Minzdaroŭja: U Biełarusi zarehistravana 59 vypadkaŭ adru
Rehistrujucca jany va ŭsich rehijonach za vyklučeńniem Bresckaj vobłaści. U tracinie vypadkaŭ zachvorvańnie źviazana z vyjezdam za miežy Biełarusi.
Situacyja z adrom u Biełarusi stabilnaja. Ciapier zarehistravana ŭsiaho 59 vypadkaŭ. Rehistrujucca jany va ŭsich rehijonach za vyklučeńniem Bresckaj vobłaści. U tracinie vypadkaŭ zachvorvańnie źviazana z vyjezdam za miežy Biełarusi, paviedamiŭ namieśnik ministra achovy zdaroŭja — hałoŭny sanitarny doktar Biełarusi Alaksandr Tarasienka.
Apošnija vypadki havorać ab tym, što zachvorvajuć dzieci, baćki jakich admovilisia ad vakcynacyi ŭ adpaviednaści z nacyjanalnym kalendarom pryščepak suprać adru, krasnuchi i epidparatytu.
Takaja vakcynacyja płanava pravodzicca ŭ hod i ŭ šeść hadoŭ, a taksama pryščaplajucca ŭsie kantakty, źviazanyja z chvorym na adzior.
— Paśla zachvorvańnia imunitet praktyčna pažyćciovy. Kali kazać pra kliničnyja prajavy — heta słabaść, niedamahańnie, tempieratura, piaršeńnie ŭ horle, kašal. Na 4-5 dzień — syp, jaki pačynajecca z hałavy, šyi i idzie na tułava i kaniečnaści.
U Rasii zachvorvańnie vyrsła amal u 300 razoŭ. Pavodle infarmacyi SAAZ u śviecie zarehistravana bolš za 9 miljonaŭ vypadkaŭ adru, bolš za 170 000 — sa śmiarotnym vynikam.
«Zachvorvańnie surjoznaje, u 40 pracentach vypadkaŭ daje ŭskładnieńni, u tym liku pnieŭmaniju. Tamu rekamienduju vakcynavacca i pryščaplać dziaciej», — dadaŭ Alaksandr Tarasienka.
