Znajści
Ałharytmičny łacinski varyjant
14.11.2023 / 19:109RusŁacBieł

«Adnym ź pieršych jaho ŭkazańniaŭ stała ŭstanoŭka videakamier». KDB raskazaŭ bolš pra aryšt dyrektara «Babuškinoj krynki»

Kamitet dziaržaŭnaj biaśpieki praź dziaržaŭnaje infarmacyjnaje ahienctva BiełTA vykładaje peŭnyja padrabiaznaści «małočnaj» spravy, jakaja siońnia ŭspłyła na naradzie Łukašenki ź siłavikami. Niekatoryja ź ich tyčacca ŭžo byłoha hiendyrektara «Babuškinoj krynki» Hienadzia Skitava.

Hienadź Skitaŭ u centry. Fota: t.me/bkmogilev

Pavodle viersii KDB, u studzieni 2020 hoda orhany dziaržbiaśpieki atrymali pieršasnyja apieratyŭnyja danyja ab najaŭnaści karupcyjnaj schiemy nabyćcia staličnaj TAA «TPK PradInviest» likvidnaj pradukcyi małakapierapracoŭčych pradpryjemstvaŭ pa zanižanych cenach. Jaje paśla źbiralisia pradavać u Rasii.

Siarod inšaha, ŭ pole zroku siłavikoŭ trapili «sumnieŭnyja schiemy realizacyi pradukcyi AAT «Babuškina krynka». Ich jakraz nibyta i arhanizavaŭ pryznačany na pasadu ŭ vieraśni 2019 hoda dyrektar Skitaŭ.

Adnym ź pieršych jaho ŭkazańniaŭ stała, jak śćviardžajuć «čekisty», ustanoŭka videakamier u pracoŭnym kabiniecie i pryjomnaj Skitava, a supracoŭniki pavinny byli mieć znosiny ź im tolki praź miesiendžary.

Akramia taho, Skitaŭ nibyta zabaraniŭ naviedvać pradpryjemstva pradstaŭnikam dziaržorhanaŭ bieź jaho viedama. A pierad kalektyvam jon, maŭlaŭ, «pazicyjanavaŭ siabie «aŭtarytetam z 90-ch».

Dziela praviadzieńnia nielehalnych schiemaŭ dyrektar, jak śćviardžajecca, sfarmavaŭ kamandu mieniedžaraŭ ź liku svaich svajakoŭ i byłych padnačalenych, uvioŭ novuju zbytavuju palityku i «zamknuŭ finansavyja patoki na siabie».

Paśla taho kala 50% vysokalikvidnych syroŭ i masła stali realizoŭvacca praź blizkuju suviaź Skitava ź Siruciem — kiraŭnikom šerahu afilavanych kampanij. Skitaŭ, jak śćviardžajecca, stvaryŭ dla kampanij Sirucia prefierencyjnyja ŭmovy adhruzak hatovaj pradukcyi, a z časam apošni, maŭlaŭ, litaralna manapalizavaŭ ekspartnyja patoki pradpryjemstva, inšyja biznesmieny mahli mieć dostup da pradukcyi tolki pry ŭzhadnieńni ź im.

Taksama Skitaŭ nibyta naŭmysna pavialičvaŭ składskija zapasy, damahajučysia takim čynam źnižeńnia dla svajho pradpryjemstva indykatyŭnaj cany. Heta dazvalała Siruciu zabiaśpiečyć maksimalna mahčymy prybytak ad pieraprodažu pradukcyi ŭ Rasiju. Za heta jon płaciŭ Skitavu nie tolki niepasredna hrašovym chabaram, ale i pajezdkami na zabaŭlalnyja mierapryjemstvy, uračystaści i kamandziroŭki ŭ Rasiju.

Uvohule, pa viersii KDB,

«złačynnyja dachody ad nieabhruntavanaj pasrednickaj dziejnaści ŭsich udzielnikaŭ supraćpraŭnaj dziejnaści ŭ małočnaj halinie z ulikam roźnicy cen u Biełarusi i Rasii skłali nie mienš jak 10 młn dalaraŭ u hod».

Čytajcie taksama:

26 čałaviek zatrymanyja. Łukašenka raspavioŭ pra «małočnuju spravu»

«Małočnaja sprava»: u čym abvinavačvajuć hiendyrektara «Babuškinoj krynki» 

Zatrymanyja kiraŭniki adrazu niekalkich małakazavodaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
20
Панылы сорам
16
Ха-ха
36
Ого
13
Сумна
9
Абуральна
31
0
Symon/adkazać/
15.11.2023
Pravdoriez, ŭsio prosta. Dziaržaŭnyja košty na sielhaspadarčuju syravinu štučna zanižanyja, pradavać jaje na kamiercyjnym padmurku dziaržaŭnym sielhasvytvorcam zabaroniena, ichnyja straty kampiensujucca praź niezvarotnyja ilhotnyja kamandnyja kredity, to bok rekapitalizujucca z diaržbiudžetu, zabaronu bankructva i dazvoł nieraźličvacca z pryvatnymi pastaŭščykami. Zrazumieła, što ŭsie ichnyja finansavyja patoki skancentravanyja ŭ rukach viertykalščykaŭ.

Takim čynam praź istotnyja administracyjnyja prefieriencyi dziaržaŭnym sielhasvytvorcam isnavańnie istotnaha pryvatnaha sielhassektaru zroblena praktyčna niemahčymym (administracyjnyja ŭmovy funkcyjanavańnia sielhaschołdynhaŭ Mašenskaha, Čyža, Baskina i h.d. - pradmiet raśledvańnia antykarupcyjnaj prakuratury budučaj demakratyčnaj Biełarusi). Zrešty i dziaržaŭnyja sielhaspadarčyja vytvorcy mohuć tolki isnavać, ale nie majuć mahčymaściej raźvivacca, padvyšać pradukcyjnaść i adpaviedna vypłočvać dobry zarobak sialanam. I paraŭnańnie vytvorčaści zbožža ŭ Biełarusi i Litvie - samy nahladny pakaźnik nieefiektyŭnaści biełaruskaj sielhaspadarki.

A voś centr prybytku štučna skancentravany mienavita ŭ dziaržaŭnaj charčovaj pierapracoŭcy, što spryjaje stvareńniu raznastajnych karupcyjnych schiem na patokach finansaŭ i hatovaj pradukcyi charčovaj pierapracoŭcy.

Pakul na ŭsich hetych sielhaspadarčych schiemach siadzić viertykal - nievyrašalnych prablem praź niekankurentazdolnaść ŭ dziaržaŭnych sielhaspradpryjemstvaŭ nie ŭźnikaje. Ale časam apietyty mieniedžmientu i niepasrednych jahonych načalnikaŭ-viertykalščykaŭ pierachodziać dazvolenyja miežy, i tady pačynajecca zmahańnie suprać karupcyjanieraŭ. Ale nie kranajučy vybudavanaj sistemy, mety jakoj - trymańnie bolšaści pracoŭnych u zaležnaści ad režyma praz utrymańnie dziaržmanapolii na rynku pracy i zabieśpiačeńnie viertykali mahčymaściami dadatkova ŭzbahčvacca za košt štučnaha stvareńnia niarynkavych umovaŭ u ekanomicy.
0
Jaša/adkazać/
16.11.2023
daviedka ,  A szvdi foto usatoho hraždanina nieiźviestno kakoj strany
0
daviedka /adkazać/
16.11.2023
Kriostnyj otiec baťka.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930