Znajści
Ałharytmičny łacinski varyjant
15.11.2023 / 13:13RusŁacBieł

Kiembrydžski słoŭnik taksama nazvaŭ słova 2023 hoda

Kiembrydžski słoŭnik anhlijskaj movy (Cambridge Dictionary) nazvaŭ słovam 2023 hoda dziejasłoŭ «halucynavać», jaki nabyŭ novaje značeńnie z raźvićciom štučnaha intelektu. Pra heta havorycca ŭ paviedamleńni, apublikavanym na sajcie słoŭnika.

Fota: dictionaryblog.cambridge.org

«Mahčyma, vy ŭžo znajomyja z hetym słovam, jakoje my vykarystoŭvajem, kali havorym pra toje, kali bačym, čujem abo adčuvajem rečy, jakich nasamreč nie isnuje. Ale ci viedajecie vy, što jano nabyvaje novaje značeńnie, kali vykarystoŭvajecca ŭ kantekście štučnaha intelektu?» — zadajucca pytańniem składalniki.

Termin «halucynavać» nabyŭ novaje značeńnie sa źjaŭleńniem novaha pakaleńnia čat-botaŭ, jakija vykarystoŭvajuć štučny intelekt GenAI, u jakim kambinavanyja madeli mohuć stvarać tekst i malunki. 

Heta zasnavana na vielizarnych abjomach moŭnych danych u formie vialikaj moŭnaj madeli i štučny intelekt moža vieści razmovu na lubuju abranuju čałaviekam temu, a taksama pisać vieršy, apaviadańni i ese.

Taksama z raźvićciom štučnaha intelektu ŭ anhlijskaj movie źjaŭlajecca šmat novych terminaŭ i słoŭ, jakija źviazany mienavita z hetaj technałohijaj. U Kiembrydžski słoŭnik sioleta ŭklučyli adrazu niekalki słoŭ i vyrazaŭ. Heta «vialikaja moŭnaja madel», «hienieratyŭny štučny intelekt» i GPT.

1 listapada brytanski słoŭnik Collins nazvaŭ słovam hoda »štučny intelekt» (AI, artificial intelligence. Składalniki słoŭnika patłumačyli taki vybar tym, što ŠI ličycca «nastupnaj vialikaj technałahičnaj revalucyjaj, chutka raźvivajecca, i pra heta słova šmat kažuć u 2023 hodzie».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
1
Ого
0
Сумна
1
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera