Zaviaršyli siezon raskopak haradzišča na Miency, dreva chavajuć pad sałomu
U hetym siezonie archieołahi ź Instytuta historyi Akademii navuk zmahli znajści i vyvučyć draŭlanyja kanstrukcyi ŭ asnovie vała haradzišča na race Miency. Ciapier ža ŭsie draŭlanyja kleci nakryvajucca sałomaj, jakaja pasłužyć naturalnym kansiervantam dla draŭniny. Zatym usiu płošču raskopu nakryjuć plonkaj i prysypluć hruntam, piša Sputnik.
Skrynšot ź videa
Dziakujučy svaim ułaścivaściam, sałoma nie daść drevu pramierznuć zimoj. A ŭviesnu, jak tolki nadvorje dazvolić, historyki praciahnuć vyvučeńnie archieałahičnaha pomnika.
Kiruje rabotami zahadčyk adździeła archieałohii Siarednich viakoŭ i Novaha času Instytuta historyi Andrej Vajciachovič, prafiesijnym navukoŭcam dapamahajuć vałanciory.
Meta daśledavańniaŭ na haradziščy — pastavić kropku ŭ navukovaj dyskusii ab tym, dzie źjaviŭsia letapisny Miensk — na Niamizie ci na Miency. Dla hetaha patrebna dakładnaje datavańnie, jakoje možna zrabić dziakujučy dendrachranałahičnamu analizu.
Vyvučyć śpił z draŭniny, jakoj moža być bolš za tysiaču hadoŭ, mohuć śpiecyjalisty Instytuta bataniki Akademii navuk. Praŭda, pakul jany sprabavali naładzić bienzapiłu, archieołahi ź Instytuta historyi zrabili heta zvykłym čynam — pry dapamozie ručnoj piły.
Usiaho treba zrabić kala 50 takich śpiłaŭ, kab atrymać poŭny kamplekt dla dalejšaha vyvučeńnia i analizu.
Čytajcie taksama:
U Minkulcie raskazali pra dalejšyja płany restaŭracyi i ŭznaŭleńnia Kreŭskaha i Halšanskaha zamkaŭ
