Znajści
Ałharytmičny łacinski varyjant
12.11.2023 / 11:298RusŁacBieł

Kadyraŭ na 18-hodździe svajho syna Achmata «padaryŭ» jamu pasadu namieśnika ministra

Syn kiraŭnika Čačni Achmat Kadyraŭ pryznačany pieršym namieśnikam ministra respubliki pa fizičnaj kultury, sporcie i maładziožnaj palitycy. Asobna ab hetym pryznačeńni nie paviedamlałasia, ale Ramzan Kadyraŭ ukazaŭ novuju pasadu 18-hadovaha Achmata ŭ publikacyi ŭ telehram-kanale, kali raspaviadaŭ pra čarhovyja ŭznaharodžańni, u tym liku svaich synoŭ, piša «Kaŭkaz. Realii».

 

Achmat Kadyraŭ na sustrečy z prezidentam RF Uładzimiram Pucinym u Kramli, 2023 hod. Fota: sacsietki

Na sajcie Minsporta Čačni Achmat Kadyraŭ u jakaści pieršaha namieśnika ministra pakul nie paznačany.Tam značycca Chusejn Abdułkarymaŭ. Adnak, jak vynikaje z aficyjnych ukazaŭ, z 8 listapada jon panižany na pasadzie da prosta namieśnika ministra sportu. Takim čynam, Achmatu Kadyravu, vierahodna, addali pasadu Abdułkarymava.

U toj ža čas nijakich aficyjnych dakumientaŭ, jakija paćviardžajuć novaje pryznačeńnie 18-hadovaha Achmata, redakcyja «Kaŭkaz. Realii» nie vyjaviła — na sajcie kiraŭnika Čačni takoha ŭkaza stanam na 10 listapada niama. 

U adpaviednaści ź fiederalnym zakanadaŭstvam ab dziaržaŭnaj hramadzianskaj słužbie kiroŭnuju pasadu ŭ Rasii moža zajmać kandydat, jaki dasiahnuŭ 18-hadovaha ŭzrostu i maje adpaviednuju vyšejšuju adukacyju.

Achmat Kadyraŭ dasiahnuŭ paŭnalećcia 8 listapada, paśla čaho adrazu atrymaŭ pasadu ŭ respublikanskim uradzie. Raniej jon byŭ pryznačany pamočnikam kiraŭnika Čačni i staršynioj rady rehijanalnaha adździaleńnia prakramloŭskaha junackaha «Ruchu pieršych».

U sakaviku Achmat Kadyraŭ u statusie kiraŭnika rehijanalnaha adździaleńnia «Ruch pieršych» sustreŭsia ŭ Kramli z prezidentam Rasii Uładzimiram Pucinym, a potym pravioŭ aficyjnyja sustrečy ŭ Azierbajdžanie. Ekśpierty tady paličyli, što na fonie razmovaŭ ab chvarobie Ramzana Kadyrava jaho starejšaha syna rychtujuć da palityčnaj karjery.

Uviesnu Achmat i Adam Kadyravy atrymali nahrudnyja znaki «Za adznaku ŭ baraćbie z teraryzmam». U Hroznym rastłumačyli heta tym, što jany zjaŭlajucca «patryjotami radzimy» i «pilnujucca zapavietaŭ svajho dziaduli».

U listapadzie syny kiraŭnika Čačni Achmat, Eli i Adam atrymali novyja ŭznaharody — staršynia respublikanskaha parłamienta Mahamied Daudaŭ uručyŭ im ordeny «Dajmiechkan Sij», što ŭ pierakładzie z čačenskaj aznačaje «honar nacyi». Hety orden — najvyšejšaja ŭznaharoda parłamienta Čačni.

15-hadovy Adam Kadyraŭ letam źbiŭ u SIZA Hroznaha aryštavanaha za spaleńnie Karana Mikitu Žuraŭla. Paśla hetaha synu kiraŭnika Čačni ŭručyli ŭžo šeść uznaharod roznych rasijskich respublik. Akramia hetaha, niadaŭna Adam Kadyraŭ aficyjna ŭznačaliŭ adździeł harantavańnia biaśpieki svajho baćki.

Čytajcie taksama:

«Honar Ajčyny». Troch synoŭ Ramzana Kadyrava ŭznaharodzili najvyšejšym ordenam parłamienta rehijona

15-hadovamu synu Kadyrava ŭručyli orden ad Karačajeva-Čarkiesii. Učora jon atrymaŭ prestyžnuju ŭznaharodu Tatarstana

15-hadovy syn Ramzana Kadyrava staŭ Hierojem Čačni

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
11
Ха-ха
11
Ого
0
Сумна
4
Абуральна
4
0
Vpieriod v prošłoje/adkazać/
12.11.2023
Vpieriod ! V 18 viek.... Dikari po vsiemu miru podniali hołovy.... Vot čto tvoriat, točnieje dopustili "levaki".... Etot čieł choť tablicu umnožienija znajet ? Somnievajuś.
0
Bhagawan/adkazać/
13.11.2023
Prosta cikava, kali malieńki Ahmat paśpieŭ atrymać adukacyju i adpaviedny dośvied, kab stać namieśnikam ministra?
0
Andriej/adkazać/
13.11.2023
Vpieriod v prošłoje, słušna vy kažycie!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930