Znajści
Ałharytmičny łacinski varyjant
20.11.2023 / 13:0831RusŁacBieł

«Zaklikaju ŭsich, kamu darahaja Biełaruś, pajści razam sa mnoj». Prakopjeŭ pačynaje palityčnuju karjeru i idzie ŭ Kaardynacyjnuju radu

Biznesoviec Vadzim Prakopjeŭ pačynaje palityčnuju karjeru i źbirajecca pryniać udzieł u vybarach u Kaardynacyjnuju radu. Čamu vyrašyŭ iści ŭ palityku i jakija ŭ jaho płany, jon raspavioŭ «Lusterku».

Vadzim Prakopjeŭ. Skrynšot videa TOK_talk / YouTube

Vadzim Prakopjeŭ kaža, što iści ŭ palityku jaho matyvavaŭ «vakuum lidarstva, jaki ŭtvaryŭsia ŭ našym demakratyčnym ruchu».

— Ciapier u nas, biełarusaŭ, niama subjekta, jaki b biŭsia za niezaležnaść Biełarusi za stałom budučych mirnych pieramovaŭ, — zajaviŭ Vadzim Prakopjeŭ. — Spravy iduć drenna, vierahodnaść niehatyŭnaha scenara — prystojnaja. Kali nam, našym dzieciam i ŭnukam patrebnaja žyvaja Biełaruś, to treba brać inicyjatyvu ŭ svaje ruki i dziejničać.

Dla hetaha, na zadumku Prakopjeva, hramadstvu patrebny dźvie apory: masavy narodny ruch i pracazdolny protaparłamient. Z funkcyjaj apošniaha, kaža eks-restaratar, całkam spravicca Kaardynacyjnaja rada:

— Śmiajacca nie śpiašajciesia. Heta budzie mienavita novaja Kaardynacyjnaja rada, dzie źbiarucca pradstaŭniki, vyłučanyja i abranyja biełarusami. Mahčyma, siarod ich budu i ja. Ja pajdu na hetyja vybary i ja zaklikaju ŭsich, kamu darahaja Biełaruś, pajści razam sa mnoj.

Što da masavaha narodnaha ruchu, pra jaki kazaŭ Prakopjeŭ, to, pavodle jaho słoŭ, stvarać novuju palityčnuju siłu albo dałučacca da ŭžo dziejnaj jon nie płanuje.

Ale maje namier abapiracca na dyjaspary biełarusaŭ za miažoj. Dla hetaha jašče z pačatku listapada Prakopjeŭ razam z pradstaŭnikom Abjadnanaha pierachodnaha kabinieta pa abaronie i nacyjanalnaj biaśpiecy Valeryjem Sachaščykam i śpikieram Kaardynacyjnaj rady Andrejem Jahoravym udzielničaŭ u sustrečach z pradstaŭnikami biełaruskich dyjaspar u niekalkich haradach Polščy, Hiermanii i ZŠA.

— Inicyjatyvy tam šmat, idej — zvyšdastatkova, ludziej — patencyjna sotnia tysiač, a moža, i bolš, usio zaležyć tolki ad nas, — kaža Prakopjeŭ. — Dyjaspary hatovyja dziejničać, im patrebny instrumient. Ruch i novaja Kaardynacyjnaja rada — voś najkaraciejšy šlach da novaha lidarstva.

Ci nie źbirajecca jon skłaści kankurencyju za lidarstva ŭ demakratyčnych siłach Biełarusi Śviatłanie Cichanoŭskaj? Novaśpiečany palityk kaža, što takoj mety ŭ jaho pakul niama:

— Častka našaha demakratyčnaha ruchu čamuści ličyć, što pieramahčy Łukašenku možna tolki paśla pieramohi nad Cichanoŭskaj. Ja da hetaj hrupy ludziej nie naležu. Ja liču za lepšaje kancentravacca na inšym — na Biełarusi i biełarusach, na razmovie z aktyvistami ŭ dyjasparach, na vybarach u novuju Kaardynacyjnuju radu, na dyjałohu ź ludźmi ŭ Biełarusi, na stvareńni masavaha ruchu.

Paŭnamoctvy ciapierašniaha składu Kaardynacyjnaj rady zakančvajucca 8 lutaha 2024 hoda. Rašeńnie ab tym, u jakim farmacie projduć vybary ŭ hetuju strukturu, jaho siabry prymuć 8 śniežnia 2023 hoda.

Čytajcie taksama:

Trya Sachaščyk, Prakopjeŭ i Jahoraŭ pajechała ŭ turne. Pra što havorać na sustrečach ź biełarusami

Prakopjeŭ patłumačyŭ, čamu nie atrymałasia historyja z pałkom «Pahonia»

«Treba sapsavać viečarynku». Prakopjeŭ nazvaŭ čatyry akny mahčymaściaŭ dla źmien u Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
35
Панылы сорам
12
Ха-ха
16
Ого
5
Сумна
2
Абуральна
12
0
Janka/adkazać/
21.11.2023
Paranoja
4
Janka/adkazać/
21.11.2023
Gorliwy Litwin , Uvieś čas jość popyt na arestovičaŭ i kacaŭ

I ŭ hetym niama ničoha drennaha, bo čałaviek zaŭsiody imkniecca da lepšaha.

1.Va ŭmovach demakratyčnaj dziaržavy - tak, papulisty škodziać, bo svaimi hučnymi abiacańniami jany zdolnyja zaminać dziejnaści adkaznych palitykaŭ, jakija hladziać u dalekuju pierśpiektyvu i aceńvajuć ahulny košt tych albo inšych dziejańniaŭ/bieździejnaści. I my bačym heta na prykładzie Tramp/Bajden.

2.Ale kali ŭ vas adbyłasia ŭzurpacyja ŭłady (asabliva mafijoznaja) - to pryvabnaj budučyni być dakładna nia moža, bo ŭzurpatar nie zacikaŭleny ŭ palapšeńni žyćcia krainy jak adzinaha instrumienta pieramohi na nastupnych sumlennych vybarach. Tamu źnieści dyktaturu zdolnyja tolki albo vajenny pieravarot, albo masavy revalucyjny ŭzdym, dla stvareńnia jakoha vielmi karysnyja influensiery kštałtu Arestoviča albo Kaca. A ŭžo paśla źniščeńnia dyktatury nadychodzić čas adkaznych palitykaŭ, jak heta adbyłosia ŭ Polščy, kali paśla haračaha vuličnaha lidara Valensy pryjšoŭ vielmi ŭraŭnavažany i centryčny prafiesijny palityk Kvaśnieŭski.
0
Vierojatnyj /adkazać/
22.11.2023
Janka, usio jašče nie baču roźnicy. 

"Chałopy" - nie ŭ sensie abrazić, a ŭ sensie taho, što ŭsio heta adbyvajecca unutry rasiejskaj paradyhmy "car - chałopy". Tak, chałop moža časam navat niešta pisknuć z natoŭpu, ale potym vierniecca ŭ cech dy praciahnie krucić hajku, bo ničoha inšaha nia viedaje. Bo nijakaj mientalnaści akramia tutejšaj, nijakaj idei, nijakich varyjantaŭ budučyni, nijakich płanaŭ, nijakaj tryvałaj supolnaści pobač. Chto tut uźnimiecca strajkavać? Dziela čaho? Jany nia viedajuć. Ale srakaj adčuvajuć adsutnaść hruntu pad saboj. Dzieci suprać darosłych. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930