Kali jany bačyli jaje na palach bitvaŭ, jany viedali, što heta Napaleon».

«A ŭ pryvatnym žyćci jon albo nasiŭ jaho na hałavie, albo trymaŭ u ruce, a časam kidaŭ na ziamlu. Heta byŭ taki vobraz — simvał impieratara», raspaviadaje Žan-Pjer Asiena.

Aŭkcyjanisty zajavili, što hety kankretny kapialuš maje biezdakornaje pachodžańnie: na praciahu ŭsiaho XIX stahodździa jon zachoŭvaŭsia ŭ siamji prydvornaha intendanta Napaleona.

Na kapielušy, vystaŭlenym na aŭkcyjonie aŭkcyjonnaha doma Osenat u rajonie Fantenbło, jość kukarda, jakuju Napaleon prymacavaŭ da jaho ŭ 1815 hodzie, padčas pierasiačeńnia Mižziemnaha mora pa šlachu z ssyłki na Elbie ŭ Antyb. U hety pieryjad jon nienadoŭha viarnuŭsia da ŭłady.

Siarod inšych pradadzienych pradmietaŭ — srebnaja talerka, skradzienaja z karety Napaleona paśla jaho parazy pry Vaterłoa ŭ 1815 hodzie, a taksama draŭlanaja skrynia, jakaja naležała jamu — niesiesier z brytvami, srebnaj zubnoj ščotkaj, nažnicami i inšymi rečami.

Čytajcie taksama:

U Rasii pradali na aŭkcyjonie staražytnuju hramatu ab nadańni hierba biełaruskaj Dziśnie

Aŭtarski varyjant samaj znakamitaj karciny Šahała pradali za 15,6 miljona dalaraŭ

Hadzińnik žychara Viciebska z «Tytanika» pradali na aŭkcyjonie 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
0
Ха-ха
0
Ого
0
Сумна
0
Абуральна
0
1
daviedka /adkazać/
20.11.2023
Napoleonovskaja dvuuhołka budiet idiealno harmonirovať s krossovkami novoho anonimnoho vładielca Air Force 1.
0
mikola/adkazać/
20.11.2023
Liudzja nima czago rabic.....Prydumvaiuc roznyja *rearytety*....
1
Bubočka/adkazać/
20.11.2023
Siebie priobrieł.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930